PAWTDAWNA THU 5:2 - PATHIAN LEKHABU THIANGTHO (BSI)

² Himaleh, Pharaoh chun, “Israelte ka chiasak ah, a thu ka ngai ding Lalpa chu kua a hem? Zia Lalpa chu ka hepua’n, Israelte chu le pawt daw sak lo ding ka hi,” a tia.

PAWTDAWNA THU 5:2 ပူးပေါင်းရင်းမြစ်များ

2 LENGTE 18:35

Lalpa chun Jerusalem ka khut ah kipat a hukdaw lo ngal leh; kuate pathian chu a hem ka khut ah kipat a gam uh hukdok ding? a tia.

2 KHANGTHU 32:14

Zia namte lak ah kuapen pathian chun, ka pu leh pate khut ah kipat in a mipiteu chu a la hukdok khau ah, la Pathian uh chunle ka khut ah kipat hun hukdok ziang ding ah kinem laizang la hiu em?

2 KHANGTHU 32:15

Ziaziakchun, tu’hin le zia Hezekiah kha kithep zawsak ziang kiu in la, zia gual mai mai ah chun kipuimang sak ziang dingin taksang kiu in; kuate nam hileule, a pathian un amau leh a gam uh hilehle, keima khut leh ka pu leh pate khut ah kipat a pathian un a hukdaw thei him him a um puai. Bangtidan in a hem la Pathian uh chun ka khut ah kipat nanghaw a hun hukdaw diak ding la kinep uh chu!” a vatiu a.

2 KHANGTHU 32:19

Jerusalem khua Pathian chu khawvel ah nam dangte pathian gual bep ah, khut ah kisiam kawm gual bep in a gen tau hi.

NEHEMIAH 9:10

Nang in Pharaoh leh a suakte zosia leh, a mipite zosia’n ka pu leh pateu chung ah kiletsak takah a bawl uh thukna’n, tepte’na leh thilmak tam tak la la bawl khawlaw ta’n. Tichun, tu’ni tiang dai dingin la minthanna la koi tai.

JOB LEKHABU 15:25

Amau in a khut ua Pathian do ding ah, a lapdaw ziak un leh, Hat Chungnung Pathian dem ding ah, a la kipat tâk ziak un;

JOB LEKHABU 15:26

ama do in lochal tak in, a phaw sâ let lut uh chawi in a tai he huu a,

JOB LEKHABU 21:15

Hat Chungnung Pathian chu kua a hia a hem, a na ka sep ding uh? Ama kiang ah ka pauchap un, bang phatchuamna mu ding ka hiu em?” a tiu a.

SAM 10:4

Mi nunsia chun a kisaktheina mêlpu’n, “Pathian in hawldok pua’n a,” ti zing kawm in, a ngaituanau zosia chun, “Pathian a um puai,” ti ngen ahi.

SAM 12:4

“Ka kam un gual zo ing ka tiu in, I mukteu hi eimau â ngei ahi, kua a hem I chung ua thunei um?” a ti sek ui.

SAM 12:5

“Chagate chom gam ziak leh, tasamte a thûm ziak un, tu’hin kipan ing ka tin, a duthusam gual un bit tak in umsak ing ka,” Lalpa‘n a tii.

SAM 14:1

Mingol chun a lungthim un, “Pathian a um puai,” a tiu in. A sia zo tau a, huat um takte a bawl un; khat chale thilpha bawl a um ta puau hi.

PAWTDAWNA THU 3:19

Ka khut thahat in a cham lo ah a phalsak lo ngal leh Aigupta lengpa chun hun pawt dawsak phal pua’n ah ti ka henai.

PAWTDAWNA THU 7:17

Zia gual hin Lalpa’n a gen hi: Zia hin Lalpa ka hi ti hia’n lau; ka khut ah tiangkhut hin Nail luipi tui chu jep leng thisan suak mai ding ahi.

THUPILTE 30:9

achutiloleh, tai in niang ta law leng hun hemil ing ka tin: “Lalpa chu kua a hem?” hun ti kha’ng ka. Chaga talua leng la gûkchak khawlaw kha’ng ka tin, ka Pathian min hi’thanghuai kha’ng ka.

JEREMIAH 42:13

Himaleh, “Zia gam ah hin um pua’ng kau,” ti ah, Lalpa la Pathian thuu la mat nop lo ua,

JEREMIAH 48:26

Lalpa do ding ah a kisan pawm ziakin, Moab chu dawn khamsak tau in; Moab chu a luak lak ah kibualsak tau in; ama chule mite nuizatbûk hung hita hen.

DANIAL 3:15

Tu’hin, a la kiging unla, pengkulte, lilute, tingtangte, gawsemte, nawtgitte, tumgit pêng ni neite leh thil githei chitinte git la het phat ua leh, bokkhup unla, ka milim siam hi bia un; chutileh, bangkim pha mai ding ahi. Ahi’n la, la biak nop lo uh leh vang, meipi kuang sung ah kin tak ah selut ziang ding la hiu, ka khut ah kipat nang uh hukdok thei ding pathian chu kua a hem?” ti’n a gen a.

JOHAN 16:3

Pa leh keima ei het lo ziak un, zia thilte chu hun bawl in au.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

VAIHAWMTE 2:10

Chuleh, zia khang ah mite zosia chu a thizo tau ah, amau nung in Lalpa he’phalo leh Israelte â ding ah thil a la bawl piakhaw he’phalo khangthak a hung dingdok tau hi.

1 SAMUEL 2:12

Tu’hin, Eli chate chu mi chavai a hiziak un, Lalpa a ja puau a;

1 SAMUEL 25:10

Himaleh, Nabal in David suakte kiang ah chun, David chu kua a hem? Jesse chapa la tiu chu kua a hem? Tu’lai ah hin suak a puteu ah kipat tai mang a tam tau hilam.