PAWTDAWNA THU 32:1 - PATHIAN LEKHABU THIANGTHO (BSI)

¹ Mipite chun Mosi tâng ah kipat a hung suk kit hak talua tai, a tiu ah tichun, Aron kiang in a chia khawm ua a kiang in, “Kipan in, ka mau ei pui dingin pathian ei siam piak mai in; zia Mosi, Aigupta gam ah kipat ei puidokpa hi la bangti a hem ka he’phak ta puau in,” a hung tiu a.

PAWTDAWNA THU 32:1 ပူးပေါင်းရင်းမြစ်များ

THILSIAM THU 19:14

Chutichun, Lot chu a va pawtdok ah, a chanute kichenpi ding a mâkpa hung hidingte kiang ah chun, ‘Tho unla, zia khawpi hi nusia un; Lalpa’n zia khawpi hi hi’mangthai ding ahi ngal ah,’ ti’n a vagen a. Himaleh, ama chu a mâkpa hidingte ngai ah chun tawt thu gen gual bep ahi tai,” a tia.

THILSIAM THU 21:26

Abimelekh in, “Zia gual thilbawl pen chu kua a hem ka la hekhalo hial ah; nang inle la lei hil pua’n: tu’ni tilo ah hin ka la hekha nai puai,” a ti’n.

THILSIAM THU 39:8

Himaleh, ama chu a nuam lo hial ah, a pu ji kiang ah chun, “En in, ka pu’n zia In sung ah hin ka kiang ah bang bang a um em tile a he’pha ta pua’n, a nei zosia ka khut in a koi tai.

THILSIAM THU 44:15

Joseph in a kiang un, “Bang a hem la bawl uh? Keima gual mi hin âi a en thiam ahi ti helo la hiu em?” a ti’n.

THILSIAM THU 44:4

Chutia, khua kipat a pawtdawu ah, gamla a tun mau in Joseph in a In enkoltu kiang ah chun, “Kipan inla, mite kha vadel in; la del phâk phat leh a kiang un, ‘Bangtidan ah thil pha chu thil phalo ah thuk la hiu em? Bang ding ah ka dangka no la gûk uh a hem?

SAM 106:19

Horeb tâng ah bawngno lim a siam un, milim kisung chu a ho tau a.

PAWTDAWNA THU 13:21

Lalpa’n amau pui dingin sun ah sûmpi dingin a ma lam un a chia pek ah; sun leh jan ah a chiatheina ding un jan tak leh amau salvâk dingin meikuang in amau a pui pek a.

PAWTDAWNA THU 14:11

Mosi kiang in, “Aigupta gam ah kivuina ding thân a umlo ziak ah, thalêk gamthip ah thi ding ah lei puidaw ahi em? Bangatia, zia gual ah ei bawl ding ah Aigupta gam ah kipat ei puidok mawng mawng la hem?

PAWTDAWNA THU 16:3

Israelte chun a kiang un, “Aigupta gam ah sabêl bul ah ka chut lai uh leh vaithum vâ tak ah ka nêk lai ua khan, Lalpa khut in ei la thi sak ta kha hizaw mai leh aw! Gamthip ah gilkial ah thi dingin mipite hi lei pui lût a hita hilam,” a tiu a.

PAWTDAWNA THU 20:23

Keima kibatpi dingin dangkathik ah kisung pathian la siam lo diu a hia, sana ah pathian limle la siam lo ding uh ahi:

PAWTDAWNA THU 24:12

Lalpa chun Mosi kiang in, “Tâng ah hin ka kiang ah hung kal to in la ei la ngak in; chuleh, amau haw la thuhilna ding ah Dan leh thupiak ka zikna suangpêkte le hun pia ding ka hi,” a tia.

PAWTDAWNA THU 24:18

Mosi chu sûmpi lak ah chun a lut ah, tâng a chun a kal to in: Mosi chu tâng ah chun sun sawmli leh jan sawmli a vachâm tai.

PAWTDAWNA THU 32:11

Himaleh, Mosi chun Lalpa a Pathian chu a awimaw ta’n: “Lalpa, bang ding ah la mipite Aigupta gam ah kipat thilhitheina nasa tak tawh la khut thahât tak ah la hun puidawte chung ah la lungnatna kuangjak ding a hem?

PAWTDAWNA THU 32:22

Aron in, “Ka Lalpa lungnatna puangjak ki’hen: mipite hi thilsia bawl gaw zing a hiu ti nang inle la henai.

PAWTDAWNA THU 32:23

Amau in ka kiang ah, Ka mau ei pui piak dingin pathiante ei siam piak in; zia Mosi, Aigupta gam ah kipat ei puidokpa hi la bangti chanchin ahi em ka he’pha ta puau hen, a hung tiu a.

PAWTDAWNA THU 32:7

Chun, Lalpa chun Mosi kiang in, “Chia suk in! Aigupta gam ah kipat la hun puidawte saw a kisubuak zo tau hi;

PAWTDAWNA THU 33:3

Khuaizu leh bawngnawi ah luang, gampha lam ah chun chia to un; himaleh, la lak ua um in hun kitonpi talo ding ka hi; achutiloleh, lam kâl in hun hi’mangthai malam ziang kha tawl ing ka, nam lu’lul tak la hi’ngal un,” a tia.

EZEKIEL 20:8

Himaleh, ka chung in a hel un, ka thugen le ngai lo in, a lak ua pakhat chânle a mit ua a mu nop tun tun uh ki’dak umte a paimang nuam puau ah, Aiguptate milim chule a haisan diak puau hi. Ziaphatchun, Aigupta gam sung ah a chung un ka hachang thakna but khum ing ka tin, ka lungnatna a chung ua sua ding ka ngaitua tai.

HOSEA 12:13

Jawlnei pakhat mang in Lalpa‘n Israel chu, Aigupta ah kipat in a la puidok ta’n, jawlnei pakhat in a chingtup tai.

MIKAH 6:4

Aigupta gam ah kipat in ka hun puidok la hi’ngal un, suak la hi’nau ah kipat ka hun tatdok la hiu; a hun pui dingin, Mosi, Aron leh Miriam ka hun sawl ta kha.

KISIMNA LEKHABU 14:22

Aigupta gam tawh, zia gamthip ah ka lopina tawh ka tepte’na bawl zosia mu ta ngâl ah, sawmvei hial ei patep kit nalai ah, ka thu ngai diaklote zosia chu,

MATTHAI 24:43

Himaleh, zia hi he un, Inneipa chun gucha hung ding hun chu he masa hileh, a la kiging zing intin, a In chu phiatvansak lo hial ding ahi.

MATTHAI 24:48

Himaleh, suak phalo chu a kingaitua ah, ka pu a hung hak hi, ti’n,

NASEPTE 17:29

Pathian suante I hiziak un, Pathian chu sana a hem, dangka a hem, suang a hem, mihing khutthiam ah bawl kawm thil a hem gual ah I ngai ding uh ahi puai.

NASEPTE 19:26

Ephesa khua bep ah le hilo in, Asia gam zosia hial inle, zia Paul hin, ‘Khut ah siam pathiante hi pathian ahi puai,’ ti’n mi tampi a thêm zo ta’n, a pui mang zo tai ti hi nangmau ngei in la muu in, la hiau hi.

NASEPTE 7:40

Aron kiang in, ka mau ei pui piak ding pathiante ei siam piak in; zia Mosi, Aigupta gam ah kipat ei puidokpa hivang, bang chang a hem ka he ta puau hi, a tiu a.

DAN LEKHABU 31:8

Lalpa la Pathian un la mau a pui pek hi. Hun umpi zing intin, hun lawsapsak lo ding leh hun nusia ngailo ding ahi ngâl a. Lau kin la, lungthuai diak kin,” ti’n a thamuan a.

DAN LEKHABU 9:1

Aw Israelte haw, ngai un! Nangmau sâng ah tam zaw leh hatzaw te, a khawpiu det leh a kulbâng uh van supha khop ah sangte suandok dingin tu’ni hin Jordan lui gâl kâi ding la hitau.

DAN LEKHABU 9:9

La kiang ua Lalpa‘n thu a thunna suangpêk la ding ah ka va chia to lai ah khan, ni sawmli leh jan sawmli zet ka vaum ah; anle ka ne pua, tui le ka dawn puai.

JOSHUA 7:13

Mipite hi hi’thiangtho phot mai in, a kiang un, ‘Jing â ding in kisuthiangtho un; Lalpa, Israelte Pathian in zia gual hin a gen ngâl ah: Aw Israel, la lak un thil thianglo a um hi; la lak ua kipat thil thianglo chu la lâk mang masang siau, la mêlmateu zo thei ta pua’n lau.

2 PETER 3:4

“A hungna ding thutiam chu khoi a hem? I pu leh pateu i-mut ni ah kipat khan, thil kisiamtîl ah a um ngai ngai in bangkim um zing hilo a hem?” ti’n au.