PAWTDAWNA THU 6:13 - PATHIAN LEKHABU THIANGTHO (BSI)

¹³ Chutichun, Lalpa chun Mosi tawh Aron kiang in, “Israel mipite tawh Aigupta gam ah lengpa Pharaoh kiang ah chun, Israel mipite chu Aigupta gam ah kipat thâdaw sak dingin thu ka pia tai, ti vahil un,” a tia.

PAWTDAWNA THU 6:13 ပူးပေါင်းရင်းမြစ်များ

SAM 91:11

La lampi tincheng ah hun vêng dingin, la chung thu ah a vansawlchâkte, thu pia ding ahi ngal a.

PAWTDAWNA THU 6:12

Himaleh, Mosi chun Lalpa kiang in, “Ngaitia, Israel mipite nasan in ka thu a ngaisak ta puau ah; kei tawhbang ah thugen theilo hi Pharaoh in ei la ngaisak ding a hem?” a tia.

PAWTDAWNA THU 6:14

Ziate hi a Inkuan dungzui ua a pu leh pateu chu a hiu a: Israel cha lutîl Reuben chapate chu: Hanokh, Pallu, Hezron tawh Karmi: ziate hi Reuben Inkuante chu a hiu a.

PAWTDAWNA THU 6:26

Lalpa chun, Mosi tawh Aron kiang ah, “Ziate hi a hon hon in Israelte chu Aigupta gam ah kipat in puidok un,” a la tite chu a hiu a.

KISIMNA LEKHABU 27:19

ama chu thiampu Eleazar tawh mipi zosia ma-âng ah chun dinsak in; a leng ua mit mu in thu pia’n.

KISIMNA LEKHABU 27:23

a khutte ni a luchung ah ngat in a namdet tai; Mosi kiang ah Lalpa‘n thu a piak gual in a bawl tai.

MATTHAI 4:6

“Pathian Chapa la hileh chawmtha’n, la chung thu ah hin, ‘A vansawlchakte chu thu pia’n tin, a khut un hun dom intiu in, chutichun, la keng in suang khat chale suikha pua’n la,’ ti zik gual ah khan,” a tia.

DAN LEKHABU 31:14

Lalpa‘n Mosi kiang in: “La thi ni ding a nai tai; Joshua ko inla, mawpuakna ka piak theina dingin, kikhopna biakbûk ah hun pui in,” a tia. Tichun, Mosi tawh Joshua chu kikhopna biakbûk ah chun a vachia tau a;

1 TIMOTHI 1:18

Ka chapa Timothi, la chungchâng ah genlawknate tawh kituak in zia thuhilnate hi ka hun pia ahi; tichun, ziate chu la zui ah, kidona pha chu la do theina dingin.

1 TIMOTHI 5:21

Pathian leh Khrista Jesu leh, vansawlchâk têlte mit mu in ka hun hil la hi: zia thute hi doisak chuam neilo in zui inla, khen chuam nei in bangma bawl kin.

1 TIMOTHI 6:13

Pathian, thil bangkim hinna pepa leh Khrista Jesu, Pontia Pilat ma ah puandawna pha puangpa âng in thu ka hun pia ahi:

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

2 TIMOTHI 2:4

Sepai kuama’n dam sung khawsaknate ah hin a kisubuai ngai puai; sepai ding ah têl hotupa kipaksak ding bep chu a tup sek hi.

2 TIMOTHI 4:1

Pathian mit mu leh Khrista Jesu, a thite leh a hingte vaihawm piak ding pa mit mu leh, a hung kilâkna ding leh a lenggam chu minsial in, ka hun tîl la hi: