PAWTDAWNA THU 5:3 - PATHIAN LEKHABU THIANGTHO (BSI)

³ Ziaphatchun, amau in, “Hebraite Pathian ngei chun kei uh ei kimupi ta’n: gamthip lam ah ni thum chiana ah gamla ei chiasak inla; tichun, Lalpa ka Pathian kiang ua kithoina bawl ing kau; achutiloleh, ama’n I chung un hipi a hem, chemjam a hem hun lênsak kha ding ahi,” a tiu a.

PAWTDAWNA THU 5:3 ပူးပေါင်းရင်းမြစ်များ

2 LENGTE 17:25

Zia mun ah a chêntîl lai ua chun, Lalpa a ho puau ah; ziaziakchun, khenkhat chu a hun that tau hi.

2 KHANGTHU 30:8

tu’hin vang, la pu leh pateu gual ah genhak in um ta kiu in; Lalpa kiang ah hung kitulut unla, a mun thiangtho ah hin hung un; zia tak mun chu kumtuang dai ding ah a sukthian ahi ta’ngal in; la chung ua a lungnatna a lâkmang thei khâk leh Lalpa la Pathian uh na chu sêm un.

EZRA 7:23

Van Pathian in thu a piak taphot chu, van Pathian In â dingah phatchuam ngaina ziakin bawl in um ziang hen; achutiloleh, Lengpa leh a gamngâkte chung ah a lungnatna hung tung kha’n a.

PAWTDAWNA THU 3:18

La thu chu ngai in au; tichun, Israel upate tawh nangma Aigupta lengpa kiang in vachia to inla tiu in, a kiang in, ‘Lalpa, Hebraite Pathian chun kei uh ei kimupi hen; tuhin ka Pathian uh Lalpa kiang ah kithoina ka vabawl theina ding un gamthip lam ah, ni thum lam chiana gamla’n ei chiasak in,’ ti’n vagen unla.

PAWTDAWNA THU 7:16

A kiang in: Lalpa, Hebraite Pathian in ei sawl hen, ‘Ka mipite pawtsak in, gamthip ah ei biak theina ding un,’ ti la kiang ah hung gen dingin ei sawl a. Himaleh, nang in tu’tiang ah hinle a thu la ngai nai puai.

PAWTDAWNA THU 8:1

Himaleh, Lalpa chun Mosi kiang ah chun, “Pharaoh kiang in vachia inla, a kiang in, ‘Ka na a septheina ding un, ka mipite pawtsak in;

PAWTDAWNA THU 8:20

Lalpa chun Mosi kiang in, “Jingkal ma tak in tho inla, lui ah Pharaoh hung ding chu a la ngâk inla, a kiang in, ‘Ka mite’n ei ho theina ding un pawtsak in Lalpa’n a tii;

PAWTDAWNA THU 8:27

Ni thum lam gamthip ah ka chiau ah, thu ei piak dungzui ah Lalpa ka Pathian kiang ua ka vakithawi ding uh ahi,” a tia.

EZEKIEL 6:11

Lalpa Pathian in zia gual hin a gen a: La khut bêng in, la keng tat in; chuleh, Israel Inkuante a la ki’dak umnau zosia chu aw! ti’n gen in. Chemjam in pûk intiu in, natpi leh kialte ziakin thi’n au.

THIAMPUTE LEKHABU 26:25

Ka thuthung phuba lâkna dingin, la chung un chemjam hun lênsak ing ka tin: La khawpi sung ua bitna hawl ah la taikhawm phat ua leh le, la lak un hipi hun lênsak ing ka tin: Chuleh, la mêlmateu khut ah piak in um ding la hiu.

DAN LEKHABU 28:21

Lua ding ah la lutnau gam ah hin a hun hi’mangthai masia, Lalpa‘n hipi hun lênsak zing ta’n a.