PAWTDAWNA THU 9:23 - PATHIAN LEKHABU THIANGTHO (BSI)

²³ Tichun, Mosi’n a tiangkhut chu van lam in a jak to ah; Lalpa’n van-gi leh gialpi leh meikuang, leitual ah chun a hun sawl tha suk ta’n. Chuleh, Lalpa chun Aigupta gam ah chun gialpi gawzuk in a hun zuksak tai.

PAWTDAWNA THU 9:23 ပူးပေါင်းရင်းမြစ်များ

THILSIAM THU 19:24

Lalpa chun Sodom leh Gomorrah khawpi chung ah chun, van ah Lalpa kiang ah kipat in mei leh kât a hun zuksak ta’n;

JOB LEKHABU 37:13

Sukdikna ding a hem, a gam phatna ding a hem leh, a ja’ngaina ziak a hem ah a hun umsak ahi.

SAM 147:17

Gial chu anmal gual in a thejak in, a khawvot chu kua a hem thuak zo ding?

SAM 148:8

mei leh gial, vûk kia leh jan dâichîm zosia, thigawpi a thupiak dungzui ah umte haw!

SAM 18:13

Lalpa chule vante ah khin a thûm zung zung a, Chungnung Penpa chun a aw a sua tai.

SAM 29:3

Lalpa aw chu tuite chung in a gi hen, lopina Pathian aw chu van-gi gual in a gi dul dul in, Lalpa aw ngei chu, tui tam tak chung in a hung gii.

SAM 77:18

Chîmpei in la vanpi a git sak ah; kawlphete chun khawvel a salvâk zot zot un; lei chu kithing in, a kilîng dup dup hi.

PAWTDAWNA THU 19:16

A nithum ni jingkal ah chun van-gi leh kawlphe a hung um ah; chuleh, tâng chung ah chun sûmpi sâ tak a hung um ah, pengkul gi ngai tak mai a hung kimût ah; giabuk ah mipi zosia chu a kithing hial ziang tau a.

PAWTDAWNA THU 20:18

Mipi zosia’n van-gi leh kawlphete leh pengkul git leh tâng meikhu tuam haw chu a muu in, lau ah kithing in, gamla deu in a ding tau a.

PAWTDAWNA THU 9:18

jing leh tu’hun leh Aigupta gam kisiam lim ah kipat tu’ni tiang ah le a la um kha nai lo, gial gik tak leh huaisia pen hun kiaksak ding ka hi,’ a tia.

PAWTDAWNA THU 9:24

Gial leh mei kihel a hung ke ta’n, a huaisia ma ma ah, Aigupta gam nam khat a hung hiu ah kipat a gam pumpi huap ah zia gual tuk ah huaisia hi a la tung kha nai puai.

ISAI 30:30

Ziaphat chuleh, Lalpa chun lungna tak in mi kângtum thei meikuang tawh, têk leh van-gi tawh gial kithua in hung intin; a aw lopi tak chu het in um in tin; mu dingin a khutbân hun vai suk ding ahi.

EZEKIEL 38:22

Ama do-na’n natpi leh kitualthâna a chung in tunsak ing ka tin; chuleh, ama tawh a sepaite chung in, gua, gial, mei leh kât zuksak ding ka hi.

JOSHUA 10:11

Israelte ma-âng ah jam mang ah Beth-Horon kenliang ah a tai suk lai un, Lalpa‘n van ah kipat in gialchang lianpi pi, Azekah tiang in a chung ua a hun kiaksak ziakin, Israelte’n chemjam ah a thalup sâng un gialchang in a se’lup a tam zawu hi.

THUPUAN 16:18

Ziaphatchun, awte, kawlphete, van-gite a hung pawt ah; linlîng huaisia tak a hung ling ah, lei ah mihingte um nung a hin zia gual ah linlîng nasa hi a um kha nai puai.

THUPUAN 16:21

Van ah kipat in gial lian tak tak, pakhat gik dan chu talent khat bûk chu mihingte chung in a ke ta’n; zia gawtna chu a nasa ma ma ah, zia gual ah gawt ahi’nung unle mite chun Pathian a gensia nalai ui.

THUPUAN 8:7

Vansawlchâk pakhatna chun a hun mût leh, gial leh mei thisan tawh kihel a hung pawtdok a; ziate chu lei ah a hun paitha tau a. Lei chung mun thum ah khen mun khat, thing mun thum ah khen mun khat, chuleh, hampa hing zosia chule a kâng tum tai.