PAWTDAWNA THU 34:6 - PATHIAN LEKHABU THIANGTHO (BSI)

⁶ Chun, Lalpa’n a hun makhel ah: “Lalpa chu! Lalpa chu! Pathian, lainatna dim, mi khawtua thei tak, lung nêm tak chu; Ngilneina leh ginumna dim chu:

PAWTDAWNA THU 34:6 ပူးပေါင်းရင်းမြစ်များ

THILSIAM THU 24:27

“Ka pu chung ah hepina leh dikna haisan diak lo Lalpa, ka pu Abraham Pathian chu pâk in um ta hen. Kei hile Lalpa chun ka pu suapite In lam in ei pui ahi hilam,” a ti tai.

2 SAMUEL 24:14

Ziaphatchun, David in Gad kiang in, “Ka lung a buai ma ma tai; Lalpa khut in pûk lut zaw mai ing ka; ama chu hepina hau ahi ngâl ah; mihing khut in vang ka pûk lut nuam puai,” ti’n a dawnhu tai.

1 LENGTE 19:11

A kiang in, “Pawtdok inla, tâng chung ah sawn Lalpa âng ah vading in, Lalpa‘n hun hawtheng ding ahi,” a tia. Zia chun hui hât tak in a hung hang a, Lalpa âng ah chun tângte chu a mût kêk ah, suangpite chule a mût phel tai; himaleh, hui ah chun Lalpa a um puai; chun, hui hân zaw ah chun lîn a hung lîng ah; himaleh, linlîng ah chunle Lalpa a um puai;

1 LENGTE 8:30

La suak hi tawh la mi Israelte’n zia mun lam nga a pauchap tak ua leh a dotnau chu van ah la chênna kipat in ngaitha sek inla, ngaidam in.

2 KHANGTHU 30:9

Lalpa lam ah la hung kihei kit ua ahi chun, la suapiteu leh la chateu chun sal ah mante lainatna hung chang intiu in, zia gam ah hin hun pui tung kit ding ahi. Lalpa la Pathian uh hi lainatna dim leh, ja’ngai tak ahi ngal ah; ama lam la ngat kit ua leh ama’nle nang uh lam hun nga kit ding ahi ngalah,” ti’n a thot tau hi.

NEHEMIAH 9:17

la thu nial in, a lak ua la thilbawl mak tak takte khale a la ngaisak puau hi; ahi’n, kihi’ lu’lul in, Aigupta gam ah a suak channau lam ma’n kile’kit a tup tau a. Himaleh, nang chu Pathian ngaidam pei, mi hepi thei, lainatna dim, jaidaw leh chitna hau la hiziak in, amau haw chu la thâthawt puai.

SAM 108:4

La ngilneina vante sâng in a sangzaw hen, la ginumna’n van sûmpite a khûp hi.

SAM 111:4

A thilbawl danglamte ziakin minthanna a law in; Lalpa chu hepina leh lainatna dim ahi.

SAM 111:8

Ziate chu kumtuang â dingin phudet ahi’n; ginumna leh dikna ah bawl ding ngen ahi.

SAM 112:4

Mi dikte â ding ah vâk hi dingin, thim lak ah kipat in a hung suakdok a; amau chu mi lungsiat thiam, jainem leh dik a hiu.

SAM 116:5

Lalpa chu mi hepi thei tak leh dik tak ahi; I Pathian uh hi mi lainat thei tak ahi.

SAM 138:2

la tempul thiangtho lam nga’n, chibai hun bûk ing ka tin; la ngilneina leh la thutak ziakin, la min pâk ing ka; nang in la min leh la thu chu, thil zosia chung in la chawisâng ta’ngal a.

SAM 145:8

Lalpa chu mi lungsiat thiam, lainatna dim leh lungnem, ngilneina buting nei ahi.

SAM 146:6

ama lei leh van, tuipi leh, a sung ah um zosiate siampa chu, kumtuang in a ginum in,

SAM 31:19

Aw nangma kichate â ding ah la phatna khol khawm, mi zosia mit mu ah nangma ah, ginna ngate â ding ah la bawl piak ding chu, a thupi na lawm lawm e!

SAM 57:10

La ngilneina chu vante gual ah sâng ahi’n, la ginumna chunle vândumte a khûp hi.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

SAM 91:4

a tha chun hun khû intin, a thalîm nuai ah chun bit tak in um in la tin; a ginumna chu phawlian leh phawneu ahi ngal a.

PAWTDAWNA THU 20:5

Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

PAWTDAWNA THU 22:27

A kithuamna neisun himaithei ahiziak in bang sil in lum ding a hem? La Invêngpa chun kei ei hun ko hen la hileh a la ngaithâk piak ding ka hi: mi lainat thiam tak ka hingal a.

PAWTDAWNA THU 33:19

Chuleh ama chun, “Ka phatna zosia chu la ma-âng ah hun latsak ing ka tin, Lalpa min chu la ma-âng ah puangjak jel ing ka; tichun, ka lungsiat dingte chu lungsiat ing ka tin, ka khawtua dingte chu khawtua ding ka hi.

THUPILTE 3:3

Thutakna leh ginumna chun hun nusia kiu hen la, ziate chu la ngawng ah khivui gual in awk inla, la lunggil suangpêk ah zik lut in.

THUGENTU 8:11

Thil phalo bawlte thiamlo chansakna, thutanna bawl pai ziang a hilo na ziakin, mihingte lunggil ah chun thil phalo bawl guatna a nei ta sek ui.

ISAI 12:4

chuleh, zia ni phat chuleh, zia gual hin hun gen ta’n lau: Lalpa kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

ISAI 65:16

Chutichun, zia leisiat ah maljawlna dawi taphot chun, dikna Pathian min in don hen la; chuleh, zia leisiat ah kihaksial taphot chun, dikna Pathian min in kihaksial ta hen; buaina masate kha hetmil a hita’n, ka mit ah mulo ding ah sêlmang ahi tai.

JEREMIAH 32:18

Khang sâng tam tak chung ah ja’ngaina la pia’n; himaleh, a pu leh pateu bawlkhialna a tu leh chateu pheichung ah phuba lasek chu nang la hi’n; aw Pathian lopi leh hat, la min chu sepai honte Lalpa ahi;

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

KÂ LATE 3:23

jingkal si’n in a thak zing in; la ginumna chu a nasa na e!

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

MIKAH 7:20

Nidang lai ah kipat ka pu leh pateu kiang ah, la kitiam tâk gual in, Jakob kiang ah la ginumna latsak ah, Abraham kiangah la thutakna, danglam lo dungzui ah chun guitunsak ta’n.

NAHUM 1:3

Lalpa chu lungdia thei tak himaleh, thilhi thei tak chu ahi’n; Lalpa‘n migilote chu thiam chansak him him pua’n a. Chîmpei leh huipite chu ama lampi ahi’n, sûmpite hi a keng ah leivui chu a hiu.

KISIMNA LEKHABU 12:8

Thugûk le hilo ah kichian tak in, ama tawh kimaitua in ka kiho un, ama’n Lalpa mêl chu a mu ta ahi. Bang ding ah ka suak Mosi gensiat chu lau lo la hiu em?” a tia.

JOHAN 1:17

Mosi mang in Dan thupiak ahi’n; himaleh, hepina leh thutak chu Jesu Khrista ah chun a hung um tai.

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

DAN LEKHABU 32:3

Lalpa min chu puang ding ka hiziak in; lopina chu I Pathian uh pia un!

DAN LEKHABU 4:31

Lalpa la Pathian uh chu ja’ngai thei tak Pathian ahi ziakin, hun nusia pua’n tin, hun hi’mangthai diak pua’n ah; la pu leh pateu kiang ah a thuthung tiamsa kha hemil ngailo ding ahi, a tia.

DAN LEKHABU 5:10

ei hepi a, ka thupiak zawm taphot, a suan sangkhatna tiang ah le ja’ngaina hi’lang sek chu ka hi ngâl a.

JAKOB 5:11

Ahi, a thuak-hatte chu hampha I ti sek ui. Job thok-hat dan kha la hiau ah, Lalpa thil guanggal dan kha le la muu hi; Lalpa chu hepina leh jangaina dim ahi dan le la he tau hi.