PAWTDAWNA THU 5:21 - PATHIAN LEKHABU THIANGTHO (BSI)

²¹ A kiang un, “Lalpa’n hun en hen la, la chung un vaihawm ta hen; Pharaoh leh a suakte mit mu ah huat um tak in lei siam tâk ziak un: a khut ua kei uh thâna ding chemjam la choisak ta’ngal un,” a tiu a.

PAWTDAWNA THU 5:21 ပူးပေါင်းရင်းမြစ်များ

THILSIAM THU 16:5

Ziaphatchun, Sarai in Abram kiang in, “Ka thil thok hi nang in a mawpaw ta’n, ka suaknu chu la ângsia dingin ka hun pia ta hen, a gâi hi ti a kihet phat in keima ei musit tai,” a ti’n.

THILSIAM THU 31:53

Abraham Pathian, Nahor Pathian leh a pau Pathian chun I kikâl in vaihawm ta hen,” a ti kit a. Jakob inle a pa Isak in a Lau-pa min chu sâl in a kitiam tai.

THILSIAM THU 34:30

Jakob in Simeon tawh Levi kiang in, “Nang un zia gam ah chêng, Kanaan mite tawh, Periz mite huat ah ei umsak in, lei hi’lunggim ma mau hi. Ka mite hi tawmcha bep ahi ngal un; ei do dingin hung pung khawm taleu, ei that gam ziang ding ahi ngal un: kei leh ka Inkuante sukmanthai in um mai ding ka hi’ngal un,” ti’n a gen a.

2 SAMUEL 10:6

Ammonte chun a chung un David a lungdam puai ti a het phat un, Ammonte chun Beth-rehob leh Zobah ah Aramte keng sepai sîng ni tawh, Maakah lengpa sepai sang khat tawh, Tob mite sepai sîng khat leh sang ni a chial tau a.

1 KHANGTHU 19:6

Ammonte chun David huat lam tak ah thil a la bawl tau ti a kihet phat un, Hanun tawh Ammonte chun Mesopotamia, Aram-maakah leh Zobah ah mite sakol kângtalai leh sakol sepaite gawina dingin dangka thik talent sang khat a thot tau hi.

PAWTDAWNA THU 14:11

Mosi kiang in, “Aigupta gam ah kivuina ding thân a umlo ziak ah, thalêk gamthip ah thi ding ah lei puidaw ahi em? Bangatia, zia gual ah ei bawl ding ah Aigupta gam ah kipat ei puidok mawng mawng la hem?

PAWTDAWNA THU 15:24

Tichun, mipite chu Mosi chung in a phunchiak tau ah, “Bang dawn ding ka hitau em?” a tiu a.

PAWTDAWNA THU 16:2

Gamthip ah chun Israel mipi zosia chu Mosi tawh Aron chung in a phun sau sau ziang tau a.

PAWTDAWNA THU 4:31

Mipite chun a taksang ngal tau ah: Lalpa chun Israel mipite a kantha tai ti leh, a gentheinateu le a mu tai ti a het phat un, a bokkhup ua, Pathian chibai a bûk tau hi.

PAWTDAWNA THU 5:20

Pharaoh kiang ah kipat a hung pawt daw phat un, amau a la ngâk Mosi tawh Aron chu a kituakpi tau hi.

PAWTDAWNA THU 6:9

Mosi’n zia gual chun Israel mipite kiang in a gen ah; himaleh, a lungthim uh a nat bêk ziak leh a saltânnau a huaisiat bêk ziakin Mosi thugen chu a ngaisak him him puau hi.”

THUGENTU 10:1

Thosi thi chun gimtui siampa thau gimtui chu, a ui gim a suaksak thei in; zia gual ma chun, ngolna neucha’n, pilna leh ja’umna a mansua thei hi.

ISAI 30:6

Negeb ah ganchate chung thu ah chunggikna hung tung ding chu: Lungkhamna leh lungjinna gam, sakeibakneipi leh sakeibakneichal hâm laite, gûlsia leh gûl lengtheite lak haw theng in, a nei leh lamteu sabiltungte puaksak in, a go thilteu chu sangawngsaute puaksak in, amau â ding ah phatchuamna bei mite kiang in vachia in au.

JOEL 2:20

Mallam ah la gâlteu chu, gamla tak in koimang ing ka tin, gamkeu leh gamsia lak ah naw kit ing ka; a matawng pawl sualam tuisuagiat sung ah, a nungdâlte tumlam tuisuagiat sung ah; a gimsia leh ui hung pawt in a. Kichian tak in ama’n thil lopi takte a bawl tai!

KISIMNA LEKHABU 14:22

Aigupta gam tawh, zia gamthip ah ka lopina tawh ka tepte’na bawl zosia mu ta ngâl ah, sawmvei hial ei patep kit nalai ah, ka thu ngai diaklote zosia chu,

KISIMNA LEKHABU 14:3

Mite chemjam ah thi ding bep ah bang ding ah Lalpa‘n ei la puidaw a hi tam? I ji leh chateu chu mi gâl anchâk ah a pan sâng un, Aigupta gam lam ah chia kit ziang leu hin phazaw ma ma lo ding a hem?” a tiu a.

1 SAMUEL 13:4

Saul in Philistin gâlveng sepaite chu a zo tai, ti leh, Israelte chu Philistinte â ding ah muda um tak a hitau ti a het phat un, mipi zosia chu Gilgal ah Saul panpi dingin a kodok tau hi.

1 SAMUEL 27:12

Akhish in David chu a taksang ma ma ah, “A chipi Israelte â ding ah huat um tak ah a kisiam tâk ziakin, ka suak in um den ta ngei in ah,” ti’n a ngaitua tai.