PAWTDAWNA THU 35:3 - PATHIAN LEKHABU THIANGTHO (BSI)

³ Sabbath ni chun la chênnau mun taphot ah mei la sêm him him lo ding uh ahi,” a tia.

PAWTDAWNA THU 35:3 ပူးပေါင်းရင်းမြစ်များ

PAWTDAWNA THU 12:16

A ni masa pen ah chun kikhopna thiangtho bawl in la tiu in; chuleh, a ni sagi ni chunle nang uh â dingin kikhopna thiangtho bawl in la tiu in; zia nite ah chun mi tin in a bawl lo ua phamaw, an bep chu la nethei ui; zia tilo chu thil dang him him la bawl lo diu ahi.

PAWTDAWNA THU 16:23

ama’n a kiang un, “Zia hi Lalpa’n jing hi Lalpa â ding ah sabbath thiangtho chu ahi; la kan ding uh chu tu’ni hin kang unla, la huan ding uh chu tu’ni hin huan un: Chuleh, a bângkhâi cheng chu jingkal kit â dingin koihe un, ti thu a la piak kha ahi,” a tia.

PAWTDAWNA THU 20:9

Ni guk sung in nasêm in la tin, la sep ding zosia chu la sepzaw ding ahi.

PAWTDAWNA THU 23:12

Ni guk sung na sêm in la tiu in, a nisagi ni leh la kichawl dam diu ahi; tichun, la bawngchal leh la sabiltung un kicholdamna a muu ah, la In ah piang la suakte leh gam dang mi la lak ua chêngte le a kichawldam theina ding un.

PAWTDAWNA THU 31:15

Ni guk sung nasepna’n mang in la tiu in; himaleh, a ni sagi ni chu vang Sabbath ni thiangtho, Lalpa â ding ah ni zek thiangtho ahi: Kuale zia ni ah nasêm taphot chu thalup ding ahi.

PAWTDAWNA THU 35:4

Mosi chun Israel kikhawm zosiate kiang ah chun: “Zia hi ahi Lalpa’n thu a hun piak chu:

ISAI 58:13

Ka ni thiangtho ah nangma lawkna ding bep hawl ah, sabbath ni bangmalo ah ngai lo ah, tawden lo ah la um ah, sabbath ni hi kipakna ni la hi’sak ah, Lalpa ni Thiangtho chu la jabawl nâk chun; jabawl tak ah, nangma thu kinoptel lo ah, nangma nopna lam bep bawl lo ah, nangma lawkna ding bep la hawl lo nâk chun;

THIAMPUTE LEKHABU 23:3

Ni guk sung in la sep ding cheng uh zo thiang unla, a ni sagi ni chu sabbath ni, khawmpi thiangtho chu ahi; zia ni hin na la sep lo ding uh ahi: La chênna zosiau ah, Lalpa â ding ah sabbath ni chu ahi.