PAWTDAWNA THU 9:14 - PATHIAN LEKHABU THIANGTHO (BSI)

¹⁴ Tu’chung ah ka hun gawtna ding hi nangma leh la miliante leh la mipite zosia chung ah tunsak ding ka hi; chutichun, keima gual hi lei chung zosia ah hin a dang umlo ahi ti la hettheina dingin.

PAWTDAWNA THU 9:14 ပူးပေါင်းရင်းမြစ်များ

2 SAMUEL 7:22

Ziaziakchun, Aw Lalpa Pathian, nang chu la lopi hi; ka bil ua ka het dungzui un, nangma tawhbang kuama a um pua’n, nangma lo’ngal Pathian dang him him a um puai.

1 LENGTE 8:38

mimal kua tawhbang hi’n, la mipi Israelte zosia hitaleule, mi tin amau lungthim chiat ah thokna ziak ah a khutteu zia In lam ah a hun jak ua, a dot ua leh, a pauchapnau bang hiziang lehle;

1 KHANGTHU 17:20

Aw Lalpa, ka bil ua ka het gual un, nangma tawhbang hi kuama a um pua’n, nangma lo’ngâl Pathian dang him himle a um puai.

SAM 86:8

Aw Lalpa, pathian dangte lak ah, nangma gual a um pua’n, la thilbawlte gual bawlthei le a um puau hi.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 8:10

Ama chun, “Jing leh,” a tia. Mosi’n, “La ti gual ah chun hi hen: tichun, Lalpa ka Pathian uh tawhbang hi a um puai ti la hiattheina dingin.

PAWTDAWNA THU 8:6

Tichun, Aron in a khut chu Aigupta gam ah tuite chung in a vak jak ah; ukêngte chu a hung pawt un, Aigupta gam chu a tuam suak ziang tai.

PAWTDAWNA THU 9:15

Tu’hin ka khut hun tha leng, nangma leh la mipite hun sumangthai mai ding ka hi; chuleh, nangmale suksiat dim dem hiding la hi.

ISAI 45:5

Keima hi Lalpa chu ka hi’n, a dang kuama a um puai; keima tilo ngâl Pathian dang a um puai. Ei helo malehchin le, keima’n gâlvan in ka hun thuam in,

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.

JEREMIAH 10:6

Aw Lalpa, nangma gual him kuama a um puai, la lopi in, la min chu hatna’n ahi’lopi hi.

JEREMIAH 10:7

Aw, namtin chung ah Lengpa, kua a hem nang hun lau lo ding chu? Namtin lak ah mipi zosia leh, a lenggam zosiau lak in, nangma gual kuama a umlo ziakin, ja tâk him la hi.

JEREMIAH 19:8

Chun, zia khawpi hi tizat um tak leh etzaw umlo tak in siam ing ka tin; a haw kha tapo in a siatnau huaisia tak ziak ah tiza’n, eulau khum chiat ta’n au.

DANIAL 5:21

Mihing lak ah nawdaw ah um in, ganchate ngaituana lungthim piak in a um tai. Chungnung pen ah Pathian in mihingte lenggam chung in vai a hawm in, a nop nop a tungding sek hi, ti a hun hetdaw masangsia, gam sabiltungte tawh kipawl in, bawngchal gual in hampa’n a kivak tai.

THIAMPUTE LEKHABU 26:18

Zia gual tiang a hile ka thu la ngai diak lo ua leh, la gitlonau chu a le’sagi’n hun thuk ding ka hi.

THIAMPUTE LEKHABU 26:21

Ka doi lo gual ah la umzing ua, ka thu la ngai lo uh chun, la gitlonau chu a le’sagi’n hun thuk ding ka hi.

THIAMPUTE LEKHABU 26:28

lungna tak in nang uh lang in umzing ing ka tin, la gitlonau a le’sagi’n hun thuk ding ka hi.

MIKAH 6:13

Ziaziakchun, ke’nle nasa tak in, ka hun khên pûk pan ta hen, la gitlonate ziakin ka hun sugam ta la hi.

DAN LEKHABU 3:24

“Aw Lalpa Pathian, la suak hi la lopi dan leh la hât dan lei musak pan ta’ngâl ah; nangma thilbawl gual leh la thilbawl nasa takte gual ah bawlthei pathian dang him him lei leh van ah a um puai!

DAN LEKHABU 4:35

Lalpa bep hi Pathian ahi’n, ama tilo ngâl a dang umlo ahi, ti la hiatsak theina ding un la kiang ua tâklat ahi.

THUPUAN 18:8

Ziaziakchun, ni khat sung in a gawtna: thina leh lunggimna leh kialna tung intin; ama chu mei ah hâltum hi’n a; a chung ah vaihawm Lalpa Pathian chu a hât ngal a,” ti in.

THUPUAN 22:18

Zia Lekhabu ah thu kigenlawkte hekha zosia kiang in zia hi ka hun hiatsak ahi: Kua’nle zia thute hi a belap chun, zia Lekhabu ah gawtna kizikte hi, Pathian in a chung ah belap in a.

1 SAMUEL 4:8

I chung uh a gik na e! Zia pathian hat takte khut ah kipat hin kua’n ei hukdok thei ta ding a hem? Zia pathiante hin gamthip ah khan, gawtna tincheng in Aiguptate kha a la gawt tau a.