PAWTDAWNA THU 32:34 - PATHIAN LEKHABU THIANGTHO (BSI)

³⁴ Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

PAWTDAWNA THU 32:34 ပူးပေါင်းရင်းမြစ်များ

SAM 99:8

Aw Lalpa ka Pathian uh, nang in amau la dawnhu ta’n; amau ngaidam zing Pathian chu la hi; ahi’n la, a bawlkhelnateu ah phuba la pa chu la hi.

PAWTDAWNA THU 15:17

Aw Lalpa, la chênna ding ah la siamna mun, Aw Lalpa, la mun thiangtho, nangma khut in la sukdetna mun ngei ah chun; nang in amau chu la hun pui lût a, la tâng ngei ah chun la phut tai.

PAWTDAWNA THU 20:5

Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

PAWTDAWNA THU 23:20

Ngai in, la ma-âng ah vansawlchâk pakhat, la lampi nangma hun vêng ding leh nang â ding ah ka tiamna gam ah hun pui lût dingin ka hun sawl hi.

PAWTDAWNA THU 3:17

Aigupta gam ah la thokgimnau ah kipat hun pui dok ing ka tin, Kanaan mite, Hit mite, Amor mite, Periz mite, Hiv mite leh Jebus mite a la chênnau, khuaizu leh bawngnawi luanna gam ah hin hun pui lût ding ka hi, ti ka tiam la hiu, a tii,’ ti’n la.

PAWTDAWNA THU 33:12

Ziaphatchun, Mosi chun Lalpa kiang in, “Ngaitia, nang in ka kiang in: Zia mite hi vapui to in lei tingal ah; himaleh, ka kithuapi ding ah kua hun sawl ding la hem ti lei hetsak pua hen. Nang in la, ‘La min ka hun hechian hen, ka mittung ah um la hi ti le ka henai,’ la ti ngal in.

PAWTDAWNA THU 33:2

la ma-âng in vansawlchâk khat hun sawl ing ka tin, Kanaan mite, Amor mite, Hit mite, Periz mite, Hiv mite leh Jebus mite chu hun del daw sak ding ka hi.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

JEREMIAH 14:10

Zia mite chungchâng ah hin Lalpa‘n zia gual hin a gen hi: Vâkmang a nuam tun tun un, a kengteu chu a thunun zo puau hi; ziaziakchun, Lalpa‘n a pom ta pua’n, tu’hin a nunsiatnau hezing in, a gitlonateu ziak ah chun, hun gawt ta’n a.

JEREMIAH 23:2

Ziaziakchun, Israelte Pathian, Lalpa chun, ka mipite chung ah hotute chungchâng zia gual hin a gen hi: Ka ganchate naw jak ah, naw mang ah, ngaisaklote chu nanghaw la hiu. Tichun, la thil bawl uh phalo tak chu hun ensui ding ka hi, Lalpa‘n a tii.

JEREMIAH 5:29

Zia thilte ziak ah hin, gawt lo ding ka hem? Zia gual thilbawl namte chu, thuk lo ah koi mai ding ka hi em? Lalpa‘n a ti ahi.

JEREMIAH 5:9

Zia thilte ziak ah chun gawt lo ding ka hem? Zia tawhbang ah um namte chu, thuk lo ah umsak mai ding ka hem? Lalpa‘n a ti ahi.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

AMOS 3:14

A bawsiatnateu ziak ah Israel ka gawt phat leh, Bethel mâichâmte gawt khawm ing ka tin; chun, mâichâm kîte sâtbot in um in, tual ah kia’n au.

AMOS 3:2

Khawvel ah Inkuan zosia lak ah, nang uh bep hi ka het la hiu in, ziaziakchun, la dukdaklo’nau zosia ziakin hun gawt ding ka hi.

KISIMNA LEKHABU 20:16

Lalpa kiang ah kap pum ah ka kiko phat un, ka aw git uh a hia’n, a vansawlchâk hun sawl in Aigupta gam ah kipat in ei hung puidok ah; tu’hin la gamgi bul, Kadesh mun ah khua pakhat ka hung tung tau hi.

MATTHAI 23:35

tichun, midik Abel thisan ah kipat Barakia chapa Zekhariah, mâichâm leh mun thiangtho kikâl ah la thau thisan la sua zosiau kha, nangmau chung ah hung chu ding ahi.

DAN LEKHABU 32:35

A kalsuan uh a tawnâl phat uh leh, phuba lâkna leh dit kitna chu kei â ahi; a buaina ni ding uh a nai ta’n, a chung ua siatna kin tak in tung ding ahi.