PAWTDAWNA THU 32:27 - PATHIAN LEKHABU THIANGTHO (BSI)

²⁷ Ama chun a kiang un, “Zia gual hin Lalpa, Israel Pathian in a gen hi: Mi tin in la chemjam uh kikua chiat un! Chia unla, giabûk lutna kot langkhat lam ah kipat ah langkhat lam tiang in chiau inla, mi tin in la suapiu, la gualpau, leh la Invêngteu chu that un, a tii,” a tia.

PAWTDAWNA THU 32:27 ပူးပေါင်းရင်းမြစ်များ

2 LENGTE 10:25

Hâlmang thillat a piak zaw phat ah chun, Jehu in a vengtute kiang leh hotute kiang in, “Hung lut un la hung that un; kuamacha suachâk sak kiu in,” a tia. Tichun, chemjam in a sat lum tau a. A vengtute leh hotute chun a sepdok zel ua, ziazaw chun, Baal tempul ah Insawng ah chun a lut tau hi.

PAWTDAWNA THU 32:26

Mosi chu giabûk lutna kotbul ah chun a ding ah, “Kua kua a hem Lalpa lam ah pang ding? Ka kiang lam ah hung un,” a hun tia. Ziaphat chun, Levi chate zosia chu a kiang lam ah chun a hung khawm tau a.

PAWTDAWNA THU 32:28

Mosi gen gual ah chun Levi chate chun a bawl tau ah; zia ni chun mipi sang thum vêl chu tha in a um tau hi.

PAWTDAWNA THU 32:29

Mosi’n a kiang un, “Tu’ni hin nangmau leh nangmau Lalpa nasêm dingin la kinamdet tau hi; mi tin in amau chapate, amau suapite a la do ta’ngal un; tichun, tu’ni hin hun maljawl ta’n a,” a tia.

EZEKIEL 9:5

Ka het in mi dangte kiang ah chun, “Ama nung in khawpi sung paltheng unla, mite chu that malam pek un; kimulosak kiu inla, daidawp diak kiu in.

KISIMNA LEKHABU 25:5

Ziaphatchun, Israel vaihawmte kiang ah Mosi’n: “La mipiteu lak ah kua hitaleh, Peor ah Baal hona pang kha zosia chu that sik sek un,” a ti tai.

LUKA 14:26

Kuale, a pate, a nute, a jite, a chate, a suapite, a suapinute leh ama hinna natiangle haw diak lo chu ka nungzui hithei pua’n au.

2 KORINTH 5:16

Chutichun, tu’kipat hin taksa lam in kuama ka he ta puau hi; Khrista chu taksa lam in a la he ta leng unle, tun vang ka he ta puau hi.

DAN LEKHABU 13:10

Aigupta gam ah suak hi’na In ah kipat hun puidokpa, Lalpa la Pathian ua kipat nanghaw hun pui mang gua taphot chu suang in seplum ziang un.

DAN LEKHABU 13:6

Kua a hem khat, la suapipa ma ma, la pa chapa a hem, la nu chapa a hem khat leh, la chapa a hem, la chanu a hem leh la ângkawi lai la ji hihen la, la gual ngai pen hiziang leh le, nang la hem, la pu la pate het ngai lo pathian dang ho dingin gûkthim ah hun jawl a um chun,