PAWTDAWNA THU 32:5 - PATHIAN LEKHABU THIANGTHO (BSI)

⁵ Aron in zia chu a mu in a âng ah chun mâichâm khat a siam ah; chuleh, Aron in thu a than ta’n: “Jing hileh Lalpa â ding ah kût hiding ahi,” a tia.

PAWTDAWNA THU 32:5 ပူးပေါင်းရင်းမြစ်များ

1 LENGTE 21:9

Lekhathot ah chun, “Anngawl thu puang unla, Naboth chu a kikhawmte lak ah hotu’n chutsak un;

2 LENGTE 10:20

Jehu chun, “Baal â ding ah kikhopna poimaw tak hi hun suthiangtho tau in,” ti’n thu a pia, zia thu chu a puangjak tau a.

2 LENGTE 16:11

Tichun, thiampu Uriah chunle, zia mâichâm, Lengpa Ahaz in Damaska ah kipat a thot gual gual ah chun a la bawldok ah, Damaska ah kipat Lengpa Ahaz a hung tun kit masang ah chun a la bawl zo tai.

2 KHANGTHU 30:5

A dan dungzui ah mipi tam tak in a matthei nai lo ziak un, Israel gam pumpi Dan ah kipat Beer-sheba tiang ah, mipi a tamthei pen ah Jerusalem khua Israelte Pathian, Lalpa kiang ah Chiakân Kût mang ding ah ko khawm ding chu lem a sa chiat tau a.

PAWTDAWNA THU 10:9

Mosi’n a dawnhu ah, “Ka chasenteu leh ka têkseteu tawh, ka chapateu leh ka chanuteu tawh, ka belamteu leh ka kêl honteu tawh, ka bawng honteu le chia sik sek ding ka hiu; Lalpa kiang ah luaithe’na siam ding ka hiziak un,” a tia.

PAWTDAWNA THU 12:14

Zia ni hi nang uh â ding ah het zing ding hita’n a. La suanteu tiang ah Lalpa â ding ah Kût a la mat zing ding ua dan ah siam in, kumtuang ah Kût ah la mat diu ahi.

PAWTDAWNA THU 17:15

Tichun Mosi’n mâichâm pakhat a siam ah, a min dingin Jehovah Nissi ti a sak tai.

PAWTDAWNA THU 32:4

Ama’n ziate chu a la’, zia chu bawngno lim in a sung ah; tichun, “Aw Israel, ziate hi Aigupta gam ah kipat hun puidok pathiante chu a hiu,” a tiu a.

PAWTDAWNA THU 32:6

Tichun, a jing ah chun ma tak in a tho ua, hâlmang kithoina a lân ua, kichamna thilpiak le a hun lau ah; mipite chu ne leh dawn dingin a chukhawm ua, tawtbawl dingin a ding tau a.

HOSEA 8:11

Ephraim in gitlo thoina ding ah mâichâm a sukpun po leh, gitlona ding mâichâm bep a hung hitau hi.

HOSEA 8:14

Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

THIAMPUTE LEKHABU 23:2

Israelte kiang ah zia gual hin gen in: Ziate hi Lalpa â ding ah Kût, khawmpi thiangtho ah la puan ding, ka kût bîkte chu ahi, a ti’n:

THIAMPUTE LEKHABU 23:21

Zia ni chu khawmpi thiangtho ahi ti ah puang in mang unla, na la sep lo ding uh ahi. Zia hi la chênnau zosia ah la khang zosiau â ding ah dan thu guat chu ahi.

THIAMPUTE LEKHABU 23:37

Lalpa chun Kût bituk ah nei ah a guatte hi la bawlna ding un khawmpi thiangtho bawl ding ah puang in, Lalpa kiang ah hâlmang kithoinate, an ah kithoinate, kithoina him him leh dawn thei chi ah kithoinate a ni guat dungzui chiat ah la bawl ding uh ahi.

THIAMPUTE LEKHABU 23:4

A hunbî chiat ah la ze’chan ding uh, khawmpi thiangtho, Lalpa Kûtte chu ziate hi a hiu:

1 KORINTH 5:8

Ziaziakchun, thawi lui pang talo in, nunsiatna leh phatlona thawi le pang diak lo in, thutak leh ginumna vaithum, thawipanglo ah chun kût bawl zaw tai tiu.

1 SAMUEL 14:35

Chuleh, Saul in Lalpa â dingin mâichâm pakhat a siam ah, zia chu Lalpa â ding ah a mâichâm bawl masakna penle ahi.