PAWTDAWNA THU 4:27 - PATHIAN LEKHABU THIANGTHO (BSI)

²⁷ Aron kiang in Lalpa chun, “Mosi dawn dingin gamthip ah vachia in,” ti’n a sawl a. Tichun, ama le a chia ngal ah; chuleh, Pathian tâng ah chun a vatuak ah, a chawp tai.

PAWTDAWNA THU 4:27 ပူးပေါင်းရင်းမြစ်များ

THILSIAM THU 29:11

Jakob in Rakhel a chawp ah, ngai tak in a kap ta’n.

1 LENGTE 19:8

A tho ah, a ne’ a dawn tai; zia a an nêk in a hatsakna jal ah chun, ni sawmli leh jan sawmli, Pathian tâng Horeb tiang in a chia tai.

SAM 105:26

A suak Mosi leh a mi têlchuam, Aron chu a kiang un a sawl a.

PAWTDAWNA THU 18:5

Mosi sungpa Jethro chun Mosi ji tawh a chapa teni chu gamthip mun ah, Pathian tâng ah, Mosi giakna mun ah chun a hun pui ta’n.

PAWTDAWNA THU 18:7

Mosi chu a sungpa lamtua dingin a kipandok ah, a âng ah chun a bok khup ah, a chawp ah; a chanchin teu kidongtua in, Biakbûk sung ah chun a lut tau a.

PAWTDAWNA THU 19:3

Ziaphatchun, Mosi chu Pathian kiang in a chia to ah; Lalpa’n ama chu tâng ah kipat chun a hun ko in, a kiang in, “Jakob Inkuante kiang in zia gual hin gen inla, Israelte chu hil in:

PAWTDAWNA THU 20:18

Mipi zosia’n van-gi leh kawlphete leh pengkul git leh tâng meikhu tuam haw chu a muu in, lau ah kithing in, gamla deu in a ding tau a.

PAWTDAWNA THU 24:13

Tichun, Mosi’n a kithuapipa Joshua pui in a kipandok ta, Mosi chu Pathian tâng ah chun a kal to tai.

PAWTDAWNA THU 3:1

Mosi chun a sungpa Jethro, Midiante thiampupa belamte chu a ching ah; belamte chu gamthip khêl lam ah, Pathian tâng, Horeb tiang hial in a vaching a.

PAWTDAWNA THU 4:26

Ziaphatchun, ama ngen in a nusia tau ah; a ji chun a kiang in, “Zektan ziak ah thisan sua ka pawsal chu la hi,” a tia. Tichun, Lalpa chun Mosi hinna a hawi tai.

THUGENTU 4:9

Mi pani chu pakhat sangin a phazaw’n, a sepgimnau ah kipat chun kipakman pha tak mu ding ahi ngal un.

NASEPTE 10:20

Tu’hin kipan inla, kum suk inla, ginglâ lo hial in amau chu zui in; amau chu ka hun sawl a hiu,” a hun tia.