PAWTDAWNA THU 38:26 - PATHIAN LEKHABU THIANGTHO (BSI)

²⁶ Kum sawmni ah kipat a chung lam, mi tin kisimna pang zosia chu nuai guk sang thum za nga leh sawmngate chu mun thiangtho ah shekel a piak sek gual ua tiam in beka khat chiat (zia beka khat chu shekel kimkhat tawh kibang ahi) pia tawhbang a hiu.

PAWTDAWNA THU 38:26 ပူးပေါင်းရင်းမြစ်များ

PAWTDAWNA THU 12:37

Israelte chu Rameses ah kipat in Sukkoth a zuan ua; a mau chu naupang sim lo in, ama keng ah chia thei ngen chu mihing nuai guk vêl a hiu a.

PAWTDAWNA THU 30:12

“A min uh khum ding ah Israelte la sim phat leh, Lalpa âng ah mi tin in kitatna, min khum hun ah chun a bawl chiat ding uh ahi; a min uh khum ahiziak ah a chung ua natpi a tunlona dingin.

PAWTDAWNA THU 30:13

Min khum taphot mi tin in a piak ding uh chu zia gual hi hi’n a: Mun thiangtho shekel kimkhat chiat a piak diu ahi (shekel khat chu gerah sawmni tawh kibang ahi:) Lalpa chantum ding ah thillat dingin shekel kimkhat ma tawh.

PAWTDAWNA THU 38:27

Zia lak ah dangka thik talent za khat chu mun thiangtho khuam kitunna ding ah kikhuak ding leh, a puanjakna khuam kitunna ding ah kikhuakte tunna ding chun a kimang zo ah; khuam kitunna ding ah kikhuak za khat â ding ah chun talent za khat a kimang zo ah, talent khat chiat in a kikhuak pakhat siam ahi.

KISIMNA LEKHABU 1:2

Israel chate zosia, a Inkuan dungzui un, a phung a phung in, pawsal zosia chu a min chiat un, a bân bân in sim inla;

KISIMNA LEKHABU 1:3

Israelte lak ah gâldo thei, kum sawmni ah kipat chung lam mi sia chu sim in. Nangma tawh Aron in a pawl pawl ah la sim ua, la zik lut ding uh ahi.

KISIMNA LEKHABU 2:32

Zia hi Israelte, a Inkuan dungzui ua a min kizik lut dan uh chu ahi’n; a pawl pawl ah, a giamun dungzui ua, a min kizik lut zosia chu nuai guk sang thum za nga leh sawmnga a hiu hi.

KISIMNA LEKHABU 26:2

“Israelte lak ah, kum sawmni ah kipat a chung lam mi, gâl kâp thei zosia a Inkuan dungzui chiat un sim un,” a tia.

KISIMNA LEKHABU 26:51

Israelte a min kikhum zosia chu nuai guk sang khat za sagi leh sawmthum a hiu.

MATTHAI 17:24

Kapernaum khua a tun un, tempul sumdawlte chu Peter kiang in a hung un, La hotupau in tempul Sia hi pesek lo a hem? a hung tiu a.