PAWTDAWNA THU 7:2 - PATHIAN LEKHABU THIANGTHO (BSI)

² Nang in la kiang ah ka thupiak zosia hi gen in la tin, la u Aron in Pharaoh chu a gam ah kipat Israel chate thâdok dingin thu a hil ding ahi.

PAWTDAWNA THU 7:2 ပူးပေါင်းရင်းမြစ်များ

1 LENGTE 22:14

Himaleh, Mikaiah chun, “Lalpa min suang in, Lalpa‘n ka kiang ah a gen taphot chu, zia bep chu gen ding ka hi,” a tia.

PAWTDAWNA THU 4:15

Ama kiang ah thu gen in la tin, la kam leh ama kam chu umpi ing ka tin; chuleh, la bawl ding hun hil ding ka hi.

PAWTDAWNA THU 4:16

Ama chun nangma thasâng in mipite kiang ah thu gen intin; ama chu nang â dingin la kam sik in pang intin; chuleh, nang chu ama â dingin Pathian sik hi’n la.

PAWTDAWNA THU 5:1

Ziazaw chun, Mosi tawh Aron chu Pharaoh kiang in a chiau ah, a kiang in, “Lalpa, Israel Pathian in: Ka mipite pawt dawsak inla, gamthip ah ka kiang ah Kût a bawltheina ding un, a tii,” a tiu a.

PAWTDAWNA THU 6:29

a kiang in, “Keima hi Lalpa chu ka hi; la kiang ah thu ka gen zosia hi Aigupta lengpa Pharaoh kiang ah hil in,” a ti’n.

PAWTDAWNA THU 7:6

Mosi tawh Aron in zia gual chun a bawl tau a; Lalpa’n thu a piak gual tak in a bawl tau hi.

JEREMIAH 1:17

Nang vang, la kawng gâk in kisa zo in tho inla; la kiang ah ka thupiak zosia kha a kiang un vagen in. Amau chu ki’cha kin la, achutiloleh, a ma-âng un hun sudawilok ding ka hi.

JEREMIAH 1:7

Himaleh, Lalpa‘n zia gual hin ei dawnhu a: “Ka naupang ta luai ti kin, ka hun sawlna taphot ah chia in la tin, la gen ding ah ka hun piak cha cha chu la gen mai ding ahi.

EZEKIEL 3:10

Chuleh, ka kiang in: Mihing, la kiang ah ka thugen ding zosia hi la lunggil in vop inla, la bil inle he ta hen;

EZEKIEL 3:17

Mihing, Israel Inkuante vêng dingin ka hun siam tai; ka kam ah kipat thu la het phat leh, keima ah kipat in thu la hil ding ahi.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

NASEPTE 20:27

la kiang un Pathian thiltup gen ka kipadâm pua kha.

DAN LEKHABU 4:2

Lalpa la Pathian uh thupiak, ka hun hilte hi la zui theina ding un, thu ka hun piakte hi khatchale la belap un, la pai khen diak lo ding uh ahi.