PAWTDAWNA THU 8:10 - PATHIAN LEKHABU THIANGTHO (BSI)

¹⁰ Ama chun, “Jing leh,” a tia. Mosi’n, “La ti gual ah chun hi hen: tichun, Lalpa ka Pathian uh tawhbang hi a um puai ti la hiattheina dingin.

PAWTDAWNA THU 8:10 ပူးပေါင်းရင်းမြစ်များ

2 SAMUEL 7:22

Ziaziakchun, Aw Lalpa Pathian, nang chu la lopi hi; ka bil ua ka het dungzui un, nangma tawhbang kuama a um pua’n, nangma lo’ngal Pathian dang him him a um puai.

1 KHANGTHU 17:20

Aw Lalpa, ka bil ua ka het gual un, nangma tawhbang hi kuama a um pua’n, nangma lo’ngâl Pathian dang him himle a um puai.

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

SAM 86:8

Aw Lalpa, pathian dangte lak ah, nangma gual a um pua’n, la thilbawlte gual bawlthei le a um puau hi.

SAM 9:16

Lalpa chu a kiang un a kihiatsak ta hen, vai a hawm tai; mi nunsiate chu amau khutsuak ah chun a awk tau ahi.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 8:9

Mosi chun Pharaoh kiang in, “Ukêngte hi nangma leh la mipite lak ah kipat sukmang ah a um ua, Nail luipi bep ah a umtheina ding un, nangma leh la miliante leh la mipite â ding ah bangtik leh dot piak ding ka hem ti ei hil in,” a tia.

PAWTDAWNA THU 9:14

Tu’chung ah ka hun gawtna ding hi nangma leh la miliante leh la mipite zosia chung ah tunsak ding ka hi; chutichun, keima gual hi lei chung zosia ah hin a dang umlo ahi ti la hettheina dingin.

PAWTDAWNA THU 9:29

Mosi’n a kiang in, “Khawpi paw lam ka pawt daw phat leh Lalpa kiang in ka khutte jak ing ka tin; tichun, van-gi chawl intin, gialpi le ke diak ta pua’n a; tichun, lei chung pumpi hi Lalpa â ahi ti la hettheina dingin.

THUPILTE 27:1

Jing ah thil hung tung dingte chu kisaktheipi kin; zia ni chun bang hun puak ding a hem ti la he paw’ngal a.

ISAI 40:18

Pathian chu kua tawh la te’ a, ahiloleh, bang lim tawh a kipua em?

ISAI 40:25

Kua tawh lei têpi diam uh? Kua a hem ka kibatpi? Mi Thiangthopa chun a tii.

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.

DAN LEKHABU 3:24

“Aw Lalpa Pathian, la suak hi la lopi dan leh la hât dan lei musak pan ta’ngâl ah; nangma thilbawl gual leh la thilbawl nasa takte gual ah bawlthei pathian dang him him lei leh van ah a um puai!

DAN LEKHABU 32:31

A dik tak in amau suangpi chu, ei uh Suangpi tawhbang ahi puai; I mêlmateu chu mingol ngen a hiu.

DAN LEKHABU 33:26

Aw Jeshurun, nang hung panpi ding ah, vante ah chuang in, chung lam vandum khêl ah, lopi tak ah um Pathian tawh bang dang a um puai.

DAN LEKHABU 4:35

Lalpa bep hi Pathian ahi’n, ama tilo ngâl a dang umlo ahi, ti la hiatsak theina ding un la kiang ua tâklat ahi.

DAN LEKHABU 4:39

Ziaziakchun, Lalpa chu Pathian, chung lam ah van leh nuai lam ah lei ah hin ama tilo a dang umlo ahi ti hen, la lunggil un ngaitua zing tau in.

JAKOB 4:14

Jing leh bang a hung um diam ti la hepuau hi. La hinnau chu bang a hem? Sûmpi chomcha hung kilang ah mang kit ziang gual mai la hiu hi.