PAWTDAWNA THU 4:8 - PATHIAN LEKHABU THIANGTHO (BSI)

⁸ “Tepte’na masa zawk chu taksang lo ah, a ngaisak lo ua leh, tepte’na nunung zawk bêk chu taksang mai thei a hiu.

PAWTDAWNA THU 4:8 ပူးပေါင်းရင်းမြစ်များ

2 LENGTE 5:7

Israelte lengpa chun lekhathot chu a sim zaw phatin, a puante a botthêk ah, “Kei hi thi’na a hem hinna a hem pia ziang thei Pathian ka hia hem, zia mipa hin ka kiangah mi pakhat a phâkna ka sukdam piak ding ah a hun sawl ziang hi? En maleu chin, ei kinakpi gaw him him a hi hilam,” a tia.

JOB LEKHABU 5:18

Ama’n a suliam ah, a tuam kit ah; a vua hen, a khut ma ma’n a sudam kit sek hi.

PAWTDAWNA THU 4:28

Lalpa’n a kiang ah thu a gen zosia leh tepte’na a bawl ding ah thu a piak zosiate chu Mosi chun Aron kiang in a hil tai.

PAWTDAWNA THU 4:7

Ziaphatchun, Pathian in, “La khut chu la puanâk chual sung in vak thun lut kit tiam in,” a tia; tichun, a khut chu a puanâk chual sung ah chun a vak thun lut kit ta’n. Chuleh, a vak lakdaw kit phat ah chun a tidangte gual in a thiang kit tai.

PAWTDAWNA THU 4:9

Zia tepte’na teni natiang hile a taksan lo ua, la thugen a ngaisak diak lo ua leh, Nail luipi ah kipat in tui thâl dok inla, lei hul ah sungtha lechin thisan suak mai ding ahi,” a tia.

ISAI 28:10

Thuhilna chung in thuhilna ma, thuhilna chung ah thuhilna ma; a tian tian ah tianto ding, zia tak ah hin neukhat, zia tak ah sawn neukhat ahi ngâl in.

JOHAN 12:37

Amau haw ma-âng in thilmak zia jatzojai chu bawl maleh ama a ging diak puau hi.

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

VAIHAWMTE 6:17

Ziaphatchun, ama’nle, “La mit mu ah doisakna chang ka hi chun, ka kiang ah thugen hi nangma la hi tak tak nai ti ka hetchian theina dingin tepte’na khat ei musak in.