PAWTDAWNA THU 34:4 - PATHIAN LEKHABU THIANGTHO (BSI)

⁴ Tichun, Mosi’n a masate gual gual ah khan suangpêk pani chu a bawl ta’n; jingkal matak ah tho in, Lalpa’n thu a piak gual in a khut ah suangpêk pani chu chawi in, Sinai tâng ah chun a kal to tai.

PAWTDAWNA THU 34:4 ပူးပေါင်းရင်းမြစ်များ

PAWTDAWNA THU 19:20

Sinai tâng chung ah Lalpa a hung suk ah, tângvûm a hung tun in, tâng chung lam ah chia to dingin Lalpa chun Mosi a hun kodok ah; tichun, Mosi chu a kal to tai.

PAWTDAWNA THU 19:3

Ziaphatchun, Mosi chu Pathian kiang in a chia to ah; Lalpa’n ama chu tâng ah kipat chun a hun ko in, a kiang in, “Jakob Inkuante kiang in zia gual hin gen inla, Israelte chu hil in:

PAWTDAWNA THU 32:16

Suangpêkte chu Pathian khutsuak ahi’n, lekha kizik chule Pathian in a sut a hia, suangpêk kikhuak ah kisun ahi.

PAWTDAWNA THU 34:1

Lalpa chun Mosi kiang in, “Suangpêk pani, a masate gual ah khan kisiam inla, zia suangpêkte chung ah chun suangpêk masa, la se’kêkte chung ah kizik thute kha hun sun ing ka.

DAN LEKHABU 10:1

Zia hun ah chun Lalpa‘n ka kiang in, “A masate gual ah khan suangpêk pani sêk kit inla, tâng ah khin ka kiang ah hung to kit in; chuleh, thingkuang khatle siam in.

DAN LEKHABU 10:3

Tichun, thinggi thing in thuthung thingkuang khat ka siam ah, a masa gual gual khan suangpêk pani ka siam kit ah; zia suangpêk te ni chu ka khut ah chawi in, tâng ah chun ka kal to tai.