PAWTDAWNA THU 7:3 - PATHIAN LEKHABU THIANGTHO (BSI)

³ Himaleh, Pharaoh lungthim hikhau ing ka tin; tichun, Aigupta gam ah chun ka teptênate leh thilmakte hi’pung ing ka.

PAWTDAWNA THU 7:3 ပူးပေါင်းရင်းမြစ်များ

NEHEMIAH 9:10

Nang in Pharaoh leh a suakte zosia leh, a mipite zosia’n ka pu leh pateu chung ah kiletsak takah a bawl uh thukna’n, tepte’na leh thilmak tam tak la la bawl khawlaw ta’n. Tichun, tu’ni tiang dai dingin la minthanna la koi tai.

SAM 135:9

Aw Aigupta, Pharaoh leh a suakte zosia do ding ah, tepte’na leh thilmak la lak un a la bawl ta ahi.

SAM 78:12

Aigupta gam sung Zoan phâizawl ah chun, a suanteu mit mu in thilmak takte a la bawlta ngal a.

PAWTDAWNA THU 11:10

Mosi tawh Aron in zia thilmak zosia chu Pharaoh ma-âng in a bawl tau a; himaleh, Lalpa chun Pharaoh lungthim a hikhau ah, a gam ah kipat in Israelte chu a pawt dawsak nuam diak puai.

PAWTDAWNA THU 11:9

Lalpa’n Mosi kiang in, “Aigupta gam ah thilmak tam tak ka bawl theina dingin Pharaoh chun la thugen ngaisak pua’n a,” a tia.

PAWTDAWNA THU 14:4

Keima’n Pharaoh lungthim hun sukhau ing ka tin, amau chun hun delzui intin uh, Pharaoh tawh a sepai zosiate chung ah chun choisa’n in um ding ka hi; tichun, Aigupta mite zosia chun keima hi Lalpa chu ka hi ti a hun hettheina ding un,” a tia. Zia gual chun a bawl tau hi.

PAWTDAWNA THU 3:20

Tichun, ka khut hun tha’ng ka tin, thilmak tak tak a gam sung ah ka bawl dingte mang in, Aigupta soisa ding ka hi; ziazaw phat chuleh, hun pawtsak bep ding ahi.

PAWTDAWNA THU 4:21

Lalpa chun Mosi kiang in, “Aigupta gam lam ah la chia kit phat leh thilmak la bawlthei ding ah ka hun piak zosia kha Pharaoh ma-âng in la bawl suak na em ti enpha’n la; ahi’n, a lungthim hi’tâk ding ka hi; tichun, mipite chu pawtsak nuam pua’n a.

PAWTDAWNA THU 4:29

Ziaphatchun, Mosi tawh Aron chu a chiau ah, Israel mipite lak ah upa zosiate chu a ko khawm tau a.

PAWTDAWNA THU 4:7

Ziaphatchun, Pathian in, “La khut chu la puanâk chual sung in vak thun lut kit tiam in,” a tia; tichun, a khut chu a puanâk chual sung ah chun a vak thun lut kit ta’n. Chuleh, a vak lakdaw kit phat ah chun a tidangte gual in a thiang kit tai.

PAWTDAWNA THU 7:13

Lalpa’n a la gensa gual khan, Pharaoh lungthim chu hikhau ah a um nâk lai ziakin amau chu a limsak nai diak puai.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

THUPILTE 21:1

Lengpa lungthim chu Lalpa khut in a um hen, luicha tui luang gual in a dawi dan dan in a hei kawi sek hi.

ISAI 51:9

Aw, Lalpa khutbân chu hung tho inla, hung thodok in, hatna’n hung kithuam ta’n! Nidang lai ah khangluite hun lai gual ah khan, hung thodok in! Nangma hilo maw Rahab a them them ah âttel ah, dragon sunlum kha?

MIKAH 7:15

Aigupta gam ah kipat la hung pawtdok lai gual ah khan, thilmak leh kidangte chu ei mu sak ta’n.

JOHAN 4:48

Jesu chun a kiang in, “Tepte’na leh thilmakte la mulo ua leh, ei gingcha tak tak lo ding la hiu,” a tia.

NASEPTE 2:22

Nanghaw Israel mite haw, ka thugen hi a la ngai un: Nazareth Jesu, Pathian in a hetpi ngei kha, ama mang in Pathian in la lak un thil lopi takte, thilmakte leh tepte’nate a bawl ah, zia chu nangmau ngei inle la hiatsau ahi’n,

NASEPTE 7:36

Ama chun Aigupta gam ah kipat, Tuipi San ah te leh kum sawmli gamthip ah a châm sung ua chun, thilmakte leh tepte’nate etsak pek in, a puidok a.

ROMTE 15:19

Pathian Thagau thilhitheina leh, thilmakte leh tepte’na lopi takte chu mang in, Jerusalem ah kipat in Ilirikam leh a tuamvêl ah chun Khrista chanchinpha chu ka gen suak tai.

ROMTE 9:18

Ziaziakchun, ja a ngaina ding chung ah chun ja a ngai ah, a nop nople a lung uh a hi’tâk piak sek hi.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

DAN LEKHABU 7:19

patepna nasa tak la mit ngei ua la muu leh, tepte’na leh thilmak a bawlte, a khut ban tha hât leh a bânjak ah Lalpa la Pathian un a hun puidaw dante kha. La mi lau zosia teu chung ah zia gual ma ah chun Lalpa la Pathian un hun bawl ding ahi.