PAWTDAWNA THU 6:6 - PATHIAN LEKHABU THIANGTHO (BSI)

⁶ Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

PAWTDAWNA THU 6:6 ပူးပေါင်းရင်းမြစ်များ

1 LENGTE 8:42

la min lopi dan, la khut thahât dan leh la khut thâk daw dante hi hun he ngei ding ahi ngâl un; gam dang mi a hung ah, zia mun lam nga’ a hung pauchap phat leh,

2 LENGTE 17:36

himaleh, Aigupta gam ah kipat a khut thahât leh thilhitheina nasa tak ah hun puidokpa Lalpa chu la ki’châk ua, ama chu la ho ua, ama kiang bep ah la thillatteu chu la lat zawk diu ahi.

1 KHANGTHU 17:21

Aigupta gam ah kipat la tatdaw la mite ma-âng ah namdangte tawden ah, thil lopi tak leh lau um takte bawl ah, min thupi tak siam piak ding ah Pathian in ama mite hiding ah a hukdaw, la mi Israelte gual hi khawvel ah nam dang kua a um em?

NEHEMIAH 1:10

Amau haw hi la suakte leh la mipi, la thilhitheina lopi tak leh la khutbân thahat tak ah la tatsate ahi ngâl un.

SAM 77:16

Tuite’n nangma a hun mu phât un aw Pathian, tuili thûkte’n nangma a hun mu phât un, lau in a kithing tau hi.

SAM 81:11

Himaleh, ka mite’n ka aw a ngai nuam puau a; Israelte’n ka thu a mang puau hi.

SAM 81:6

“La liangko ah puakgikte chu ka dawnjang in; la khutte chule sêng ah kipat in ka ladok tai.

SAM 81:7

Lungjin ni’n lei ko ah, ka hun hukdok ta’n; vân-git kisêlna mun ah kipat in ka hun dawnhu in; Meribah tui munte ah khan ka hun patep la hi. (Selah)

PAWTDAWNA THU 1:11

Chutichun, puakgik tak tak puaksak ah, amau haw tawden theina dingin a chung un a nasepnau enkoltu ding a guat piak chiat tau a. Amau chun Pharaoh van koikhawmna ding khawpi Pithom tawh Rameses a bawl piak tau a.

PAWTDAWNA THU 12:41

Kum za li leh sawmthum a ti’n ni ma ma ah chun, Lalpa’n a mite zosia Aigupta gam ah kipat in a hun puidok tai.

PAWTDAWNA THU 12:51

Zia nikhua ma ma chun Lalpa chun Aigupta gam ah kipat in Israelte chu a hon hon in a hun puidok ta ahi.

PAWTDAWNA THU 13:14

Tu’nung phat leh la chateu in, “Zia hi bang ding ah kibawl a hem?” ti a hun dot phat ua leh, “Aigupta suak channa In ah kipat Lalpa’n a bân thahat ah ei puidok ziak leh,

PAWTDAWNA THU 13:16

Bân thahat in, Lalpa chun Aigupta gam ah kipat ei puidok hi ti tepte’na dingin, la khut leh la chalkiu in mêlchikna la bawl diu ahi, a tia.

PAWTDAWNA THU 13:3

Mosi’n mipite kiang ah chun, “Aigupta gam ah saltânna In a kipat la hung pawtdawna niu, zia nikhua hi hezing unla: bân thahât ah Lalpa’n zia gam ah kipat chu a hun puidaw la hiziak un, thawi kisaw vaithum la nêk him him lo ding uh ahi.

PAWTDAWNA THU 15:13

La tatdawsa la mite chu, la lainatna’n la puidok ah: La hatna’n amau chu la chênna, mun thiangtho tiang in la pui tung a.

PAWTDAWNA THU 16:6

Chutichun, Mosi tawh Aron in Israel mipite zosia kiang ah chun, “Tu’ nitâk hileh Lalpa’n Aigupta gam ah kipat a hun puidok ahi dan tak hun he ding la hiu;

PAWTDAWNA THU 18:1

Midian gam ah thiampu, Mosi sungpa Jethro chun, Mosi tawh a mipi Israelte â ding ah Pathian in thil a la bawl piak zosia leh Aigupta gam ah kipat Israelte chu Lalpa’n a puidok tai ti a het phat in,

PAWTDAWNA THU 2:11

Mosi a hung pitin phatin, ni khat a chipite lak in a va vakdok ah, a nasep gim danteu chu a vamu ta’n. Aigupta mi pakhat in ama chipite a vok lai tak chu a mu’n.

PAWTDAWNA THU 3:17

Aigupta gam ah la thokgimnau ah kipat hun pui dok ing ka tin, Kanaan mite, Hit mite, Amor mite, Periz mite, Hiv mite leh Jebus mite a la chênnau, khuaizu leh bawngnawi luanna gam ah hin hun pui lût ding ka hi, ti ka tiam la hiu, a tii,’ ti’n la.

PAWTDAWNA THU 3:8

Amau chu Aiguptate khut ah kipat hukdok ding leh zia gam ah kipat chu puidok ah, gam hawi leh kiningting, khuaizu leh bawngnawi luanna gam, Kanaan mite, Hit mite, Amor mite, Periz mite, Hiv mite leh Jebus mite chênna gam lua ding ah pui lût ding ah hung suk ka hi.

PAWTDAWNA THU 32:11

Himaleh, Mosi chun Lalpa a Pathian chu a awimaw ta’n: “Lalpa, bang ding ah la mipite Aigupta gam ah kipat thilhitheina nasa tak tawh la khut thahât tak ah la hun puidawte chung ah la lungnatna kuangjak ding a hem?

PAWTDAWNA THU 6:2

Pathian in Mosi kiang in, “Kei Lalpa chu ka hi;

PAWTDAWNA THU 6:29

a kiang in, “Keima hi Lalpa chu ka hi; la kiang ah thu ka gen zosia hi Aigupta lengpa Pharaoh kiang ah hil in,” a ti’n.

PAWTDAWNA THU 6:8

Abraham, Isak leh Jakob kiang ah piak ding ah ka tiamna gam ah chun hun pui lût ing ka tin; la gochan ding un zia gam chu hun pia ding ka hi: Kei Lalpa chu ka hi, a tii, ti’n vagen in,’ a tia.

PAWTDAWNA THU 7:4

Pharaoh in la thugen a ngai diak lo ding ziakin, Aigupta chung in ka khut tha’ng ka tin, gawtna huaisia takte mang in ka mipi Israelte chu a hon hon in Aigupta gam ah kipat in puidok ding ka hi.

PAWTDAWNA THU 7:5

Aigupta gam chung ah ka khut ka hun thâk ah, Israel mipite chu a lak ua kipat ka puidaw phat leh, Aigupta mite chun Lalpa ka hi ti hun he ta’n au,” a tia.

ISAI 9:12

sualam ah Suriate leh tumlam ah Philistinte chun, a kam uh kasa’ la pang in, Israelte chu a la val zo in au. Zia gual ah a bawl zaw nung chunle, a lungnatna a dai diak puai; a khut chu a lâm nalai ngal a.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

ISAI 9:21

Manasseh in Ephraim a ne’n, Ephraim in Manasseh a ne’n; a paniu in Judah a do ui. Zia gual ah a bawl zaw nung chunle, a lungnatna a dai diak puai; a khut chu a lâm zing ngal a.

JEREMIAH 21:5

Keima ngei in khut hat tak lâm in, lungna tak leh thangtawm leh lungso tak in hun do ding ka hi.

JEREMIAH 27:5

Ka thilhitheina nasa tak leh, ka khutbân jak in lei tawh a sung ah mihing hileh, sa chitinte hi ka la siam a; piak ding ah kilawm ka sakte kiang ah chun ka piak mai ahi.

JEREMIAH 32:21

Nang in teptênate, thilmakte, khut hat tak leh bantha jak huaisia tak in la mipi Israelte chu Aigupta gam ah kipat in la la puidok ta’n;

EZEKIEL 20:33

Ka hin sungsia, khut hat tak lâmsa’n, lungnatna leibua’n la chung un lal ah hung um ngei ngei ding ka hi, Lalpa Pathian in a tii.

NASEPTE 13:17

Zia Israel mipite Pathian chun, I pu leh pateu a la têl in, Aigupta gam ah a la chên lai ua khanle a la chawisâng in, a bân thahât tak ah chun a la puidok a.

DAN LEKHABU 11:2

(Lalpa la Pathian uh thununna thu a la henai lo leh a la mu nai lo la chateu hilo in,) nanghaw a lopi dan, a bân tha hât dan leh a bânjak ah a thil bawlthei dan muchiante hin, tu’ni ma ma hin he tau in;

DAN LEKHABU 15:15

Nang hawle Aigupta gam ah suak leh sal tânna kipat, Lalpa la Pathian un a hun tatdaw la hiu ti kha kihe zing tau in;

DAN LEKHABU 26:8

Lalpa‘n a khut hat tak chu lâm in, a thilhitheina tizat um takte sua in, thilmak leh tepte’na tam tak te bawl in, Aigupta gam ah kipat in ei la puidok ta’n;

DAN LEKHABU 4:23

Ziaziakchun, Lalpa la Pathian un la kiang ua thuthung a siam la bawsiat khâk lona ding uh leh, Lalpa la Pathian un bangma lim leh a kibatpi him him siam a phal lo haw kha, la hetmil lona ding un chingthei tak in um tau in.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

DAN LEKHABU 5:15

Nanghaw le Aigupta gam ah khan suak leh sal in la la um tau ah; zia’ kipat chun Lalpa la Pathian un, a khut hât tak leh a bânjak in a hun puidok la hiu ti kihe zing un; ziaziakchun, Lalpa la Pathian un sabbath ni chang thiangtho dingin thu a hun piak la hiu.

DAN LEKHABU 6:12

Aigupta gam ah suak leh saltânna In ah kipat nanghaw hun puidokpa, Lalpa la hetmil lona ding un chingthei un.

DAN LEKHABU 7:19

patepna nasa tak la mit ngei ua la muu leh, tepte’na leh thilmak a bawlte, a khut ban tha hât leh a bânjak ah Lalpa la Pathian un a hun puidaw dante kha. La mi lau zosia teu chung ah zia gual ma ah chun Lalpa la Pathian un hun bawl ding ahi.

DAN LEKHABU 7:8

Lalpa‘n a hun hepi ziakin, la pu leh pateu kiang ah a la kipau tiamna thu chu a vop det ziakin, Aigupta lengpa Pharaoh khut ah kipat leh, la suak channau In sung ah kipat hun hi’thiangtho in, Lalpa‘n a khut hât tak in a hun pui daw la hi zawu hi.

DAN LEKHABU 9:29

La thilhitheina lopi tak leh la ban jak ah la puidaw, la mite leh la gochante chu ahi ngâl un,” ka tia.