PAWTDAWNA THU 4:11 - PATHIAN LEKHABU THIANGTHO (BSI)

¹¹ Ziaphatchun, Lalpa’n a kiang in, “Mihing pau theina hi kua piak a hem? Kua’n ama chu pautheilo leh bengngong ah, mitvak leh mitthûm ah a siam a hem? Kei Lalpa hi ka hi pua a hem?

PAWTDAWNA THU 4:11 ပူးပေါင်းရင်းမြစ်များ

THILSIAM THU 11:7

Hung unla, vachia suk hitiu in, a kihotua theilona ding un a pau uh va sukdanglam piak hitiu,” a tia.

THILSIAM THU 18:14

Lalpa â dingin thil haksa talua a um ah a hem? Ka hun tiam a tun tak leh hung kit ing ka tiu in, Sarah hin chapa nei in a,” a ti piak ta’n.

SAM 146:8

Lalpa‘n mitthûmte mit a sukvak piak hi. Khun ngawi ngawite chu Lalpa‘n a domsâng sek in, Lalpa‘n mi dikte chu a hepi hi.

SAM 51:15

Aw Lalpa, ka kam ah thu ei gen dawsak inla, tichun, nangma hun pâk ing ka.

SAM 94:9

Bil siampa chun he lo ding a hem? Mit siampa chun mu lo ding a hem?

THUPILTE 20:12

Hetna nakhang leh mu’na mitte hi Lalpa ‘n a siam gêl ahi.

ISAI 42:7

mitthûmte mit hi’vâk piak ding, suangkul tângte hukdok ding leh, suangkul thim lak ah umte puidok dingin.

ISAI 6:7

Vansawlchâk chun zia meiâm chu ka mûk a hun bî ah, ka kiang in: “Tu’hin, zia meiâm hin la mûk a bî tâk ziakin, la bawlkhialna zosia lâkmang a hita’n, la gitlona le ngaidam ahi tai,” a hun ti’n.

JEREMIAH 1:6

Ziaphatchun keima’nle, “Katei, Lalpa Pathian! Ka naupang talua nalai in, thu gen dan ka hepuai,” ti’n ka dawnhu a.

JEREMIAH 1:9

Ziaphatchun, Lalpa‘n a khut a hun thadok a, ka mûk a hun khoi a; chuleh, Lalpa‘n ka kiang in: “Ngai in, la mûk ah ka thu ka koi tai.

EZEKIEL 33:22

Gâl ah suakcha hung taimangpa hung tun ding jan ah khan, Lalpa‘n nasa tak in ei umpi ah; himaleh, gâl ah suakchapa hung tun jingkal ah chun, ka kam chu thu gen theina ei pia’n; tichun, thu gen dingin ka kam ka hun ka’n, ka pau thei tai.

AMOS 3:6

Khawpi sung ah launa umlo in kuan, pengkul a mût ngai ah a hem? Lalpa sawl hilo in siatna’n khawpi a tun khum ngai em?

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

LUKA 1:20

Ngaitia, ka thugente hi a hun tak ah hung tung ding ahi ti la taksan lo ziakin, zia thil chu a hung tun masia pau thei pua’n la,” a tia.

LUKA 1:64

Ziaphatchun, thakhat in a kam a hung kihong ah, a lei chu a hung kitham ta’n; a hung paudok ah, Pathian a hun pâk tai.

JOHAN 10:21

Khenkhatte chun, “Zia tawh bang thilte hi thitha jawlte thu’ um chi ahi puai. Thitha chun mitthûm a hi’vâk piak thei ah a hem?” a tiu a.