PAWTDAWNA THU 4:31 - PATHIAN LEKHABU THIANGTHO (BSI)

³¹ Mipite chun a taksang ngal tau ah: Lalpa chun Israel mipite a kantha tai ti leh, a gentheinateu le a mu tai ti a het phat un, a bokkhup ua, Pathian chibai a bûk tau hi.

PAWTDAWNA THU 4:31 ပူးပေါင်းရင်းမြစ်များ

THILSIAM THU 17:3

Abram in a mai ah lei si hial in a bokkhup ah, ziaphatchun, Pathian in a kiang in thu a gen a:

THILSIAM THU 24:26

Suakpa chu a kûn ah, Lalpa chu chibai a bûk ta’n;

THILSIAM THU 29:32

Leah chun nau a vop ta’n; chapa a nei in, a min in Reuben a sak ah, “Lalpa’n ka genthei dan a mu ahi hi lam, tu’hin chu ka pawsal in ei hepi ta’n a,” a ti’n.

THILSIAM THU 50:24

Joseph in a suapite kiang in, “Thi ding ka hi tai; himaleh, Pathian in hung kantha ngei ngei intin, Abraham, Isak leh Jakob kiang ah kihaksial ah piak ding ah a tiamna gam ah um ding in, zia gam ah kipat hin hung puidok ding ahi,” a ti’n.

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

2 KHANGTHU 20:18

Ziaphatchun, Lalpa chu ho in Jehoshaphat in lei tual si hial in a bokkhup ah; tichun, Judah mipi zosia leh Jerusalem khua chêngte zosia chule Lalpa âng in a bokkhup chiat tau hi.

2 KHANGTHU 32:8

Amau chu mihing thahâtna bep mang a hiu ah, ei haw ei panpi ding leh I gâlteu ei do piak ding chu Lalpa I Pathian uh ahi ngâlah,” ti in. Judai gam ah Lengpa Hezekiah thu gen ziak ah chun mipite chu nasa tak in a kisuhat tau hi.

2 KHANGTHU 7:3

Israel mipi zosia chun vanah kipat mei hung ketha leh, Lalpa lopina’n Tempul a hun chup ziang chu a mu phât un, dawdan chung ah lei tual si hial ah bokkhup in, Lalpa ho in a kiang ah zia gual hin kipak thu a gen tau a: “Ama a phat ziakin, a ngilneina’n le kumtuang a dai hi,” a tiu a.

NEHEMIAH 8:6

Ezra in, Lalpa Pathian lopi tak chu a chawihoi ah, mipite chunle, “Amen, Amen,” ti ah dawnhu in a khut teu a jak ua. Chuleh, a luchang uh kûn in, a maichang ua lei tual si hial hial in Lalpa chu a ho tau a.

JOB LEKHABU 1:20

Ziaphatchun, Job chu a dingdok ah, a puanâk a botthêk ah, a sam chu metmui in, lei tual ah kipuk in Pathian a ho tai.

PAWTDAWNA THU 12:27

‘Zia hi Aigupta mite a thâ lai ah ei uh Aigupta gam ah um Israelte In chopkânpa Lalpa Chiakân Kût kithoina chu ahi,’ la ti ding uh ahi,” a tia. Chutichun, mipite chun a luchang uh kûn chiat in a ho tau hi.

PAWTDAWNA THU 14:31

Aiguptate do-na a chung ua Lalpa thilbawl lopi tak chu Israelte’n a muu a. Tichun, mipite chun Lalpa chu a lau tau a; chuleh, Lalpa leh a suak Mosi chule a taksang tau hi.

PAWTDAWNA THU 19:8

Mipi zosia chun mi pakhat aw gual ah kituak tak in a hun dawnhuu a: Mosi chun mipite thugen chu Pathian kiang in a tut kit a.

PAWTDAWNA THU 19:9

Ziaphatchun, Lalpa chun Mosi kiang in, “Sûmpi sâ tak in la kiang ah hung ding ka hi; tichun, mipite’n la kiang ah ka thugen hi a het ua, nangma chu a hun taksan zawk sêm theina ding un,” a tia. Tichun, Mosi’n mipite thugen chu Lalpa kiang in a tut kit a.

PAWTDAWNA THU 2:25

Pathian in Israelte chu entha zing in a ngaisak zing hi.

PAWTDAWNA THU 3:16

Chia inla, Israel upate ko khawm inla, a kiang un, ‘Lalpa, la pu la pateu Pathian, Abraham Pathian, Isak Pathian leh Jakob Pathian chu ka kiang in a hung kilâk hen, zia gual hin a gen hi: Aigupta gam ah, bang bang la chung ua tung a hem ti ka he’n, ka hun ngaisak zing la hiu;

PAWTDAWNA THU 3:18

La thu chu ngai in au; tichun, Israel upate tawh nangma Aigupta lengpa kiang in vachia to inla tiu in, a kiang in, ‘Lalpa, Hebraite Pathian chun kei uh ei kimupi hen; tuhin ka Pathian uh Lalpa kiang ah kithoina ka vabawl theina ding un gamthip lam ah, ni thum lam chiana gamla’n ei chiasak in,’ ti’n vagen unla.

PAWTDAWNA THU 3:7

Chuleh, Lalpa chun, “Aigupta gam ah ka mipite thokgim dan ka en zui zing a; chuleh, a nasepsak hotuteu ziak ah a kâ thawmteu chule ka he tai. A thokgim danteu chule ka hechian ta ahi.

PAWTDAWNA THU 33:10

Biakbûk kotbul ah sûmpi ding chu mipi zosia’n a mu phât ua leh, amau puanbûk kotbul chiat ah chun dingin, bokkhup in chibai a bûk chiat sek un.

PAWTDAWNA THU 34:8

Mosi’n kin tak ah leitual sî bokkhup in chibai a bûk ta’n.

PAWTDAWNA THU 4:5

“Tichun, Lalpa, a pu a pateu Pathian, Abraham Pathian, Isak Pathian leh Jakob Pathian kha la kiang ah kilâk ngei ahi ti a taksan theina ding un,” a tia.

ZEPHANIAH 2:7

Tuisuagiat pâmte chu Judah Inkuan lak ah, a umsun te chanvo hung hi’ntin; zia tak ah chun a gan honteu tatsak intiu in, nitâk lam leh Ashkelon ah chun giak ta’n au. Lalpa a Pathian un amau chu kantha ta’n tin, a vangphatnau hun pia kit ta’n a.

LUKA 1:68

“Lalpa, Israelte Pathian chu pâk in um ta hen; ama chun a mite a hung kan tha’n, a hung tandok tangal in.

LUKA 8:13

Chuleh, suangteu chung ah kethate chu ziate hi a hiu: Thu a het ua kipak tak ah pom ngal ziang; himaleh, zung him him a nei puau ah, sawt lo sung bep a ging un, thepna a hung um phat leh pûk kit ziang sekte hi a hiu.

RUTH 1:6

Moab gam ah a um sung un, Lalpa‘n a mite nêk ding pia’n, a ve thâk dan a het ziakin, Moab gam ah kipat in a mo te ni chu tawh kile’kit dingin a hung kipan tau a.