PAWTDAWNA THU 3:8 - PATHIAN LEKHABU THIANGTHO (BSI)

⁸ Amau chu Aiguptate khut ah kipat hukdok ding leh zia gam ah kipat chu puidok ah, gam hawi leh kiningting, khuaizu leh bawngnawi luanna gam, Kanaan mite, Hit mite, Amor mite, Periz mite, Hiv mite leh Jebus mite chênna gam lua ding ah pui lût ding ah hung suk ka hi.

PAWTDAWNA THU 3:8 ပူးပေါင်းရင်းမြစ်များ

THILSIAM THU 11:5

Tichun, mihingte khawpi leh Insâng bawlte entha dingin Lalpa chu a chia suk tai.

THILSIAM THU 11:7

Hung unla, vachia suk hitiu in, a kihotua theilona ding un a pau uh va sukdanglam piak hitiu,” a tia.

THILSIAM THU 15:13

Ziaphatchun, Lalpa chun Abram kiang in, “La suante chu amau gam hilo ah chun malzin in hung um intiu in, a nau hun sep piak in au, ti kichian tak in he ta’n: Chuleh, amau chun kum za li hun hi’genthei in au.

THILSIAM THU 15:14

Himaleh, a nau a sep piak uh namte chu keima’n hun vaihawm ing ka tin; ziazaw chuleh, nei leh lam tam tak tawh hung pawtdok in au.

THILSIAM THU 18:21

tu’hin, vachia suk ing ka tin, mipite kikona thawm ka kiang ah hung tung gual hi ahileh hilo vahechian ing ka,” a ti’n.

THILSIAM THU 43:11

Ziaphatchun, a pau Israel chun a kiang un, “Chuti ahi ding leh, zia gual hin hiu in: La dip ua khan zia gam ah thilpha khenkhat: thingnâi damdawite, khuaizute, gimtuite, murrate, theihawngte leh vaimakhate neucha chiat in ziapa kiang ah chu kipak thu genna dingin puak piak unla.

THILSIAM THU 46:4

Aigupta gam ah chun hun umpi pek ding ka hi: Zia tak ah kipat chun hun pui to kit ngei ngei ding ka hi; chuleh, Joseph khut ah la um sung in la mit sîng ding la hi,” a ti tai.

THILSIAM THU 50:24

Joseph in a suapite kiang in, “Thi ding ka hi tai; himaleh, Pathian in hung kantha ngei ngei intin, Abraham, Isak leh Jakob kiang ah kihaksial ah piak ding ah a tiamna gam ah um ding in, zia gam ah kipat hin hung puidok ding ahi,” a ti’n.

1 KHANGTHU 1:15

Hiv mite, Arki mite, Sin mite,

NEHEMIAH 9:8

nang in a lungthim chu nang lam ah ginum lasak ziakin, zia Kanaan mite, Hit mite, Amor mite, Periz mite, Jebus mite leh Girgash mite gam hi a suante luasak ding ah piak la la tiam ta’n; chuleh, la diktat ziakin la thutiam chu la guitunsak hi.

SAM 12:5

“Chagate chom gam ziak leh, tasamte a thûm ziak un, tu’hin kipan ing ka tin, a duthusam gual un bit tak in umsak ing ka,” Lalpa‘n a tii.

SAM 12:6

Lalpa thutiamte chu thutiam thiangtho, dangka thîk haltuina mei ah vêl sagi kihâl thiang gual chu ahi.

SAM 34:8

Aw, Lalpa phat dan chu tep in hechian ma tiam un; ama bêlte chu mi hampha a hiu.

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

PAWTDAWNA THU 12:41

Kum za li leh sawmthum a ti’n ni ma ma ah chun, Lalpa’n a mite zosia Aigupta gam ah kipat in a hun puidok tai.

PAWTDAWNA THU 12:51

Zia nikhua ma ma chun Lalpa chun Aigupta gam ah kipat in Israelte chu a hon hon in a hun puidok ta ahi.

PAWTDAWNA THU 13:5

Lalpa chun Kanaan mite, Hit mite, Amor mite, Hiv mite leh Jebus mite chênna gam, la pu la pateu kiang ah piak ding ah sia a la sapna, bawngnawi leh khuaizu luanna gam chu a hun pui lût phat leh, zia kût hi zia tha ma ma’ hin la bawl zing sek diu ahi.

PAWTDAWNA THU 3:17

Aigupta gam ah la thokgimnau ah kipat hun pui dok ing ka tin, Kanaan mite, Hit mite, Amor mite, Periz mite, Hiv mite leh Jebus mite a la chênnau, khuaizu leh bawngnawi luanna gam ah hin hun pui lût ding ka hi, ti ka tiam la hiu, a tii,’ ti’n la.

PAWTDAWNA THU 34:11

Tu’ni ka thupiak hi vop pha’n. En in, la âng ah hin Amorte, Kanaante, Hitte, Perizte, Hivte leh Jebushte haw hi nawdok ding ka hi.

PAWTDAWNA THU 5:23

La min ah Pharaoh kiang ah thugen ding ah ka hang chia masak pen ah kipat khan ama’n zia mipite hi a bawlsia; ahi’n, la mipite hukdawna dingin nang in bangma la bawl nai paw’ngal in,” a tia.

ISAI 36:17

chutileh, lengpa hi hung ing ka tin, nang uh gam tawhbang ah gampha, bu leh uain tamna, vaithum leh grep huan phatna gam ah ka hun umsak masangsia, mi tin in nangmau grep ga chiat leh la theichang gateu kinêk chiat in, nangmau tuikul chiat ah kidawn ding la hiu.

ISAI 64:1

Aw, la mêlmate kiang ah la min tâklat ahi’n, namtin in a hun lau ua, la ma-âng ah a hung kithin theina ding un,

JEREMIAH 11:5

tu’ni hun gual ah gampha, khuaizu leh bawngnawi luanna gam hi la pu leh pateu kiang ah piak dingin ka la kitiam ta’n, a ti’n. Zia phat ah chun ke’nle, “Chutichun hi hen, Lalpa,” ti’n ka la dawnhu tai.

JEREMIAH 2:7

Gam pha tak ah a gate leh, a phatna chên dingin ka hun puilût la hiu, himaleh, la tun phat un, ka gam chu la supawlche tau a, ka gochan chu thil ki’dak um la sua tau hi.

JEREMIAH 32:22

a pu leh pateu kiang ah gampha, khuaizu leh bawngnawi luanna gam, piak ding ah la la tiamna, zia gam hi la la pia ta’n;

EZEKIEL 20:6

Zia ni chun Aigupta gam ah kipat puidok ing ka tin, amau â ding ah ka mudaw’na gampha, bawngnawi leh khuaizu luanna, gam zosia lak ah pha pen ah pui lût dingin ka la tiam tai.

THIAMPUTE LEKHABU 20:24

“A gam uh bawngnawi leh khuaizu luanna gam ngei chu, keima’n la gochan ding ua la lua ding un hun pia ding ka hi,” ti ah ka la gen tâk gual ah khan. Midangte lak ah kipat hun khendanpa Lalpa la Pathian uh chu ka hi.

AMOS 2:10

Amorte gam lua dingin Aigupta gam ah kipat in ka hun puidok a, gamthip ah kum sawmli sung ka hun pui hi.

KISIMNA LEKHABU 13:18

bang gual gam a hem ti en unla; chuleh, a gam ah chêng mite chu mihat a hiu leh hilo, a tam leh tawm dan uh,

KISIMNA LEKHABU 13:19

a chênnau gam phat leh siat, a chênnau khawpite chule kulbâng det nei a hem nei lo;

KISIMNA LEKHABU 13:27

Amau chun, “Lei sawlnau gam chun ka vachiau ah, a gam chu a pha ma ma ziang ah, bawngnawi leh khuaizu luanna gam ahi ngei ah, ziate hile a gam ah theigate chu ahi;

JOHAN 3:13

Kuama van ah kal to kha a um puau, van ah kipat hung sukpa, Mihing Chapa van ah umpa tilo ngal hi.

JOHAN 6:38

keima doigual hi’ding ah van ah kipat hung ka hipua’n, ei sawlpa doigual hi’ding ah hung kum ka hizawi.

DAN LEKHABU 1:25

A gam ah thâiga khenkhatte chule a hun puauah, “Lalpa I Pathian un ei piakna gam chu a pha ma ma ziang hi,” ti’n ei hil ua.

DAN LEKHABU 1:7

Kichawn unla, Amorte chênna tâng gam leh a kîmvêl ua gamte: Arabah tâng gam zosia leh Saphelah, Negeb tuisuagiat pang gam niamna, Kanaante leh Lebanonte chênna gam zosia ah kipat Luipi Lian, Euphrates luipi tiang in chia pek un.

DAN LEKHABU 27:3

La pu leh pateu kiang ah piak ding ah Lalpa la Pathian un a la tiamna gam pha, bawngnawi leh khuaizu luanna gam, Lalpa la Pathian un a hun piakna gam chu lut ding ah gâl langkhat lam la kai phat ua leh, zia ka dan thu hun piak zosia hi zia suang ah chun la zik ding uh ahi.

DAN LEKHABU 28:11

Lalpa la Pathian un, la pu leh pateu kiang ah piak ding ah a la tiamna gam ah hin, nei leh lam ah kiningting ah, cha leh nau, gan-gual, lou leh huan thâi lam ah Lalpa maljawlna tam tak dong ta’n lau.

DAN LEKHABU 6:3

Ziaziakchun, aw Israelte haw, ngai tiam un; la suantuteu Lalpa, Pathian in a kiang ua a la kitiamna dungzui a, bawngnawi leh khuaizu luanna, gampha ah nasa tak ah la hung pun ua, la lamzan theina ding un chingthei tak in zui tau in.

DAN LEKHABU 7:1

Lalpa la Pathian un nam tam tak, nanghaw sâng ah hatzaw leh tamzaw Hitte, Girgashte, Amorte, Kanaante, Perizte, Hivte leh Jebushte, nam sagite hi a naw daw zaw phat ah, la luana ding uh gam ah a hun pui lût ah, la lua phat ua leh,

JOSHUA 5:6

Lalpa thu a ngailo ziak un Israel mipi, Aigupta gam ah kipat hung pawtdok zosia leh a gâldo mi teu tiang ah sukmangthai sik sek ah a um tiang un, Israel suante chu gamthip ah kum sawmli sung zet a vâkvai tau ah. Lalpa‘n a pu leh pateu kiang ah kihaksial ah piak ding ah a la tiamna gampha, khuaizu leh bawngnawi luanna gam chu musak lo dingin a la kitiam tai.

JOSHUA 9:1

Tu’hin, Jordan gâl langkhat lam ah tâng gam leh phâi, Tuipi Lian gei jul jul ah kipat Lebanon tiang ah leng um zosia: Hit mite, Kanaan mite, Periz mite, Hiv mite leh Jebus mite chun a chanchin uh a la het phat un,

JOSHUA 9:7

Himaleh, Israelte chun, Hiv mite kiang ah chun, “Ka lak ua chêng khatto hi’n lau e! Zia gual chu hileh bangti’n kichamna thuthung siam thei ding ka hiu em?” ti’n a dawnhuu a.