PAWTDAWNA THU 40:10 - PATHIAN LEKHABU THIANGTHO (BSI)

¹⁰ Hâlmang kithoina mâichâm chule matchâk zosiate chu tawh sathau nu’ inla, mâichâm chu a thiangtho pen a hung hitheina dingin la hi’thiantho ding ahi.

PAWTDAWNA THU 40:10 ပူးပေါင်းရင်းမြစ်များ

PAWTDAWNA THU 30:29

chuleh, a zek thiangtho pen a hitheina dingin, la hithiangtho ding ahi; zia khoikha taphot chule thiangtho jel ding ahi.

PAWTDAWNA THU 40:11

Tuikuang chule a kengte chu tawh sathaunu’ inla, la hi’thiantho ding ahi.

ISAI 11:2

Pilna leh hetthiamna Thagau, lemhetna leh hatna Thagau, hetna leh Lalpa launa Thagau, Lalpa Thagau ngei chun hun thuam ta’n tin,

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

THIAMPUTE LEKHABU 6:17

Thawi saw lo ding ahi. Kei â ding ah mei ah kilân lak ah amau chantum ding ah ka piak ahi; zia chu gitlo thoina leh hi’khial thoina gual tho in, a thiangtho pen chu ahi ngâl a.

THIAMPUTE LEKHABU 8:11

Mâichâm chu sagivei a the’khum ah, mâichâm leh a matchâk kuang leh a kengte chu hithiangtho dingin sathau chu a nu’ a.

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

JOHAN 17:19

Amau hawle thutak ah hi’thiantho a hitheina ding un, amau ziakin keima le ka kihi’thiangtho tai.

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

HEBRAITE 7:26

Tichun, thiampu lianpen, thiangtho, poikhoi lo, buakna neilo, migilote ah kipat um chuam, vante sâng ah chungnung zaw ah siam, I mamawteu â ding ah hun tawk I nei uh chu a kilawm him ta ahi.