PAWTDAWNA THU 7:11 - PATHIAN LEKHABU THIANGTHO (BSI)

¹¹ Ziaphatchun, Pharaoh in a mipilte leh dawithiamte a ko khawm ah; chuleh, Aigupta gam ah mitvaidawi thiamte chun le a dawithiamnateu chu mang in zia gual ma chun a hun bawl tau a.

PAWTDAWNA THU 7:11 ပူးပေါင်းရင်းမြစ်များ

THILSIAM THU 41:8

Jingkal a hung hiphat in, a lungthim chu a buai ma ma ziang ta’n. Tichun, Aigupta gam ah mipil zosia leh dawithiam zosia chu ko khawm dingin mi a sawl ta’n. Pharaoh in a kiang un a mang chu a hil ah; himaleh, Pharaoh mang hilchian piak thei pakhat chale a um puau hi.

PAWTDAWNA THU 7:12

Amau tiangkhut chule a septhau ah, tichun gûl a hung suak chiat ah; himaleh, Aron tiangkhut chun amau â chu a valzo ta mai a.

PAWTDAWNA THU 7:22

Himaleh, Aigupta mi dawithiamte chun le a dawi uh mang in zia gual ma chun a bawl ua; ziaziakchun, Pharaoh lungthim chu sukkhau in a um zing ah; tichun, amau chu a limsak nuam diak puai; Lalpa’n a la gensa gual ah khan.

PAWTDAWNA THU 8:18

Dawithiamte chunle a dawiteu mang ah thovâi umsak a guau ah; himaleh, a bawlthei puau a. Mihing leh gancha zosiate chung ah chun thovâite chu a chu tai.

PAWTDAWNA THU 8:3

Luipi chu ukêng in dim intin, ziate chu la In sung ah te, la lupna pindan sung ah te, la lupna chung ah te, la miliante In leh la mipite In sung ah te, la thukkhûk ah te leh la vaithum mêkna kuang sung ah te hung lut in au.

PAWTDAWNA THU 8:7

Ahi’n, dawithiamte’nle a dawi uh mang in zia gual ma chun a bawl ua; tichun, Aigupta gam sung ah chun ukêng a lênsak tau a.

DANIAL 2:2

Tichun, lengpa chun mitvaidawi thiamte, âisân thiamte, dawithiamte leh Kaldai mipilte chu lengpa mang hilchian dingin a ko khawmsak tai. A hung phat un, lengpa kiang in a hung ding tau a;

DANIAL 2:27

Danial in lengpa kiang in, “Lengpa’n mipilte, dawithiamte, mitvaidawi thiamte leh âisân thiamte kiang ah thugûk hilchian ding ah a dot hi kuama’n hil thei pua’n au;

DANIAL 4:6

Tichun, Babulon ah mipil zosia ko khawm ah, ka mang ei hilchian piak dingin thupuan ka bawl ta’n.

DANIAL 5:11

La lenggam sung ah hin pathian thiangthote thagau chênna mi pakhat a um hi. La pa dam lai ah khan, ama chun pathiante gual ah thil kisêlgu hiattheina, hetdik theina leh pilna a nei hi. La pa Nebukadnezar in ama chu mitvaidawi thiamte, âisân thiamte, Kaldaite leh dawithiamte zosia chung ah hotu’n a la siam a;

DANIAL 5:7

Dawithiamte, Kaldaite leh âisân thiamte hun ko dingin a kikojak ta’n; chun, Babulon ah mipilte kiang ah chun lengpa’n: “Kuale zia lekha kizik hi sim ah, ei hilchian piak thei taphot chu, puansandup silsak ah, a ngawng ah sana khi awsak hi’ntin; chuleh, ka lenggam ah vaihawm a pathumna pansak ding ka hi,” ti’n a gen a.

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

GALATIA 3:1

Aw Galatia gam ah mingolte haw, kua’n a hun bum ngol ah a hem? La mit mu ngei un Jesu Khrista chu kichian tak ah khetden ah latsak ahi’siat tawh!

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

2 THESSALONITE 2:9

Zia dan susepa hungna chu Setan sep dan dungzui in, thilhitheina zosia, tepte’na zosia, juau thilmakte tawh,

2 TIMOTHI 3:8

Janes leh Jambreste’n Mosi a kilanpi gual uh khan, zia mite hinle thutak chu a kãl sek ui; lungthim buak sa, ginna lêm nei mi a hiu hi.

2 TIMOTHI 3:9

Ahi’n la, masawn zing pua’n au, zia mi panite gual ah khan, a ngolnau chu mi zosia mu in hung kilang ding ahi.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

1 SAMUEL 6:2

Ziaphatchun, Philistinte chun a thiamputeu tawh a dawi thiamteu chu a ko ua, a kiang un, “Zia Lalpa thuthung thingkuang hi bang I law ta diam uh? A umna lam ah thak kit ding hileu hin bang tawh I thakkhawm diam uh?” ti’n a dong tau a.