PAWTDAWNA THU 6:4 - PATHIAN LEKHABU THIANGTHO (BSI)

⁴ Amau tawh ka thuthung ka sudet ah, malzin gual ah a chênnau gam uh Kanaan gam ka piakna dingin.

PAWTDAWNA THU 6:4 ပူးပေါင်းရင်းမြစ်များ

THILSIAM THU 12:7

Chun, Abram kiang in Lalpa a hung kilâk ah, a kiang in, “Zia gam hi la suante kiang in pia ding ka hi,” a tia. Tichun, zia mun ah chun, a kiang ah kilâk Lalpa â dingin mâichâm a siam tai.

THILSIAM THU 15:13

Ziaphatchun, Lalpa chun Abram kiang in, “La suante chu amau gam hilo ah chun malzin in hung um intiu in, a nau hun sep piak in au, ti kichian tak in he ta’n: Chuleh, amau chun kum za li hun hi’genthei in au.

THILSIAM THU 15:18

Zia ni ngei ah chun Lalpa’n Abram kiang in thutiam a bawl ta’n: “Zia gam hi Aigupta luipi ah kipat Euphrates luipi tiang in,

THILSIAM THU 17:13

la In ah piang le, dangka sum ah la chawkte chule a zek uh la tan ngei ngei ding uh ahi: tichun, ka thuthung chu kumkhua thuthung hiding in la taksau ah chun um den ta hen.

THILSIAM THU 17:4

“Ngai tia, ka thuthung chu nang kiang in ahi ka thun; tichun, nam chuam chuam tampi suanpa hung hi ding la hi.

THILSIAM THU 23:4

“La lak ua hin malzin leh pêm mai ka hi hen; ka mithiluang hi ka mu phâklona ka vuitheina dingin la lak uh hin kivuina ding mun pakhat ei piau in,” ti’n a don a.

THILSIAM THU 26:3

Zia gam ah hin um tadi inla, la kiang in um ing ka tin, hun maljawl ing ka tin; zia gam zosia hi nangma leh la suante kiang ah hun pia’n, la pa Abraham kiang ah ka tiam kha hi’det ding ka hi:

THILSIAM THU 26:4

Van ah aksi jat in la suante hi’pung ing ka tin, zia gam zosia hi la suante kiang in hun pia’ng ka; la suan ah chun khawvel nam tinte hung navak intiu in;

THILSIAM THU 28:13

Chuleh, a kiang in Lalpa a hung ding ah: “Kei hi Lalpa, la pu Abraham Pathian, Isak Pathian chu ka hi: la lupna lei kha nangma leh la suante kiang in hun pia’ng ka;

THILSIAM THU 28:4

La malzinna gam, Pathian in Abraham kiang ah a piak hi la lua theina dingin, nang leh la suante le Abraham maljawlna chu donsak ta hen,” a ti’n.

THILSIAM THU 6:18

Himaleh, ka thuthung la chung ah hi’det zaw ding ka hi; long ah chun la chapate tawh, la ji tawh, la chapate jite chiat tawh, nangma tawh la lut ding uh ahi.

2 SAMUEL 23:5

Pathian âng in ka Insung mi chu zia gual hi hilo a hem? Ama chun kei tawh kumtuang dai ding thuthung a siam ta’n, bangkim kitup leh det tak in a um tai. Ka thangai leh ka lungtup zosia chu, ama’n ei lawtinsak lo ding a hem?

SAM 105:11

a kiang un, “Kanaan gam hi la kumkhaw gochan ding un, hun pia’ng ka,” a ti’n.

SAM 105:12

Mi tawmcha bep ahi lai un, hetkham lo ah tawm leh malzin mai ahi lai un,

PAWTDAWNA THU 13:4

Tu’ni, Abib tha ah hin hung pawtdok la hiu;

PAWTDAWNA THU 13:5

Lalpa chun Kanaan mite, Hit mite, Amor mite, Hiv mite leh Jebus mite chênna gam, la pu la pateu kiang ah piak ding ah sia a la sapna, bawngnawi leh khuaizu luanna gam chu a hun pui lût phat leh, zia kût hi zia tha ma ma’ hin la bawl zing sek diu ahi.

PAWTDAWNA THU 6:8

Abraham, Isak leh Jakob kiang ah piak ding ah ka tiamna gam ah chun hun pui lût ing ka tin; la gochan ding un zia gam chu hun pia ding ka hi: Kei Lalpa chu ka hi, a tii, ti’n vagen in,’ a tia.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

KISIMNA LEKHABU 10:29

Chun, Mosi’n a sungpa Midian mi Reuel chapa, Hobab kiang ah chun, “Kei haw hi Lalpa‘n ka kiang un, ‘Zia gam chu hun pia ding ka hi,’ a ti’na gam zuan ah chia ka hiu ah; nang le ka lak un hung pang in, pha tak in hun bawl ing kau; Lalpa chun Israelte â dingin thilpha ei tiam ta ngâl a,” a tia.

NASEPTE 7:5

Zia chun a luana ding mun, a keng ngakna kham le a pia pua’n; himaleh, cha a nei masang pek in, ama leh a nung ah a suante go dingin piak a tiam tai.