PAWTDAWNA THU 36:3 - PATHIAN LEKHABU THIANGTHO (BSI)

³ Israelte chun mun thiangtho ah nasepna matchâk ding ah a hun piak khawm zosiau chu Mosi khut ah kipat in a la jel ua. Jingkal si’n leh zia gual ah kiphalna dungzui ah thilpiakte chule a pekhawm zel tau a;

PAWTDAWNA THU 36:3 ပူးပေါင်းရင်းမြစ်များ

SAM 101:8

Gam sung ah mi nunsiate hi jingkal si’n in, hi’mangthai ing ka tin; Lalpa khawpi kipat thil phalo bawl zosiate, paitha sik sek ding ka hi.

SAM 5:3

Aw Lalpa, jingkal in ka aw la hesek ah, jingkal in ka dotna la ma’n ka hun tut ah, ka la hu’ngai sek hi.

PAWTDAWNA THU 35:27

Chun, thiampu awmphaw leh puanâk chual jemhoina dingin, vaihawmte chunle Onik suang leh suang mantam chi chuam chuamte a hun lau a;

PAWTDAWNA THU 35:29

Israelte zosia, a numei, a pawsal kidang lo ah Lalpa â ding ah amau lungtup dungzui chiat ah piak nopna nei zosia chun, Mosi’n thu a piak dungzui chiat in, Lalpa â ding ah kiphalna thilpiak a hun chawi khawm chiat tau a.

PAWTDAWNA THU 36:2

Bezalel tawh Oholiab tawh mi khutthiamte, Lalpa’n a lunggil ua pilna a piak ah, zia na chu sêm ding ah lunggil tak ah phûlna nei taphot chu Mosi’n a ko a:

PAWTDAWNA THU 36:4

mi khutthiam zosiate, munthiangtho â ding ah na chuam chuam sêmte chunle a thilbawl laiteu nusia in a hung ua,

THUPILTE 8:15

Keima ziakin lengte chun vai a hawm un, keima ziakin vaihawmte chun, a dik in thu a ta’n thei ui;

ISAI 50:4

Paukam khat mai inle mi basam, a chawhal kit theina ding ah ka hiltheina dingin, Lalpa Pathian in lei ei pia tai. Jingkal si’n leh ka nakhang chu, zilsak ah umte gual ah hethiam thei dingin, ei phawnghal zing a.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

AMOS 4:5

kipakna thillat thawi pang vaithum hun lân unla, kiphalna dungzui ah thilpiak chawi dingin phuang unla, thu than vêl un; aw Israel mipite haw, zia gual ah bawl chu la thatnop lam tak uh ahi ngal a! Lalpa Pathian in a tii.