PAWTDAWNA THU 34:7 - PATHIAN LEKHABU THIANGTHO (BSI)

⁷ Sâng tam tak tiang ah khawtuana nei, khawlona, sukkhialna leh gitlona ngaidam ah; thiamlo changte ngaidam ziang lo ah, pate nunsiatna ziak ah, chate leh a tusawnte, suan thumna leh suan li’na tiang ah, phuba la sek,” ti’n a puang tai.

PAWTDAWNA THU 34:7 ပူးပေါင်းရင်းမြစ်များ

THILSIAM THU 19:16

Himaleh, ama chu a muang ma ma ah; Lalpa’n ama chu a hepi ma ma ziakin, mite chun ama leh a ji leh a chanu panite a khut ua man in, khawpi pawlam ah chun a kaidok tau a.

1 LENGTE 8:30

La suak hi tawh la mi Israelte’n zia mun lam nga a pauchap tak ua leh a dotnau chu van ah la chênna kipat in ngaitha sek inla, ngaidam in.

1 LENGTE 8:32

van ah la ngaitha’n la, mawna nei chu thiamlo chansak ah, a umdan gual ah ama luchung ah chuksak ding leh, midik chu a diktat dungzui ah dit ah thiamchan dingin, la suakte chung ah thu tan in.

2 KHANGTHU 30:9

Lalpa lam ah la hung kihei kit ua ahi chun, la suapiteu leh la chateu chun sal ah mante lainatna hung chang intiu in, zia gam ah hin hun pui tung kit ding ahi. Lalpa la Pathian uh hi lainatna dim leh, ja’ngai tak ahi ngal ah; ama lam la ngat kit ua leh ama’nle nang uh lam hun nga kit ding ahi ngalah,” ti’n a thot tau hi.

NEHEMIAH 1:5

Zia gual hin ka pauchap ah: “Aw Lalpa, van Pathian, Nang Pathian lopi leh ja’um, la thupiakte zuiah a hun ngainate chung ah la thuthung hezing leh ja’ngaina neipa;

NEHEMIAH 9:32

Ziaziakchun, tu’hin ka Pathian uh, Pathian lopi leh Bangkim bawlthei, lau um, thuthung hezing ah, ja’ngaina ah dim chun, kei uh chung leh ka lengteu, ka pu leh pateu leh la mite zosia chung ah, Assuria lengte hun ah kipat tu’ni tiang ah haksatna ka tuakteu hi ngainêp ziang kin la;

JOB LEKHABU 10:14

Gilo leng la, lei entha zing in, ka thulimlona ngainêp lo hial ding la hi’ngâl a.

SAM 103:3

la manthei lona zosia a ngaidam ah, la natna zosia a hi’dam ah,

SAM 109:14

A pateu gitlona kha Lalpa âng ah het zing hi hen la, a nu gitlonale thaimang in um ki’hen.

SAM 130:4

Himaleh, la kiang ah ngaidamna a um hi, ja um tak ah la umtheina dingin.

SAM 136:10

A chatîl uh that ah Aiguptate gawtpa kiang ah chun, a ngilneina chu kumkhua’n um ding ahi ngal a;

SAM 136:15

Pharaoh leh a sepaite Tuipi San ah, himangthaipa kiang ah chun, a ngilneina chu kumkhua’n um ding ahi ngal a;

SAM 25:11

Aw Lalpa, la min ziakin ka gitlona ngaidam in, ka gitlona a huaisia ngal a.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 99:8

Aw Lalpa ka Pathian uh, nang in amau la dawnhu ta’n; amau ngaidam zing Pathian chu la hi; ahi’n la, a bawlkhelnateu ah phuba la pa chu la hi.

PAWTDAWNA THU 23:21

Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

PAWTDAWNA THU 23:7

Hekna diklo lak ah kipat in kikoikiang inla, mawna neilote leh midikte chu that kin: mi diklote phuba chu la ding ka hi’ngal a.

PAWTDAWNA THU 33:19

Chuleh ama chun, “Ka phatna zosia chu la ma-âng ah hun latsak ing ka tin, Lalpa min chu la ma-âng ah puangjak jel ing ka; tichun, ka lungsiat dingte chu lungsiat ing ka tin, ka khawtua dingte chu khawtua ding ka hi.

PAWTDAWNA THU 34:9

Chuleh a kiang in, “Tu’hin la mittung ka hi chun aw Lalpa, ka ni la hi: Ka Lalpa ka lak un lungsiat tak in ei kitonpi in aw; mi lu’lul tak himaleng uh le, ka gitlo nau leh bawl khialnateu ei ngaidam inla, la gochan dingin ei la’n,” a tia,

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

JEREMIAH 30:11

A hun hukdam ding ah hun umpi zing ka hi, Lalpa‘n a tii. A lak ua ka hun thejakna nam tinte chu, subei ing ka tin, nanghaw vang hun subei lo ding ka hi. A kilawm tiang bep in hun gawt ing ka tin, gawt lo ah vang hun nusia ziang lo ding ka hi.

JEREMIAH 32:18

Khang sâng tam tak chung ah ja’ngaina la pia’n; himaleh, a pu leh pateu bawlkhialna a tu leh chateu pheichung ah phuba lasek chu nang la hi’n; aw Pathian lopi leh hat, la min chu sepai honte Lalpa ahi;

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

DANIAL 9:4

Lalpa ka Pathian kiang ah gitlo thupha chawi in, zia gual hin ka pauchap a: Aw Lalpa, Pathian thupi leh lau um, nangma hun hepi ah la thupiak jawmte chung ah thuthung leh ja’ngaina vopzingpa,

DANIAL 9:9

Lalpa I Pathian uh vang ja’ngaina dim leh ngaidam zo zing ahi; ama chung in a la hel tamaleu hin,

MIKAH 6:11

Bûkna diklo leh dip gik dan diklote chu, ngaithiam thei ding ka hem?

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

MATTHAI 12:31

Ziaziakchun, ka hil la hiu, kuale a gitlona leh a gensiatna zosia chu ngaidam thei ahi: Thagau Thiangtho gensia chu vang zia khawvel leh khawvel hung tung kit dinginle ngaidam thei hipua’n a.

MATTHAI 6:12

Ka chung ua thil hi’khialte ka ngaidam sek gual un, nang inle ka thil hi’khialteu ei ngaidam in.

LUKA 7:42

Himaleh, a ditna ding a neilo phat un a paniu in a ngaidam ziang ta’n. Aleh, ei hil tiam in, a kua zawk chun a hepi zaw ta diam uh?” a tia.

LUKA 7:48

Chuleh, numei kiang ah chun, “La gitlonate ngaidam ahi tai,” a tia.

NASEPTE 13:38

Ziaziakchun, suapite haw, zia pa ziak bep ah hin la kiang ua gitlo ngaidamna thu hung kigen ahi, ti hi he tau in;

NASEPTE 5:31

Ama chun Israelte kiang ah lungheina leh gitlo ngaidamna a piak theina dingin, Pathian in Lalpa leh Hukdampa hiding in a khut changlam in a chawisâng tai.

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

EPHESA 4:32

Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in.

DAN LEKHABU 32:35

A kalsuan uh a tawnâl phat uh leh, phuba lâkna leh dit kitna chu kei â ahi; a buaina ni ding uh a nai ta’n, a chung ua siatna kin tak in tung ding ahi.

DAN LEKHABU 7:10

chuleh, ama pâmpaite hi’mangthai ding ah amau chung ngei ah thuk sek mi ahi. Ama doi lo ah pampaite chung ah kipadâm lo ah, amau taksa chung ngei ah thuk kit ziang sek chu ahi.

DAN LEKHABU 7:9

Ziaziakchun, Lalpa la Pathian uh hi Pathian tak tak, Pathian ginum, ama hepi ah, a thu zawmte chung ah suan a sâng ah sim tiang ah le a thuthung leh a hepina tâklang zing ahi ti hiau inla;

HEBRAITE 12:29

I Pathian uh hi mi kângtum thei meikuang ahi ngal a.

JOSHUA 24:19

Himaleh, Joshua’n mipite kiang in, “Lalpa na chu sêm thei pua’n lau, ama chu Pathian thiangtho ahi ngâl a. Ama chu Pathian thikthusia ahi’n, la bawsiatnau leh la gitlonateu chu ngaidam pua’n a.

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.

THUPUAN 20:15

Kuale Hinna Lekhabu a min kizik lo tapo chu meidil in a pai tau hi.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.