PAWTDAWNA THU 4:23 - PATHIAN LEKHABU THIANGTHO (BSI)

²³ Ka hun ni la hi, ka chapa hun thâdok in ei biak theina ding un. La hun thâdaw nop lo leh, ngaitia la chapa, la chapa upa pen chiat uh hun that ding ka hi,’ a tii, la ti ding ahi,” a tia.

PAWTDAWNA THU 4:23 ပူးပေါင်းရင်းမြစ်များ

SAM 105:36

A gam ua cha lutîl zosia, a hatnau ga masa penteu chu a that gam tai.

SAM 135:8

Aigupta gam ah nautîl: mihing hileh, gancha hileh, a la thatpa kha ama ahi.

SAM 136:10

A chatîl uh that ah Aiguptate gawtpa kiang ah chun, a ngilneina chu kumkhua’n um ding ahi ngal a;

SAM 78:51

Aigupta gam pumpi nau lutîl a that ah, Ham puanbûk ah a hatnau ga masa pente chiat chu, a that tai.

PAWTDAWNA THU 10:3

Tichun, Mosi tawh Aron chu Pharaoh kiang in a chia tau ah, a kiang in, “Zia gual hin Hebraite Pathian in a gen hi: Ka ma-âng ah hin kingaitawm nuam lo ah bang chan um nalai ding la hem? Ei ho theina ding un ka mite hun thâdok ta’n;

PAWTDAWNA THU 10:4

chutia, ka mipite la hun thâdaw nop lo tei tei nâk lai ahileh ngai in, jing leh la gam sung pumpi ah hin khaubepi hun umsak ding ka hi.

PAWTDAWNA THU 11:5

Aigupta gam ah chapa upa pen chiat, lal chutpha kichu Pharaoh chapa upa pen ah kipat in buhêkna khawl nung lam ah um suaknu chapa leh gancha note lak ah a suak masa pen tiang in that ding ka hi.

PAWTDAWNA THU 12:29

Jankim lai tak in Lalpa chun Aigupta gam pumpi cha upa pen zosia, lalchutpha ah chu Pharaoh chapa upa pen ah kipat suangkul mun thim ah umpa chapa upa pen tiang leh gancha suak masa pen zosia tiang in a hun that gam ta’n.

PAWTDAWNA THU 13:15

Pharaoh in ei pawt dawsak nop lo lai ah, Lalpa chun Aigupta gam ah cha lutîl zosia, mihing cha masa pen leh, gancha no masa pen chu a that hen: Ziaziakchun, sulhong masa pen, a chal taphot chu Lalpa kiang ah ka lat ahi; ahi’n la, ka chate lakah a piang masa pen chu ka tat ahi,” ti’n la dawnhu sek diu ahi.

PAWTDAWNA THU 18:8

Mosi chun, Lalpa’n Pharaoh leh Aigupta mite chung ah Israelte ziak ah a thilbawl zosia tawh, a hungnau lamkâl ah gentheina a chung ua tung zosia tawh, Lalpa’n zia haw zosia lak ah kipat a hukdaw dante chu a sungpa kiang in a hil tai.

PAWTDAWNA THU 3:18

La thu chu ngai in au; tichun, Israel upate tawh nangma Aigupta lengpa kiang in vachia to inla tiu in, a kiang in, ‘Lalpa, Hebraite Pathian chun kei uh ei kimupi hen; tuhin ka Pathian uh Lalpa kiang ah kithoina ka vabawl theina ding un gamthip lam ah, ni thum lam chiana gamla’n ei chiasak in,’ ti’n vagen unla.

PAWTDAWNA THU 5:1

Ziazaw chun, Mosi tawh Aron chu Pharaoh kiang in a chiau ah, a kiang in, “Lalpa, Israel Pathian in: Ka mipite pawt dawsak inla, gamthip ah ka kiang ah Kût a bawltheina ding un, a tii,” a tiu a.

PAWTDAWNA THU 6:11

“Aigupta Lengpa Pharaoh kiang ah chia inla, a lenggam ah kipat Israelte pawtdawsak dingin va gen in,” a tia.

PAWTDAWNA THU 7:16

A kiang in: Lalpa, Hebraite Pathian in ei sawl hen, ‘Ka mipite pawtsak in, gamthip ah ei biak theina ding un,’ ti la kiang ah hung gen dingin ei sawl a. Himaleh, nang in tu’tiang ah hinle a thu la ngai nai puai.

PAWTDAWNA THU 8:1

Himaleh, Lalpa chun Mosi kiang ah chun, “Pharaoh kiang in vachia inla, a kiang in, ‘Ka na a septheina ding un, ka mipite pawtsak in;

PAWTDAWNA THU 8:16

Chuleh, Lalpa chun Mosi kiang in, “Aron kiang ah, ‘La tiangkhut chu lâm inla, tual ah leivui jep in, chutileh Aigupta gam ah leivui zosia hi thovâi a hung suak theina dingin,’ ti’n,” a tia.

PAWTDAWNA THU 8:17

Amau chun zia gual chun a bawl tau a; Aron in a tiang chu a lâm ah, leivui chu a jep ah; tichun, thovâi chu mihing leh ganchate zosia chung ah chun a chu ta’n; Aigupta gam ah leivui zosia chu thovâi a hung suak zo tai.

PAWTDAWNA THU 8:20

Lalpa chun Mosi kiang in, “Jingkal ma tak in tho inla, lui ah Pharaoh hung ding chu a la ngâk inla, a kiang in, ‘Ka mite’n ei ho theina ding un pawtsak in Lalpa’n a tii;

PAWTDAWNA THU 9:1

Ziaphatchun, Mosi kiang ah Lalpa’n, “Pharaoh kiang ah chia inla, a kiang in, ‘Lalpa, Hebraite Pathian in: Ei ho theina ding un ka mipite hi chiasak in, a tii,’ ti’n vagen in,” a tia.

PAWTDAWNA THU 9:13

Chuleh, Mosi kiang in Lalpa’n, “Jingkal leh ma tak in tho inla, Pharaoh kiang ah chia inla, a kiang in, ‘Lalpa, Israelte Pathian in: Ei ho theina ding un ka mipite chu chiasak in.

PAWTDAWNA THU 9:2

La chiasak nop lo ah, la tûktân nâk lai ahi chun,

HOSEA 11:1

Israel chu naupang a hilai khan ka hepi ah, Aigupta ah kipat in ka chapa chu ka kodok tai.