PAWTDAWNA THU 37:9 - PATHIAN LEKHABU THIANGTHO (BSI)

⁹ Cherubte chun ja’ngaina chutpha lia dingin a chung in a thau a jak gêl un. Cherubte chu ki-ângngat tua in, ja’ngaina chutpha chu a mai lam uh a ngat gêl ui.

PAWTDAWNA THU 37:9 ပူးပေါင်းရင်းမြစ်များ

THILSIAM THU 28:12

Mang a hun nei ah: Lei leh van kikâl ah hin leilawn a hung kidaw ah; chuleh, zia chun Pathian vansawlchâkte a suk a to in a lawn ui.

THILSIAM THU 3:24

Mihing chu a nawdok ta’n; hinnathing lampi veng bit dingin Eden huan ah sualam pang ah vansawlchâk Cherubte leh mei chemjam phe zot zot te leh kipei te chu a koi tai.

1 LENGTE 6:27

Cherubte chu In sungnung lam pen ah a koi ah; cherubte chun a tha’teu a zâk gêl ua; pakhat zawk tha langkhat chun bâng langkhat a si’n, a dang tha langkhat chun bâng langkhat a si kit hi; a tha lailung lam zawk gêl uh chu a kisukha tua ui.

PAWTDAWNA THU 25:20

Cherubte chu ki-ângngat in ja’ngaina chutpha chu a thau ah lia in, a chung ah chun jak khum gêl in au. Ja’ngaina chutpha lam chu Cherubte chun a âng ngat gêl ding uh ahi.

PAWTDAWNA THU 37:10

Ama’n thinggi thing in dawkân pakhatle a siam ah; a dung lam chu tong ni, a vailam tong khat, a sân dan tong khat leh a kim;

PAWTDAWNA THU 37:8

a mong langkhat lam ah cherub khat, a mong langkhat lam ah cherub khat ma; ja’ngaina chutpha tawh sakhat ah kimat dingin a mong langtuak ah um ding cherubte chu a siam hi.

ISAI 6:2

A chung lam ah Vansawlchâkte’n a ching un; tha paguk chiat a nei ui: A tha’u pani chiat in a mai a lia piak un, a dang pani chiat ah chun a keng a tuam piak un, a dang panite ah chun a leng chiat ui.

JOHAN 1:51

Titakzet in ka hil la hi, tu’nung leh van kihong ah, Pathian vansawlchâkte Mihing Chapa chung ah kum suk leh kal to hun mu ding la hi,” a tia.

2 KORINTH 3:18

Ei un vang mai khu’lo in, lîmet gual in Lalpa lopina salvâk in, lopina kipat lopi zaw diak in, ama kibatpi hiding in Lalpa Thagau ah hi’danglam in I um ui.

EPHESA 3:10

Chutia, Pathian pilna zosia chu van mun ah lalna leh thuneinate kiang ah, kochuamte mang ah tu’hun ah hiatsak ahi’na dingin.

PHILIPPI 3:8

Ahi takzet hi, ka Lalpa Khrista Jesu hetna lopi diak ziak ah chun, zia thilte zosia chu ki’dak buaksia gual in chânna in ka guat ta, Khrista ka mutheina dingin.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

1 PETER 1:12

Amau â ding hilo in, nang uh â ding ah sêmgim a hiu ti hiatsak a hiu hi. Zia thute chu van ah kipat sawl Thagau Thiangtho jal ah chanchinpha hun hilte’n a hun hil tau hi; zia thilte chu vansawlchâkte’n le a het nop uh ahi.