PAWTDAWNA THU 6:3 - PATHIAN LEKHABU THIANGTHO (BSI)

³ Abraham, Isak leh Jakob kiang in Elshaddai in ka la kilâk sek ah; himaleh, ka min tak tak JEHOVAH ti in vang amau kiang in ka la kihiat sak kha nai puai.

PAWTDAWNA THU 6:3 ပူးပေါင်းရင်းမြစ်များ

THILSIAM THU 13:18

Tichun, Abram in a puanbûk chu a chawn ah, Hebron ah um Mamre gangpi thingbul kiang ah chun a hung chêng ta’n; zia mun ah chun Lalpa â dingin mâichâm a siam tai.

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THILSIAM THU 22:14

Abraham in zia tak mun chu Jehovah Jireh ti a sak ah; tu’ni tiang ah hin, “Lalpa tâng ah chun piak in um nai tiu,” a ti sek gual uh hin.

THILSIAM THU 28:3

El Shaddai chun maljawl in, nam chêngkhawmte pu la hung hitheina ding in, chi tam tak suansak in hun hi’pung ta hen.

THILSIAM THU 35:11

Chuleh, Pathian in a kiang ah, “El Shaddai chu ka hi; la chisuan pha hen la, hung pung ta’n; nam pakhat leh nam chi chuam chuamte la lak in hung piang in la khalbe’ kipat hin leng leh lalte le hung pawt in au.

THILSIAM THU 48:3

Jakob chun Joseph kiang in, “El Shaddai chu Kanaan gam ah Luz khua khan ka kiang in a kilâk in; ei maljawl a:

SAM 68:4

Pathian chawihoi in La sau inla, a min pâk in La sau in; van sûm chung ah chia sekpa pâkna La, ngai tak in sau inla, a min chu Lalpa ahi’n, a ma-âng in kipak tau in.

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

PAWTDAWNA THU 15:3

Lalpa chu galdona hat; A min Lalpa chu ahi.

PAWTDAWNA THU 23:21

Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

PAWTDAWNA THU 3:14

Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

JEREMIAH 16:21

“Ziaziakchun, amau hil ding ah ka chia tei tei ding ahi; tu chung ah hin, ka thilhithei dan leh ka hat dan hil ding ka hi; tichun, ka min chu Lalpa ahi ti he ta’n au,” ti in.

JEREMIAH 33:2

Khawvel siamdokpa leh tundin ding dan guanggal ah tungdokpa Lalpa, a min Lalpa chun, zia gual hin a gen hi:

EZEKIEL 20:5

a kiang un: Lalpa Pathian in zia gual hin a gen hi: Israelte ka têlchuam ni khan, Jakob suante kiang in thu ka la tiam ta’n: Aigupta gam ah ka la kihiatdawsak ta’n, a kiang un: Kei hi Lalpa la Pathian uh chu ka hi, ti’n ka la kitiam tai.

EZEKIEL 37:13

Aw ka mipite haw, la thânteu ka hon ah, la thân ua kipat ka hun pui daw phat leh Lalpa ka hi ti hun he ta’n lau.

EZEKIEL 37:6

La sung un thagui hun umsak ing ka tin, la chung un phe hun siam in, vun in hun tuam ing ka tin; chuleh, hung ha’thei in, hung hing kit ta’n lau; tichun, Lalpa ka hi ti hun hia’n lau,” ei hun tia.

JOHAN 8:58

Jesu’n a dawnhu a, “Titakzet in ka hil la hiu, Abraham um masang khanle ka la um tai,” a tia.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

RUTH 1:20

A ma’n a kiang un, “Naomi ei ti kiu inla, Marah ei ti zaw ta un; Bangkim Hi’theipa chun nasa tak in ei soisak tâk ziakin.