PAWTDAWNA THU 32:13 - PATHIAN LEKHABU THIANGTHO (BSI)

¹³ Abraham, Isak leh Israel la suakte kiang ah nangma ngei in kihaksial hial ah a kiang ua, ‘La suanteu chu van ah aksi jat in hun hipung ing ka tin; chuleh, zia gam, nang uh â ding ah ka pautiamna gam hi la suante kiang ah pia’ng ka tin; amau in zia gam hi kumtuang in lua ding a hiu,’ la ti haw kha gêldok kit in,” a tia.

PAWTDAWNA THU 32:13 ပူးပေါင်းရင်းမြစ်များ

THILSIAM THU 12:2

Nam lopi tak in hun siam ing ka tin, hun maljawl ing ka tin, la min hi’lian ing ka; tichun, nangma chu maljawlna hi’n la;

THILSIAM THU 12:7

Chun, Abram kiang in Lalpa a hung kilâk ah, a kiang in, “Zia gam hi la suante kiang in pia ding ka hi,” a tia. Tichun, zia mun ah chun, a kiang ah kilâk Lalpa â dingin mâichâm a siam tai.

THILSIAM THU 15:18

Zia ni ngei ah chun Lalpa’n Abram kiang in thutiam a bawl ta’n: “Zia gam hi Aigupta luipi ah kipat Euphrates luipi tiang in,

THILSIAM THU 15:5

Chuleh, In mai lam in a puidok ah, a kiang in, “Van lam khi en inla, aksite khi la sim thei leh sim in. La suante chu zia jat ah tam khin hung pung in au,” a ti’n.

THILSIAM THU 15:7

Chun, a kiang in, “Zia gam hi lua ding ah Kaldaite gam ah Ur khua kipat hun puidokpa Lalpa kha keima hi ka hi,” a ti’n.

THILSIAM THU 17:8

La malzinna Kanaan gam zosia hi nang leh la nung ah la suante kiang ah la kumkhaw go ding un hun pia’ng ka: tichun, keima hi a Pathian uh hi’ng ka,” a ti tai.

THILSIAM THU 22:16

“Zia thil hi la hi tâk ziak leh, la chapa neisunle itcha lo ah lei piak tâk ziakin, keima ka kitiam hi, Lalpa’n a ti’n:

THILSIAM THU 22:17

Hun maljawl ngei ngei ing ka tin, van ah aksi jat leh tuisuagiat pâm ah piaunel jat in la suante hi’pung ing ka tin, la suante chun a mêlmateu kul kotkhak hun lak piak in au:

THILSIAM THU 24:7

Lalpa, van Pathian, ka pa In ah kipat leh ka pianna gam ah kipat ei puidokpa leh ei hopa, ‘Zia gam hi la suante kiang ah hun pia’ng ka,’ ti ah ka kiang ah thu tiampa khan, ama ngei in la ma lam in a vansawlchâk chu chiasak intin, zia tak ah kipat chun ka chapa hi ji la hun neisak ding ahi.

THILSIAM THU 48:16

siat theina zosia lak ah ei humbitpa vansawlchâk chun, naupangte hi maljawl ta hen; keima min tawh, ei suante Abraham tawh, Isak min chu amau ah kipat in het zing in um ta hen; lei chung ah hin nasa tak ah hung khang in, hung pung tau hen,” a tia.

PAWTDAWNA THU 13:11

Chun, nanghaw leh la pu la pateu kiang ah a la tiamsa gual ah, Lalpa chun Kanaan mite gam a hun pui lût ah, la kiang ua a hun piak phat leh zia gual hi hi’n a:

PAWTDAWNA THU 13:5

Lalpa chun Kanaan mite, Hit mite, Amor mite, Hiv mite leh Jebus mite chênna gam, la pu la pateu kiang ah piak ding ah sia a la sapna, bawngnawi leh khuaizu luanna gam chu a hun pui lût phat leh, zia kût hi zia tha ma ma’ hin la bawl zing sek diu ahi.

PAWTDAWNA THU 33:1

Lalpa chun Mosi a ho ah a kiang in, “Chiau inla, Abraham, Isak leh Jakob te kiang ah, ‘La suante kiang ah hun pia ding ka hi,’ ti ah ka la kitiamna gam chu zuan in nangma tawh Aigupta gam ah kipat la hun puidawte hi zia mun ah kipat hin chiadok tau in;

THIAMPUTE LEKHABU 26:42

ziaphat chuleh, Jakob kiang ah ka thuthung hezing ing ka tin, Isak kiang ah ka thuthung tawh Abraham kiang ah ka thuthungte le hezing ta’ng ka tin, gam hile hezing ta’ng ka.

DAN LEKHABU 1:10

Lalpa la Pathian un a hun hi’pungah, tu’hin van ah aksite jat hial ah simsên lo la hitau hi;

DAN LEKHABU 7:8

Lalpa‘n a hun hepi ziakin, la pu leh pateu kiang ah a la kipau tiamna thu chu a vop det ziakin, Aigupta lengpa Pharaoh khut ah kipat leh, la suak channau In sung ah kipat hun hi’thiangtho in, Lalpa‘n a khut hât tak in a hun pui daw la hi zawu hi.

DAN LEKHABU 9:27

La suak Abraham, Isak leh Jakob te kha hezing inla; zia mite lochal dan, gitlo dan leh a phat lo dan teu hi limsak kin;

HEBRAITE 6:13

Pathian in Abraham kiang ah thu a tiam lai khan, a sâng ah lopi zaw a umlo ziakin ama leh ama a kitiam a.