PAWTDAWNA THU 6:7 - PATHIAN LEKHABU THIANGTHO (BSI)

⁷ Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

PAWTDAWNA THU 6:7 ပူးပေါင်းရင်းမြစ်များ

THILSIAM THU 26:3

Zia gam ah hin um tadi inla, la kiang in um ing ka tin, hun maljawl ing ka tin; zia gam zosia hi nangma leh la suante kiang ah hun pia’n, la pa Abraham kiang ah ka tiam kha hi’det ding ka hi:

THILSIAM THU 28:13

Chuleh, a kiang in Lalpa a hung ding ah: “Kei hi Lalpa, la pu Abraham Pathian, Isak Pathian chu ka hi: la lupna lei kha nangma leh la suante kiang in hun pia’ng ka;

1 LENGTE 20:28

Pathian mi pakhat Israelte lengpa kiang in a hung ah, “Lalpa‘n zia gual hin a gen hi: Aram mite chun, ‘Lalpa chu mualchungte pathian ahi’n, luiphâite pathian ahi puai,’ a tiu in; ziaziakchun, zia mi tam takte hi la khut ah hun pia’ng ka tin; tichun, Lalpa ka hi ti hun he ta’n la a tii,” ti’n a gen a.

1 LENGTE 8:60

lei ah mipite zosia’n Lalpa chu Pathian ahi’n, a dang a um puai, ti a hun hettheina ding un.

NEHEMIAH 1:10

Amau haw hi la suakte leh la mipi, la thilhitheina lopi tak leh la khutbân thahat tak ah la tatsate ahi ngâl un.

SAM 100:3

Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

SAM 81:6

“La liangko ah puakgikte chu ka dawnjang in; la khutte chule sêng ah kipat in ka ladok tai.

PAWTDAWNA THU 13:14

Tu’nung phat leh la chateu in, “Zia hi bang ding ah kibawl a hem?” ti a hun dot phat ua leh, “Aigupta suak channa In ah kipat Lalpa’n a bân thahat ah ei puidok ziak leh,

PAWTDAWNA THU 13:3

Mosi’n mipite kiang ah chun, “Aigupta gam ah saltânna In a kipat la hung pawtdawna niu, zia nikhua hi hezing unla: bân thahât ah Lalpa’n zia gam ah kipat chu a hun puidaw la hiziak un, thawi kisaw vaithum la nêk him him lo ding uh ahi.

PAWTDAWNA THU 14:18

Chutia, Pharaoh leh a sakol kângtalaite leh a sakol sepaite chung ah choisân ah ka um tak chuleh, keima hi Lalpa chu ka hi ti hun he ta’n au,” a tia.

PAWTDAWNA THU 14:4

Keima’n Pharaoh lungthim hun sukhau ing ka tin, amau chun hun delzui intin uh, Pharaoh tawh a sepai zosiate chung ah chun choisa’n in um ding ka hi; tichun, Aigupta mite zosia chun keima hi Lalpa chu ka hi ti a hun hettheina ding un,” a tia. Zia gual chun a bawl tau hi.

PAWTDAWNA THU 15:16

Aw Lalpa, la mipite a gâlkâi ma siau, la chawk dawsa la mipite zosia chu a gâlkâi ma siau in, launa leh tizatna a chung un a chu ta’n, la bân thahâtna ziakin, amau chu suangtum gual in a thip tau hi.

PAWTDAWNA THU 15:2

Lalpa chu ka hatna leh ka thâ ahi, ama chu ka hukdamna a hung hi tai: Zia hi ka Pathian ahi, ama pakcha’ng ka, ka pa Pathian, ama chu chawisâng ing ka.

PAWTDAWNA THU 16:12

“Israelte phunchiakna chu ka het tak ziakin, a kiang un: nitâk khawthimbut phat leh sa ne’n la tiu in; jingkal phat leh vaithum ne ding la hiu; ziaphatchuleh, keima hi Lalpa la Pathian uh ka hi ti ei he ta’n lau,” a tia.

PAWTDAWNA THU 16:6

Chutichun, Mosi tawh Aron in Israel mipite zosia kiang ah chun, “Tu’ nitâk hileh Lalpa’n Aigupta gam ah kipat a hun puidok ahi dan tak hun he ding la hiu;

PAWTDAWNA THU 2:11

Mosi a hung pitin phatin, ni khat a chipite lak in a va vakdok ah, a nasep gim danteu chu a vamu ta’n. Aigupta mi pakhat in ama chipite a vok lai tak chu a mu’n.

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

PAWTDAWNA THU 7:17

Zia gual hin Lalpa’n a gen hi: Zia hin Lalpa ka hi ti hia’n lau; ka khut ah tiangkhut hin Nail luipi tui chu jep leng thisan suak mai ding ahi.

ISAI 41:20

tichun, mite’n zia chu Lalpa khut in a bawl ahi ti leh, Israel Mithiangtho siamdaw ahi ti a muu ah, a het ua, a ngaituau ah, a hetchian theina ding un.

ISAI 49:23

Lengte chu la pateu hung hita’n tiu in, lengnute chule a hun dontu la nuu hung hita’n au. La ma-âng un lei tual si hial in hung bokkhup intiu in, la kengpêk ua leivui nasan, hun liak thian piak ta’n au. Ziaphat chuleh, Keima hi Lalpa ka hi ti hun he ta’n lau; keima ei ngâkte chu mualpho ngai ngai pua’n au.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 51:15

Keima hi Lalpa la Pathian, tui kinawkte gi hum hum ding ah, tuisuagiat chokphûlpa chu ka hi’ngâl a, a min chu sepai honte Lalpa ahi.

ISAI 60:16

Nam tinte hausakna leh, leng leh lalte nei leh lam zosia chomgam ta’n la; zia tak chuleh, Jakob, Mihatpa, nangma hun Tanpa, la Hukdampa chu, Keima Lalpa hi ka hi ti hun he ta’n lau.

ISAI 63:8

Amau chun, “Amau chu ka mite a hiu a, ei thêm lo ding ah ka chate chu a hiu,” a la ti tâk ziak un; tichun, ama chu a Hukdampau a hung hi tai.

JEREMIAH 30:22

Tichun, ka mite hita’n la tiu in, keile la Pathian uh hita’ng ka.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

EZEKIEL 20:19

Keima Lalpa la Pathian uh ka hi; ka dan siamte zui unla, chingthei tak in ka vaihawmnate vop unla,

HOSEA 1:10

Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

THIAMPUTE LEKHABU 11:44

Keima Lalpa la Pathian uh ka hi’ngâl a; kisuthiangtho unla, thiangtho tak ah la um ding uh ahi: keima ka thiangtho ngâl a. Lei chung ah bokvâkte ziakin kisubuak kiu in.

THIAMPUTE LEKHABU 11:45

Keima Lalpa hi la Pathian uh ka hi’theina ding ah Aigupta gam ah kipat nanghaw hun puidokpa kha ka hi; keima ka thiantho gual in, la thiantho ding uh ahi.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

KISIMNA LEKHABU 15:41

Keima Lalpa la Pathian uh ka hi zing theina ding ah, Aigupta gam ah kipat hun puidokpa chu ka hi’n; Keima Lalpa la Pathian uh chu ka hi.

MATTHAI 22:32

“Keima hi Abraham Pathian, Isak Pathian leh Jakob Pathian chu ka hi. Pathian chu mithi Pathian a hipua’n, a hingte Pathian a hizawi, ti thu kha,” a tia.

ROMTE 8:31

Zia thute ah chun bang gen ding I hitau em? Pathian ei lam ah a pan chun kua’n ei do thei ding a hem?

DAN LEKHABU 14:2

Lalpa la Pathian â dingin mithiangtho la hi’ngâl ua; khawvel ah nam zosia lak ah kipat Lalpa‘n a gochan leh ama â ding bîk ah a hun têlchuam la hiu.

DAN LEKHABU 26:18

Tu’ni hin Lalpa‘n a thutiamna dungzui ah, ama â ding bîk hi’ding leh, a thupiakte la zopna ding un, la lemsaknau a chang tai;

DAN LEKHABU 29:12

tu’ni Lalpa la Pathian un la kiang ua a thuthung siam, Lalpa la Pathian tawh la kikâl ua la thuthung siam ua la pan theina ding un;

DAN LEKHABU 29:13

nangmau kiang ah a la gensa gual leh, la pu leh pateu Abraham, Isak leh Jakobte kiang ah a la kitiamna dungzui ah khan, ama mite la hung hi’det theina ding leh la Pathian uh a hitheina ding in.

DAN LEKHABU 29:5

Gamthip ah hin kum sawmli veng veng ka hun pui tai. La chung ua la puanteu a chul nai pua’n, la keng ua la kengtawdap bu teule a chul nai diak pua’n;

DAN LEKHABU 4:20

Himaleh, tu’ni hun ah Lalpa golua mite la hi gual ua la hung um theina ding un, ama’n thîk haltuina lak ah kipat, Aiguptate khut ah kipat ngei khan a hun hukdok la hiu kha.

DAN LEKHABU 7:6

Lalpa la Pathian uh â dingin nam thiangtho la hiu ah; Lalpa la Pathian uh gochan bîk leh a mipi hi ding ah khawvel nam zosia lak ah kipat a kitêl chuamte la hi’ngâl un.

HEBRAITE 11:16

Himaleh, gam phazaw a thangai un, zia chu van-gam ahi. Ziaziakchun, Pathian in a Pathian uh kiti ding chu a zakcha puai; amau â ding ah khawpi khat a siam piak tak ziakin.

1 PETER 2:10

“Malai khan nam la hi puau ah, tu’hin vang Pathian namte la hitau hi; malai khan jangaina la mu puau ah, tu’hin vang jangaina la mu tau hi”.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.

THUPUAN 21:7

A zo te chun zia zosia chu lua intiu in, kei a Pathian uh hi’ng ting, amau chu ka cha hi’n au.