PAWTDAWNA THU 7:22 - PATHIAN LEKHABU THIANGTHO (BSI)

²² Himaleh, Aigupta mi dawithiamte chun le a dawi uh mang in zia gual ma chun a bawl ua; ziaziakchun, Pharaoh lungthim chu sukkhau in a um zing ah; tichun, amau chu a limsak nuam diak puai; Lalpa’n a la gensa gual ah khan.

PAWTDAWNA THU 7:22 ပူးပေါင်းရင်းမြစ်များ

THILSIAM THU 41:8

Jingkal a hung hiphat in, a lungthim chu a buai ma ma ziang ta’n. Tichun, Aigupta gam ah mipil zosia leh dawithiam zosia chu ko khawm dingin mi a sawl ta’n. Pharaoh in a kiang un a mang chu a hil ah; himaleh, Pharaoh mang hilchian piak thei pakhat chale a um puau hi.

PAWTDAWNA THU 7:11

Ziaphatchun, Pharaoh in a mipilte leh dawithiamte a ko khawm ah; chuleh, Aigupta gam ah mitvaidawi thiamte chun le a dawithiamnateu chu mang in zia gual ma chun a hun bawl tau a.

PAWTDAWNA THU 7:13

Lalpa’n a la gensa gual khan, Pharaoh lungthim chu hikhau ah a um nâk lai ziakin amau chu a limsak nai diak puai.

PAWTDAWNA THU 7:21

Lui ah sangate chu a thi tau a. Lui chu a hung namsia’n, Aigupta mite chun tui chu a dawn thei ta puau hi. Aigupta gam pumpi chun thisan a um suak kêi tai.

PAWTDAWNA THU 7:23

Pharaoh chu a kihei ah, a In sung in a lut ah, zia thilte chu khawksak inle a nei puai.

JEREMIAH 27:18

Jawlnei dik tak hileu vang, Lalpa thu a kiang un um tak tak in tin, chutileh vang, ûm leh bêlte chu Lalpa In leh Judai gam ah lengpa In ah um zing ah, Jerusalem ah kipat Babulon lam ah puak mang hilo dingin, sepai honte Lalpa kiang in a la don ding a hiu a.

2 TIMOTHI 3:8

Janes leh Jambreste’n Mosi a kilanpi gual uh khan, zia mite hinle thutak chu a kãl sek ui; lungthim buak sa, ginna lêm nei mi a hiu hi.