PAWTDAWNA THU 8:15 - PATHIAN LEKHABU THIANGTHO (BSI)

¹⁵ Ahi’n, Pharaoh chun a thawveng tai ti a het phat in a lungthim a hikhau kit ah; amau chu a limsak nuam diak puai: Lalpa’n a la gensa gual in.

PAWTDAWNA THU 8:15 ပူးပေါင်းရင်းမြစ်များ

PAWTDAWNA THU 14:5

Mipite chu a jamdok tau hi ti Aigupta lengpa a vahil phat un, Pharaoh tawh a miliante lungthim chu zia mipite siatna ding lam chun a lungthim uh heikawi in a um ta’n; tichun, “Israelte’n I nau a sepnau ah kipat hi bangtidan ah I pawtsak ziang uh ahi tam?” a tiu a.

PAWTDAWNA THU 4:21

Lalpa chun Mosi kiang in, “Aigupta gam lam ah la chia kit phat leh thilmak la bawlthei ding ah ka hun piak zosia kha Pharaoh ma-âng in la bawl suak na em ti enpha’n la; ahi’n, a lungthim hi’tâk ding ka hi; tichun, mipite chu pawtsak nuam pua’n a.

PAWTDAWNA THU 7:4

Pharaoh in la thugen a ngai diak lo ding ziakin, Aigupta chung in ka khut tha’ng ka tin, gawtna huaisia takte mang in ka mipi Israelte chu a hon hon in Aigupta gam ah kipat in puidok ding ka hi.

PAWTDAWNA THU 8:14

Amau chun ukêngte chu a vum vum in a luak khawm ua, a gam in a ui veng vung ziang tai.

PAWTDAWNA THU 8:16

Chuleh, Lalpa chun Mosi kiang in, “Aron kiang ah, ‘La tiangkhut chu lâm inla, tual ah leivui jep in, chutileh Aigupta gam ah leivui zosia hi thovâi a hung suak theina dingin,’ ti’n,” a tia.

PAWTDAWNA THU 8:28

Tichun, Pharaoh chun, “Gamthip ah Lalpa la Pathian kiang ua kithawi dingin hun pawtsak ing ka; gamla la chia lo ding uh hi’ntin. Tichun, kei â dinginle ei dot piak un,” a tia.

PAWTDAWNA THU 8:29

Ziaphatchun, Mosi’n, “Nangma ka hun pawtsan phat phat leh jing ah kipat thosi hon in Pharaoh leh a miliante leh a mipite nusia ngal ding ahi; ahi’n, mipite hi Lalpa kiang ah kithawi ding ah pawtsak lo dingin ei thêpdâ ta lechin,” a tia.

PAWTDAWNA THU 8:32

Himaleh, Pharaoh in zia hun ah hinle a lungthim a hikhau ah, mipite chu a pawtsak nuam diak puai.

PAWTDAWNA THU 8:8

Ziaphatchun, Pharaoh in Mosi tawh Aron a ko ah, a kiang un, “Ukêngte hi keima leh ka mipite lak ah kipat lamang dingin Lalpa chu don un; tichun, mipite hi Lalpa kiang ah kithawi dingin hun pawtsak ing ka,” a tia.

THUPILTE 26:11

Ui in a luak a nêk kit gual in, mingol inle a bawlkhial sa a bawl kit sek hi.

THUPILTE 29:1

Zilgai ahi zing lai ah ngaisak lo nalai chu, a hetlo kâl in sukdam kit theilo ding khop ah, khetbot in hung um in a.

THUGENTU 8:11

Thil phalo bawlte thiamlo chansakna, thutanna bawl pai ziang a hilo na ziakin, mihingte lunggil ah chun thil phalo bawl guatna a nei ta sek ui.

ISAI 26:10

Mi nunsiate chu doisak hi maleu, felna a zil nuam diak puau in; dik tak ah chêngte gam ah hin, lepchia tak in a bawl sek un, Lalpa ja’umna chule a mu ngai puau hi.

HOSEA 6:4

Aw Ephraim, bang hun law ding ka hi tam? Aw Judah, bang hun law ding ka hi tam? La hepinau la phâisûm gual bep ahi’n; jing dai kia, bei kit ziang gual ahi.

HEBRAITE 3:15

“Tu’ni hin a aw la het ua leh, a phengphel lai gual uh khan, la lung uh tâksak kiu in,” a ti sung ah hin.

HEBRAITE 3:8

gamthip ah patepna ni ah suklungnat gual uh khan, la lung uh tâksak kiu in.

THUPUAN 16:9

Tichun, mihingte chu satna huaisia tak in a hâlkang ta’n; himaleh, zia gawtna chung ah thilhitheina neipa Pathian min chu chawihoi sâng in, a gensiau ah, a lung uh a hei diak puau hi.

1 SAMUEL 6:12

Bawngpite ni chu ham kawm kawm in, Beth-shemesh lam zuan in zang tak in a chia tau a; vei leh chang ah pêtlo in a chia pek un, Philistin hausate chun a gamgiu Beth-shemesh chan a vazui tau hi.

1 SAMUEL 6:3

Amau chun, “Israelte Pathian thuthung thingkuang hi thak mang ding la tiu ahileh, ama ngawn in thakdok kiu inla, gitlo thoina ding thillat tawh la thot khawm tei tei diu ahi. Chutileh, ngaidam leh tatdaw hita’n lau; tichun, la chung un a khut chu tha talo mai ding a paw em?” a tiu a.

1 SAMUEL 6:6

Bang ding ah Pharaoh leh Aiguptate gual ah kilochalsak la hiu em? Pathian in tawtbawlna a mat zaw nung ah, Israel mipite thâdaw sak in, a pawtsak tho tho hilo maw?

1 SAMUEL 6:9

Chuleh, en zui un; Beth-shemesh lam a zot chun a gam lam uh zuan hi ding a hiu; ziaphat chuleh, zia gual ah natna hun tut hi ama ziak ahi ti kichian ta’nah; achutiloleh vang, ei gawt hi ama khut hilo ahi ti hetthei hin tin, a tung ding mawng ahi ti kihechian ta’nah,” ti in.