PAWTDAWNA THU 7:17 - PATHIAN LEKHABU THIANGTHO (BSI)

¹⁷ Zia gual hin Lalpa’n a gen hi: Zia hin Lalpa ka hi ti hia’n lau; ka khut ah tiangkhut hin Nail luipi tui chu jep leng thisan suak mai ding ahi.

PAWTDAWNA THU 7:17 ပူးပေါင်းရင်းမြစ်များ

1 LENGTE 20:28

Pathian mi pakhat Israelte lengpa kiang in a hung ah, “Lalpa‘n zia gual hin a gen hi: Aram mite chun, ‘Lalpa chu mualchungte pathian ahi’n, luiphâite pathian ahi puai,’ a tiu in; ziaziakchun, zia mi tam takte hi la khut ah hun pia’ng ka tin; tichun, Lalpa ka hi ti hun he ta’n la a tii,” ti’n a gen a.

2 LENGTE 19:19

Ziaziakchun tu’hin, aw Lalpa ka Pathian, lei chung zosia hin nangma bep hi Pathian la hi dan a hun hiattheina ding un, zia mipa khut ah kipat hin ei hukdok ta’n,” a tia.

SAM 105:29

A tuiteu chu thisan a suak sak ah, a sangateu chu a that gam tai.

SAM 78:44

A luipiteu thisan a suak sak ah, tichun, a luichateu tuile a dawnthei ta puau hi.

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

SAM 9:16

Lalpa chu a kiang un a kihiatsak ta hen, vai a hawm tai; mi nunsiate chu amau khutsuak ah chun a awk tau ahi.

PAWTDAWNA THU 1:22

Ziaphatchun, Pharaoh in a mipite kiang in, “Hebrai mite chapa zosia chu Nail luipi ah la pai lut sik sek diu ahi, numeite bep la hawi ding uh ahi,” ti’n thu a pia tai.

PAWTDAWNA THU 10:2

Chuleh, la chate leh la tute tiang in Aiguptate bang gual ah a la soisa ka hem ti leh, a lak ua tepte’na thilmak ka bawlte hi la gen theina ding leh, keima hi Lalpa chu ka hi ti a hettheina ding un,” a tia.

PAWTDAWNA THU 4:9

Zia tepte’na teni natiang hile a taksan lo ua, la thugen a ngaisak diak lo ua leh, Nail luipi ah kipat in tui thâl dok inla, lei hul ah sungtha lechin thisan suak mai ding ahi,” a tia.

PAWTDAWNA THU 5:2

Himaleh, Pharaoh chun, “Israelte ka chiasak ah, a thu ka ngai ding Lalpa chu kua a hem? Zia Lalpa chu ka hepua’n, Israelte chu le pawt daw sak lo ding ka hi,” a tia.

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

PAWTDAWNA THU 7:20

Mosi tawh Aron in Lalpa thupiak gual chun a bawl tau a. Pharaoh tawh a miliante mit mu in a tiang chu a lâm ah, lui ah tuite chu a jep ah; tichun, tui chu thisan a hung suak tai.

PAWTDAWNA THU 7:5

Aigupta gam chung ah ka khut ka hun thâk ah, Israel mipite chu a lak ua kipat ka puidaw phat leh, Aigupta mite chun Lalpa ka hi ti hun he ta’n au,” a tia.

EZEKIEL 25:17

A chung ua lungna leh thangtawm ma ma in, a huaisia thei pen ah gawt kawm in, phuba la ding ka hi. A chung ua phuba ka lâk phat leh, Keima Lalpa ka hi ti hun he ta’n au, ti in.

EZEKIEL 29:9

tichun, Aigupta gam chu a hawm leh a ngawnchang ah nutsia hita’n a. Ziaphat chuleh, Keima hi Lalpa ka hi ti he ta’n au. Nang in, “Nail luipi hi kei â ahi, ka kisiam ahi,” la tingal a;

EZEKIEL 30:19

Zia gual chun Aigupta chung ah thutanna bawl ing ka. Ziaphat chuleh, Keima hi Lalpa ka hi ti he ta’n au.

EZEKIEL 30:8

Aigupta gam mei ah ka hâl ah, ama panpi zosia a siat gam phat leh, keima hi Lalpa ka hi ti he ta’n au.

EZEKIEL 32:15

Aigupta gam ka hisiat phat leh, a gam sung ah gothil zosia leh, a sung ah chêng zosia ka gawtmang phat leh, ziaphat chuleh, Keima hi Lalpa ka hi ti hun he ta’n au.

EZEKIEL 32:6

La thisan in gam pumpi leh, tâng zosia chapsak ing ka tin, luiguam zosia le dim ta’n la.

EZEKIEL 38:23

Tichun, ka thupi’na leh ka thianthona chu tâklang ing ka tin, namtin mu dingin kitâklang ta’ng ka. Ziaphat chuleh, Keima hi Lalpa ka hi ti he ta’n au.

EZEKIEL 39:28

Namtin lak ah thejak in, amau gam ngei ah ka pui khawm kit tâk ziakin, Keima Lalpa hi a Pathian uh ka hi ti hun he ta’n au. Nam dang lak ah amau mi pakhat chale nusia lo ding ka hi;

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

DANIAL 4:32

Mihingte lak ah kipat in nawdaw in um in la tin, gamlak ah ganchate tawh tat khawmsak hiding la hi. Hat Chungnung in mihingte lenggam zosia chung in vai a hawm in; a nop nopte kiang in lenggam a piak sek ahi, ti la hun hetdaw kit masangsia’n, hun sagi sung bawngchalte gual ah hampa nêksak ah hung um ding la hi tai,” a hun tia.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

DANIAL 5:21

Mihing lak ah nawdaw ah um in, ganchate ngaituana lungthim piak in a um tai. Chungnung pen ah Pathian in mihingte lenggam chung in vai a hawm in, a nop nop a tungding sek hi, ti a hun hetdaw masangsia, gam sabiltungte tawh kipawl in, bawngchal gual in hampa’n a kivak tai.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

THUPUAN 11:6

Ziate chun a thugen sungsiau guazu lo dingin van hi’pin theina a nei un, tuite le thisan suaksak theina a nei un; chuleh a nop hun hun un khawvel ah hipi lênsak ah sukchimit theina a nei ui.

THUPUAN 8:8

Chun, vansawlchâk panina chun pengkul chu a hun mût leh, tâng lianpi tawhbang pakhat mei ah kâng lut lut chu tuisuagiat sung in a hung kiseptha ta’n; ziaphatchun, tuisuagiat mun thum ah khen mun khat chu thisan a suak tai.