PAWTDAWNA THU 34:5 - PATHIAN LEKHABU THIANGTHO (BSI)

⁵ Lalpa chu sûmpi’n a hung suk ah, a kiang in a hung ding ah; tichun, “Jehovah kiti” min chu a puangjak tai.

PAWTDAWNA THU 34:5 ပူးပေါင်းရင်းမြစ်များ

SAM 102:21

Zion ah Lalpa min puanjak ahi a, Jerusalem ah a min a pâk theina ding uh leh,

PAWTDAWNA THU 19:18

Lalpa chu meikuang ah a hung kum ziakin Sinai tâng chu a pum in meikhu’n a tuam a: Hâltuina meikhu gual in meikhu chu a kitung to ziang a: Chuleh, a tâng pumpi chu nasa tak in a kithing tai.

PAWTDAWNA THU 19:9

Ziaphatchun, Lalpa chun Mosi kiang in, “Sûmpi sâ tak in la kiang ah hung ding ka hi; tichun, mipite’n la kiang ah ka thugen hi a het ua, nangma chu a hun taksan zawk sêm theina ding un,” a tia. Tichun, Mosi’n mipite thugen chu Lalpa kiang in a tut kit a.

PAWTDAWNA THU 23:21

Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

PAWTDAWNA THU 33:19

Chuleh ama chun, “Ka phatna zosia chu la ma-âng ah hun latsak ing ka tin, Lalpa min chu la ma-âng ah puangjak jel ing ka; tichun, ka lungsiat dingte chu lungsiat ing ka tin, ka khawtua dingte chu khawtua ding ka hi.

PAWTDAWNA THU 33:9

Mosi chu biakbûk sung a lut phat leh sûmpi ding chu hung kum suk in, biakbûk kotkhak bul ah chun a hung ding sek ah; tichun, Lalpa chun Mosi chu a hun ho sek a.

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

ISAI 1:10

Nanghaw Sodom khua vaihawmte haw, Lalpa kamsuak hi a la ngai tiam un! Gomorrah khua mipite haw, ka Pathian hilna thu hi a la ngai tiam un!

KISIMNA LEKHABU 11:17

Hung suk ing ka tin, zia tak ah chun nangma hun ho ding ka hi; chuleh, nangma ah thagau um chu la khen ing ka tin, amau chung ah le koi ing ka; tichun, amau in mipite puakgik hun puakpi intiu in, nangma ngen in puakgik paw ta pua’n la.

KISIMNA LEKHABU 11:25

Tichun, Lalpa chu sûm lak in a hung suk ah, a kiang in thu a hun gen ta’n; chuleh, a chung ah thagau khen khat chu a ladok ah, upa sawm sagite chung in a koi ta’n; chuleh, a chung ua thagau a um phatin thu a genlawk tau ah; ahi’n la, zia gual chun a gen kit ta puau hi.

KISIMNA LEKHABU 12:5

Chuleh, Lalpa chu sûmpi khuam gual ah dingin a hung suk ah, biakbûk kotkhak ah chun a hung ding ah, Aron tawh Miriam a hun ko ah; amau teni chunle a nai phei ua.

KISIMNA LEKHABU 14:17

Ziaziakchun, tu’hin Lalpa, la thilhitheina chu ka kiang ua la tiamsa dungzui in lian hen la, nang in:

DAN LEKHABU 32:3

Lalpa min chu puang ding ka hiziak in; lopina chu I Pathian uh pia un!

1 SAMUEL 3:18

Tichun, Samuel inle bangma îmlo in a leng in a gendok tai. Ziaphatchun, Eli in, “Lalpa ahi chu lam, pha a sak dan dan in bawl mai ta hen,” a ti tai.