PAWTDAWNA THU 40:34 - PATHIAN LEKHABU THIANGTHO (BSI)

³⁴ Ziazaw chun, kikhopna biakbûk chu sûmpi’n a hun khû ta’n; tichun, Lalpa lopina chun biakbûk chu a hun lua dim tai.

PAWTDAWNA THU 40:34 ပူးပေါင်းရင်းမြစ်များ

2 SAMUEL 7:6

Aigupta gam ah kipat Israel mipite ka puidaw ah kipat, tu’ni tiang hin puanbûk leh biakbûk lak ngen in ka la chêng nalai in;

2 KHANGTHU 5:13

Pengkul mutte leh La sate mawpuakna chu: Lalpa pâkna leh kipak thugenna ding ah a thil githeiteu chu pakhat git gual ah hiat thei ding ah tumgit ahi, pengkul leh vai khutbette leh thil tumgit thei zosia tawh a awu hun sua in: “Ama a phat ziakin, a ngilneina chunle kumtuang a dai hi,” a tiu a; Ziaphatchun, Lalpa lopina sûmpi chun In chu a hun lua dim tai.

2 KHANGTHU 7:2

Lalpa In sung ah Lalpa lopina’n a lua dim ziang phat ah chun, thiampute chu Lalpa In sung in a lut thei ta puau a.

SAM 26:8

Aw Lalpa, la chênna In, la lopina umna chu ka ngaina na e!

PAWTDAWNA THU 14:24

jingkal phalvak ding kua’n ah chun Lalpa’n meipi ding leh sûmpi ding ah kipat chun a hun en suk ah, Aiguptate chu nasa tak in a hun patausak tai.

PAWTDAWNA THU 16:10

Aron in Israel mipite kiang in zia thu chu a gen lai tak in, mipite chun gamthip lam chu a en ua; tichun, Lalpa lopi’na sûmpi lakah chun a hung kilang tai.

PAWTDAWNA THU 25:8

A lak ua ka chênden theina dingin mun thiangtho pakhat ei bawl piak uh hen.

PAWTDAWNA THU 29:43

Zia tak mun ah chun Israelte hun kihopi sek ing ka tin; chuleh, ka lopina’n zia mun chu hi’thiantho in um in a;

PAWTDAWNA THU 33:9

Mosi chu biakbûk sung a lut phat leh sûmpi ding chu hung kum suk in, biakbûk kotkhak bul ah chun a hung ding sek ah; tichun, Lalpa chun Mosi chu a hun ho sek a.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 6:4

A kiko thawm un tempul hulliap ah khuamte chu a kithinsak in, a Insung chu meikhu’n a hung dim tai.

EZEKIEL 10:4

In mai tualjawl ah cherubte chung ah kipat chun Lalpa lopina chu a kipandok ta’n; chuleh, tempul chu meikhu’n a dim ah, a huang sung chule Lalpa lopina vâk in a dim tai.

THIAMPUTE LEKHABU 16:2

Mosi kiang ah Lalpa chun: La u Aron kiang in zia gual hin gen in: mâichâm chung ah um, ja’ngaina chutpha umna puanjak sung, mun thiangtho ah chun bangtik hun hilehle hung lût kin; chutilochun, thi mai ding la hi: ja’ngaina chutpha chung ah sûmpi’n hung kilâk ding ka hi’ngâl in.

HAGGAI 2:7

nam zosia hun chok lîng ing ka, tichun, nam zosia go thilte hun lakhawm ing ka tin, zia In hi hausakna’n hung dim ta’n ah, sepai honte Lalpa chun a tii.

HAGGAI 2:9

Zia In lopina nunung zaw chu a masa zaw sâng in nasa zaw’n ah, ti’n sepai honte Lalpa chun a gen hi; chuleh, zia mun ah hin vangphatna hun pia ding ka hi, sepai honte Lalpa chun a tii.

KISIMNA LEKHABU 7:89

Chun, Mosi chu Lalpa tawh kiho ding ah kikhopna puanbûk ah a chia phatin, thuthung thingkuang chung ah ja’ngaina chutpha, Cherub panite kikâl ah kipat in ama a hun hona aw gi chu a he ta’n; tichun, a kiho tau a.

ROMTE 9:4

Israel mite, cha hi’na changte, lopina changte, thuthung leh Dan thupiakte leh, Pathian nasepnate leh thutiam zosia a la changte a hiu a;

THUPUAN 15:8

Ziaphatchun, tempul chu Pathian lopina leh thilhitheina khu’n a dim ta’n; vansawlchâk pasagite’n gawtna pasagi chu a sukbutin masiau tempul sung ah chun kuama a lût thei ta puau hi.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.