PAWTDAWNA THU 33:1 - PATHIAN LEKHABU THIANGTHO (BSI)

¹ Lalpa chun Mosi a ho ah a kiang in, “Chiau inla, Abraham, Isak leh Jakob te kiang ah, ‘La suante kiang ah hun pia ding ka hi,’ ti ah ka la kitiamna gam chu zuan in nangma tawh Aigupta gam ah kipat la hun puidawte hi zia mun ah kipat hin chiadok tau in;

PAWTDAWNA THU 33:1 ပူးပေါင်းရင်းမြစ်များ

THILSIAM THU 12:7

Chun, Abram kiang in Lalpa a hung kilâk ah, a kiang in, “Zia gam hi la suante kiang in pia ding ka hi,” a tia. Tichun, zia mun ah chun, a kiang ah kilâk Lalpa â dingin mâichâm a siam tai.

THILSIAM THU 15:18

Zia ni ngei ah chun Lalpa’n Abram kiang in thutiam a bawl ta’n: “Zia gam hi Aigupta luipi ah kipat Euphrates luipi tiang in,

THILSIAM THU 26:1

Tu’hin, zia gam ah chun, Abraham dam lai ah kial tung tilo kha a tung kit a. Isak chu Philistinte lengpa Abimelekh kiang ah Gerar khua chun a vachia a;

THILSIAM THU 26:3

Zia gam ah hin um tadi inla, la kiang in um ing ka tin, hun maljawl ing ka tin; zia gam zosia hi nangma leh la suante kiang ah hun pia’n, la pa Abraham kiang ah ka tiam kha hi’det ding ka hi:

THILSIAM THU 28:10

Chun, Jakob chu Beer-sheba ah kipat in a pawtdok ah, Haran lam a zuan ta’n.

THILSIAM THU 50:24

Joseph in a suapite kiang in, “Thi ding ka hi tai; himaleh, Pathian in hung kantha ngei ngei intin, Abraham, Isak leh Jakob kiang ah kihaksial ah piak ding ah a tiamna gam ah um ding in, zia gam ah kipat hin hung puidok ding ahi,” a ti’n.

PAWTDAWNA THU 17:3

Himaleh, mipite chu tuidu in a dangchâk ta ma mau a; tichun, mipite chu Mosi chung in a phunchiak tau a, a kiang in, “Bang ding ah kei uh leh ka chateu leh ka ganchateu dangchâk ah thi’sak ding ah Aigupta ah kipat lei puidaw a hem?” a tiu a.

PAWTDAWNA THU 32:1

Mipite chun Mosi tâng ah kipat a hung suk kit hak talua tai, a tiu ah tichun, Aron kiang in a chia khawm ua a kiang in, “Kipan in, ka mau ei pui dingin pathian ei siam piak mai in; zia Mosi, Aigupta gam ah kipat ei puidokpa hi la bangti a hem ka he’phak ta puau in,” a hung tiu a.

PAWTDAWNA THU 32:13

Abraham, Isak leh Israel la suakte kiang ah nangma ngei in kihaksial hial ah a kiang ua, ‘La suanteu chu van ah aksi jat in hun hipung ing ka tin; chuleh, zia gam, nang uh â ding ah ka pautiamna gam hi la suante kiang ah pia’ng ka tin; amau in zia gam hi kumtuang in lua ding a hiu,’ la ti haw kha gêldok kit in,” a tia.

PAWTDAWNA THU 32:34

Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

PAWTDAWNA THU 32:7

Chun, Lalpa chun Mosi kiang in, “Chia suk in! Aigupta gam ah kipat la hun puidawte saw a kisubuak zo tau hi;

THIAMPUTE LEKHABU 20:24

“A gam uh bawngnawi leh khuaizu luanna gam ngei chu, keima’n la gochan ding ua la lua ding un hun pia ding ka hi,” ti ah ka la gen tâk gual ah khan. Midangte lak ah kipat hun khendanpa Lalpa la Pathian uh chu ka hi.

KISIMNA LEKHABU 11:12

Mipi zia jat jat hi ka chate ngen a hiu ah a hem? Amau chu ka hin ah la bawl ah, bangatia ka kiang ah, ‘Naudon mite’n a âng ua nau a pâi gual un, amau hi la âng sung ah pâi inla, a pu leh pateu kiang ah ka la tiamna gam ah pui lût in,’ lei ti a hem?

NASEPTE 7:36

Ama chun Aigupta gam ah kipat, Tuipi San ah te leh kum sawmli gamthip ah a châm sung ua chun, thilmakte leh tepte’nate etsak pek in, a puidok a.

DAN LEKHABU 1:8

En un, la mau in gam chu ka hun koi piak ta la hiu; tichun, chiau inla, la pu leh pateu Abraham, Isak leh Jakob kiang leh amau nung ah a suan leh pâkteu in a lua ding ua piak ka la tiamna gam chu valua tau in,” a tia.