PAWTDAWNA THU 32:19 - PATHIAN LEKHABU THIANGTHO (BSI)

¹⁹ Giabuk kiang nai a hung tun phat un, bawngno lim leh a lâmpite chu a mu ta’n, Mosi lungnatna chu a hung puangjak phut mai ah; tichun, a khut ah suangpêkte chun a sep ta’n; tângbul ah chun a sep kek tai.

PAWTDAWNA THU 32:19 ပူးပေါင်းရင်းမြစ်များ

2 SAMUEL 6:14

David chu Lalpa ma-âng ah chun a theitawp in a lâm ta’n; David chu thiampu puanâk ah kithuam ahi.

SAM 119:53

La dan thu limsak lo, migilote ziakin lungnatna huaisia tak ka nei hi.

PAWTDAWNA THU 15:20

Ziaphatchun, jawlneinu Miriam, Aron suapinu chun khuangneu a la’, numei zosia chun khuangneu chawi chiat ah lâm kawm in a hun zui ua:

PAWTDAWNA THU 32:11

Himaleh, Mosi chun Lalpa a Pathian chu a awimaw ta’n: “Lalpa, bang ding ah la mipite Aigupta gam ah kipat thilhitheina nasa tak tawh la khut thahât tak ah la hun puidawte chung ah la lungnatna kuangjak ding a hem?

PAWTDAWNA THU 32:18

Himaleh, ama chun, “Gâl zo te kiko thawm gi a hipua’n, gâl lâkte kiko thawmgi le ahi diak puai; ka het hi Lasate thawm gi ahi e!” a tia.

PAWTDAWNA THU 34:1

Lalpa chun Mosi kiang in, “Suangpêk pani, a masate gual ah khan kisiam inla, zia suangpêkte chung ah chun suangpêk masa, la se’kêkte chung ah kizik thute kha hun sun ing ka.

JEREMIAH 31:32

A pu leh pateu Aigupta gam ah kipat puidok ding ah, a khut ua ka kaibât lai khan, a pawsal uh himaleng le, ka thutiam a bawsiat gual uh kha hi talo ding ahi, Lalpa‘n a tii.

KÂ LATE 5:15

Ka lungthim ua kipakna a bei zo ta’n, ka lanau lusûnna’n a chang tai.

ZEKARIAH 11:14

Ziaphatchun, ka tiang pakhat, Kipumkhatna kiti chule ka thiakbong ah, Judah leh Israel ki-unauna dan chu ka tham tai.

KISIMNA LEKHABU 12:3

Mosi chu, lei chung ah mi zosia lak ah thunuaigol leh nunnem pen ahi.

MATTHAI 5:22

Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

MARKA 10:14

Ahi’n, Jesu’n zia chu a mu in a lungdam paw ma ma ah; a nungzuite kiang in, “Naupangte kha ka kiang ah hungsak un la, zada kiu in; Pathian gam chu zia gual mite â ding chu ahi ngal a.

MARKA 3:5

Ziaphat chun lungna tak kawm in amau chu a en vêl ah, a lung tâk ziak un a lungna ma ma a; zia pa kiang ah chun, “La khut hun zâk in,” a tia; ama chunle a hun zâkdok phut ah, a khut chu a dam ngal tai.

1 KORINTH 10:7

A lak ua khenkhat gual ah khan, milim ho hi kiu in: “Mipi chu ne ding leh dawn dingin a kichuu in; chun, kihel dingin a dingdok tau a,” ti zik gual ah khan.

EPHESA 4:26

Lungnau inla, ahi’n, gilo kiu in; la lungnatnau chu nisa’n tumpi ki’hen.

DAN LEKHABU 10:2

Tu’ma lam ah la sesiatsa suangpêkte chung ah thute kha hun zik piak kit ing ka tin, ziate chu thingkuang ah chun koi in,” a hun tia.

DAN LEKHABU 27:26

Zia dan thute zui lo mihing taphot chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.