PAWTDAWNA THU 6:26 - PATHIAN LEKHABU THIANGTHO (BSI)

²⁶ Lalpa chun, Mosi tawh Aron kiang ah, “Ziate hi a hon hon in Israelte chu Aigupta gam ah kipat in puidok un,” a la tite chu a hiu a.

PAWTDAWNA THU 6:26 ပူးပေါင်းရင်းမြစ်များ

THILSIAM THU 2:1

Chutichun, lei leh van chu a sung ah um zosia chu tawh siam zaw ahi tai.

1 KHANGTHU 6:3

Amram chate chu: Aron, Mosi leh Miriam a hiu a. Aron chate chu: Nadab, Abihu, Eleazar leh Ithamar a hiu.

SAM 77:20

Mosi leh Aron khut in la mite chu, belamhon gual in la puidok tai.

SAM 99:6

A thiampute lak in Mosi leh Aron a pang un; a min lamte lak in Samuel le a pang hi. Lalpa a ko un, a hun dawnhu tai!

PAWTDAWNA THU 12:17

Zia ni ah hin la mipite Aigupta gam ah kipat in ka puidaw ziakin, thawipanglo vaithum in Kût la mat ding uh ahi: la khang zosiau in kumtuang ah la mat theina ding un dan ah la siam diu ahi.

PAWTDAWNA THU 12:41

Kum za li leh sawmthum a ti’n ni ma ma ah chun, Lalpa’n a mite zosia Aigupta gam ah kipat in a hun puidok tai.

PAWTDAWNA THU 12:51

Zia nikhua ma ma chun Lalpa chun Aigupta gam ah kipat in Israelte chu a hon hon in a hun puidok ta ahi.

PAWTDAWNA THU 13:18

Tichun, Pathian in Tuipi San lam ah, gamthip lam in a pui kawi tai. Chuleh, Israelte chu Aigupta ah kipat in kigâlging zing in a chia to tau a.

PAWTDAWNA THU 20:2

Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

PAWTDAWNA THU 32:1

Mipite chun Mosi tâng ah kipat a hung suk kit hak talua tai, a tiu ah tichun, Aron kiang in a chia khawm ua a kiang in, “Kipan in, ka mau ei pui dingin pathian ei siam piak mai in; zia Mosi, Aigupta gam ah kipat ei puidokpa hi la bangti a hem ka he’phak ta puau in,” a hung tiu a.

PAWTDAWNA THU 32:11

Himaleh, Mosi chun Lalpa a Pathian chu a awimaw ta’n: “Lalpa, bang ding ah la mipite Aigupta gam ah kipat thilhitheina nasa tak tawh la khut thahât tak ah la hun puidawte chung ah la lungnatna kuangjak ding a hem?

PAWTDAWNA THU 32:7

Chun, Lalpa chun Mosi kiang in, “Chia suk in! Aigupta gam ah kipat la hun puidawte saw a kisubuak zo tau hi;

PAWTDAWNA THU 6:13

Chutichun, Lalpa chun Mosi tawh Aron kiang in, “Israel mipite tawh Aigupta gam ah lengpa Pharaoh kiang ah chun, Israel mipite chu Aigupta gam ah kipat thâdaw sak dingin thu ka pia tai, ti vahil un,” a tia.

PAWTDAWNA THU 6:20

Amram in a pa suapinu a kichenpi ah, ama chun Aron tawh Mosi a hing a. Amram dam sung chu kum za khat sawmthum leh sagi ahi.

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

PAWTDAWNA THU 7:4

Pharaoh in la thugen a ngai diak lo ding ziakin, Aigupta chung in ka khut tha’ng ka tin, gawtna huaisia takte mang in ka mipi Israelte chu a hon hon in Aigupta gam ah kipat in puidok ding ka hi.

MIKAH 6:4

Aigupta gam ah kipat in ka hun puidok la hi’ngal un, suak la hi’nau ah kipat ka hun tatdok la hiu; a hun pui dingin, Mosi, Aron leh Miriam ka hun sawl ta kha.

KISIMNA LEKHABU 33:1

Mosi tawh Aron mapuina’n, Israelte chu Aigupta gam ah kipat in sepai hon gual in a hung pawtdok un, a chia dan uh chu zia gual hi ahi:

JOSHUA 24:5

Ziaphatchun, Mosi leh Aron ka sawl ah, Aigupta gam ah a lak phat un thilmak bawl in, hipi ka lênsak ta’n; ziazaw phat ah chun, nanghaw hi ka puidaw la hiu.

1 SAMUEL 12:6

Samuel in mipite kiang ah chun, “Mosi leh Aron a la têldok ah, a pu leh pateu Aigupta gam ah kipat a la puidokpa Lalpa chu ei hiatpitu ahi.

1 SAMUEL 12:8

Jakob kha Aigupta gam ah a chên lai khan, Aiguptate chun a la êngbawl tau ah; Ziaphatchun, la pu leh pateu khan Lalpa a ko un; tichun, la pu leh pateu kha Aigupta gam ah kipat a puidok ah, zia gam ah chênsak dingin Mosi leh Aron kha a la sawl tai.