PAWTDAWNA THU 32:14 - PATHIAN LEKHABU THIANGTHO (BSI)

¹⁴ Chutichun, Lalpa’n a mipite chung ah thil phalo bawl ding a ngai tuana’ kipat chun a lung a hei tai.

PAWTDAWNA THU 32:14 ပူးပေါင်းရင်းမြစ်များ

THILSIAM THU 6:6

Lei chung ah mihing a la siam tâk ziakin, Lalpa chu a kisik in, a lungthim a na ma ma ziang tai.

2 SAMUEL 24:16

Himaleh, Jerusalem khua gawt ding ah vansawlchâk chun a khut a hun lap phatin, Lalpa chun mipite lak ah thil phalo bawl ding chu a hun thotâng ta’n, “Hun ta hen; la khut kha lâm ta kin,” a hun tia. Lalpa vansawlchâk chu Jebus mi Araunah phual kiang ah a um lai tak ahi’n.

1 KHANGTHU 21:15

Chuleh, Pathian in Jerusalem khua susia dingin vansawlchâk le a sawl ah; himaleh, a suksiat ding kuan in, Lalpa‘n a chung ua siatna tung ding chu ngai ngam lo in a khut a juk kit ah, a susia ding vansawlchâk kiang ah chun, “Hun ta hen! Hai ta’n,” a ti tai. Lalpa vansawlchâk chu Jebus mi Ornan buphual ah a din lai tak ahi.

SAM 106:23

A mi têlchuam Mosi, a thasâng un a la ding lo vang leh, a lungnat ziakin a leng un, a la hi’mangthai mai dingin, a la gen a.

SAM 106:45

Amau ziakin a thuthung a hezing a, a ngilneina nasat dungzui in, a chung un a ja’ngaina a tâklang tai.

PAWTDAWNA THU 33:13

Tu’hin, la mittungna ka hi chun, nangma ka hun hetchian theina ding leh la mittung ah ka um zing theina dingin, tu’ ma ma hin la lampite hi lungsiat tak in ei hetsak ta’n la; chuleh, zia mipite hile nangma mi ngei a hiu ti ngaitua ta’n la,” a tia.

JEREMIAH 18:8

zia namte chun a thil phalo bawl uh a haisan uh chun, a chung ua siatna tung ding ah ka la gendawsa chu juk kit ziang ding ka hi.

JEREMIAH 26:13

Ziaziakchun, tu’hin la umdan leh bawl dan zosiau kisiam phau in la, Lalpa la Pathian un a thugente hi mang un; chutileh, la chung ua siatna hung tung ding a la gendawsa zosia hi lamang dingin a lungthim hei danglam kit ziang ding ahi.

JEREMIAH 26:19

Judai gam ah Lengpa Hezekiah tawh, Judai gam ah mipite chun a la that ziang sam awm? Lalpa chu lau in, Lalpa doisakna a dot ziak un a chung ua siatna tung ding ah a la gendawsa kha, Lalpa‘n a lungthim theng kit mai hilo a hem? Tu’hin, ei haw vang, I chung ua siatna huaisia tak tunsak ding I hitau hilam! a hun tiu a.

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

AMOS 7:3

Zia thu ah hin Lalpa‘n a lung a hei ta’n, “Zia gual chu hita pua’n a,” Lalpa chun a ti tai.

AMOS 7:6

Zia thu ah hin Lalpa‘n a lung a hun hei ta’n, “Zia hile hita pua’ng ka,” Lalpa Pathian in a hun ti tai.

JONAH 3:10

Pathian in a thil bawlteu, a lampiu phalote a kiheisan dan uh a mu phât in, a chung ua thil phalo tung ding a gensate chu bawl talo dingin a lungthim a theng tai.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

KISIMNA LEKHABU 14:20

Ziaphatchun, Lalpa‘n, la dot gual ngei in ka ngaidam tai;

DAN LEKHABU 10:10

A masa ka bawl gual khan, tâng ah chun ni sawmli leh jan sawmli ka vachâm ah; Lalpa‘n ka thu ei ngaithâk piak nalai ah, Lalpa‘n nanghaw chu a hun hi’mangthai nuam pua’n.

DAN LEKHABU 32:26

Kil tin ah del mang in, mihing lak ah amau hetna, hibei dingin ka ngaitua ta’n;

DAN LEKHABU 32:36

A mite hatna a bei tai ti leh, khumbil ah um leh, zalen um chuam talo a hiu ti, a mu phat leh, Lalpa‘n a mite dikna’n vaihawm intin, a suakte chu lainat kit ta’n a.

VAIHAWMTE 2:18

A lak ua vaihawm ding Lalpa‘n a tundok phat si’n leh, Lalpa‘n zia vaihawm dingte chu a umpi zing ah; tichun, zia vaihawmte dam sung sia chu a mêlmateu khut ah kipat in a hukdok sek hi; amau tawden ah sugentheite nuai ah a thûmnau Lalpa‘n a khawksak sek ziakin.

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.