PAWTDAWNA THU 32:10 - PATHIAN LEKHABU THIANGTHO (BSI)

¹⁰ tu’hin, ei thathawt inla, a chung ua ka lungnatna a hung kitongkhong ah, amau haw ka katmang vek theina dingin; nang la hileh vang nam lian tak in hun siam na’ng ka,” a tia.

PAWTDAWNA THU 32:10 ပူးပေါင်းရင်းမြစ်များ

THILSIAM THU 12:2

Nam lopi tak in hun siam ing ka tin, hun maljawl ing ka tin, la min hi’lian ing ka; tichun, nangma chu maljawlna hi’n la;

SAM 106:23

A mi têlchuam Mosi, a thasâng un a la ding lo vang leh, a lungnat ziakin a leng un, a la hi’mangthai mai dingin, a la gen a.

PAWTDAWNA THU 22:24

Ka lungnatna la chung un kuang intin, chemjam in hun that ing ka tin, la jiteu chu meithâi in hung um intiu in, la chateu le nauchaga hung hiding a hiu.

PAWTDAWNA THU 32:11

Himaleh, Mosi chun Lalpa a Pathian chu a awimaw ta’n: “Lalpa, bang ding ah la mipite Aigupta gam ah kipat thilhitheina nasa tak tawh la khut thahât tak ah la hun puidawte chung ah la lungnatna kuangjak ding a hem?

PAWTDAWNA THU 32:19

Giabuk kiang nai a hung tun phat un, bawngno lim leh a lâmpite chu a mu ta’n, Mosi lungnatna chu a hung puangjak phut mai ah; tichun, a khut ah suangpêkte chun a sep ta’n; tângbul ah chun a sep kek tai.

PAWTDAWNA THU 33:3

Khuaizu leh bawngnawi ah luang, gampha lam ah chun chia to un; himaleh, la lak ua um in hun kitonpi talo ding ka hi; achutiloleh, lam kâl in hun hi’mangthai malam ziang kha tawl ing ka, nam lu’lul tak la hi’ngal un,” a tia.

JEREMIAH 11:14

Nang vang, zia mite â ding hin pauchap kin la, a sik leh jal unle dot piak in pauchap kin; a lungdon man ua ei hun ko phat uh leh a la ngaitha lo ding ka hi’ngal a.

JEREMIAH 14:11

Ka kiang ah Lalpa‘n zia gual hin a gen hi: Zia mipite hi a phatna ding un pauchap kin.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 7:16

Nang vang, zia mite â ding ah hin pauchap kin la, amau â dingin dot piak kin la, paupuak kin la, ka kiang in hun gen piak kin; a la limsak lo ding ka hi’ngal a.

EZEKIEL 20:13

Himaleh, Israel Inkuante chu gamthip ah khan ka chung in a hel un; ka dan bawlte zui lo in, ka thuguatte chu zawm lo in, zia chu zawm ah mi tin in a hinna ding uh chu a nol tau ah; chuleh, ka sabbath nite le huaisia tak in a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

KISIMNA LEKHABU 14:12

Keima’n zia mite hi thi’na hîpi’n hun gawt ing ka tin, suan leh pâk bei in siam ing ka; nangma vang amau sâng ah nam lianzaw leh hatzaw’n hun siam ding ka hi,” a tia.

KISIMNA LEKHABU 16:21

“Zia mipi pung khawm zosia hi mitphet kâl sung bep ah ka hun thagam ziang theina dingin amau ah kipat hin a la kithialdok un,” a tia.

KISIMNA LEKHABU 16:22

Ziaphatchun, a maichang ua leitual si hial ah bokkhup ah pauchap in: “Aw Pathian, taksaphe leh vo nei zosiate hinna Pathian, mi pakhat gitlona ziakin mipi zosia chung ah lungna ziang ding la hi em?” a tiu a.

DAN LEKHABU 9:14

Amau hi’mangthai ding leh van nuai ah a min uh thaimang dingin kei ngen in ei nusia mai ta’n! Nangma la hileh vang, amau sâng ah hatzaw leh tam zaw’n hun siam ing ka,” a tia.

DAN LEKHABU 9:19

La chung ua Lalpa a lungnat ma ma ziakin, la leng un hun hi’mangthai ziang kha’n ah ti ka lau ma ma ngâla. Ahi’n, zia hun ah hinle Lalpa‘n ka dotna ei ngaithâk piak nalai a.

JAKOB 5:16

Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.