PAWTDAWNA THU 3:7 - PATHIAN LEKHABU THIANGTHO (BSI)

⁷ Chuleh, Lalpa chun, “Aigupta gam ah ka mipite thokgim dan ka en zui zing a; chuleh, a nasepsak hotuteu ziak ah a kâ thawmteu chule ka he tai. A thokgim danteu chule ka hechian ta ahi.

PAWTDAWNA THU 3:7 ပူးပေါင်းရင်းမြစ်များ

THILSIAM THU 16:11

Chuleh, Lalpa vansawlchâk ma chun a kiang in, “Ngaitia, nau la vop ta hen, chapa hun nei in la tin, a min in Ishmael la hun sak ding ahi: Lalpa’n la genthei dan hi a hetpi tâk ziakin,

THILSIAM THU 18:21

tu’hin, vachia suk ing ka tin, mipite kikona thawm ka kiang ah hung tung gual hi ahileh hilo vahechian ing ka,” a ti’n.

THILSIAM THU 21:17

Chun, Pathian in naupang aw chu a he ta’n: Van ah kipat in Pathian vansawlchâk in Hagar chu a hun ko ah, a kiang in, “Hagar, bang a hem la lunggimna? Lau kin, naupang kâ thawm kha Pathian in a henai.

THILSIAM THU 29:32

Leah chun nau a vop ta’n; chapa a nei in, a min in Reuben a sak ah, “Lalpa’n ka genthei dan a mu ahi hi lam, tu’hin chu ka pawsal in ei hepi ta’n a,” a ti’n.

THILSIAM THU 31:12

Ama chun, “Hang khawdak in la en tiam in, kêlchal gancha baw zosia saw, a jem tante, a jem pawlte leh a jem kâi zeng zungte ngen ahi tau hi: Laban in la chung ah thil a bawl zosia hi ka mu suak ei vei.

THILSIAM THU 31:42

Ka pa Pathian, Abraham Pathian, Isak in a Lau-pa chu ka kiang ah umlo hivang leh, tu’hin le ngawnchang ah ei chiasak ngei ngei ding la hi hilam. Pathian in ka genthei dan leh ka sepgim dan a mu’n, zia jan ah chun a hun vau ahi chulam!” ti’n a dawnhu a.

2 SAMUEL 22:28

Mi kingainiamte chu la hukdok in, himaleh, la mit chun mi huhamte a kiak theina ding un, la châng zing sek hi.

2 LENGTE 13:4

Himaleh, Jehoahaz chu Lalpa kiang in a pauchap ah, Lalpa‘n a ngaitha; Israelte nuaisia ah a umdan uh leh, Aram lengpa nuaisiaah a umdan zosiau chu a mu tai.

2 LENGTE 20:5

“Kihei kit vak in chia inla, ka mite chung ah hotu Hezekiah kiang in zia gual hin vagen in: Lalpa, la pa David Pathian chun zia gual hin a gen hi: La pauchapna ka la he ta’n, la mitthi tuite le ka la mu tai; hun sudam kit ding ka hi; ni thum zaw tak leh Lalpa In ah chia to ding la hi.

NEHEMIAH 9:9

Aigupta gam ah ka pu leh pateu genthei dan kha la mu’n; chuleh, Tuipi San pang ah a pauchapnau khale la hia’i.

SAM 106:44

Chutisapi’nle a kiko thawm uh a ngai tha; a lungjinnau chu a hetpi hi.

SAM 12:6

Lalpa thutiamte chu thutiam thiangtho, dangka thîk haltuina mei ah vêl sagi kihâl thiang gual chu ahi.

SAM 142:3

Ka thagau ka sung ah a basap lai in, nang in ka lampi la hezing a. Ka chiana lampi ah chun, ka awkna ding thâng a kam guu a.

SAM 145:19

Ama laute lungtup chu a lawtin sek in; a kiko thawm uh hia’n a hukdok sek hi.

SAM 22:24

Ama’n genthei thuakte chu a mu tawm puan, a ki’dak diak puai; a mai ei sêlgûksan diak pua’n, ama ka ko tak leh ei ngaitha sek ngal a.

SAM 34:4

Lalpa chu ka hawl ah, ama’n ei dawnhu ta’n; ka launa zosia lak ah kipat in ei hukdok tai.

SAM 34:6

Zia migenthei hi a kiko ah, zia chu Lalpa‘n a hia’n, a lungdonna zosia lak ah kipat in a hukdok tai.

SAM 35:22

Aw Lalpa, nang in la mu tai, thipsan lo hial in! Aw Lalpa, ei gamlat kin!

SAM 9:14

nangma pâkna zosia chu hiatsak ing ka tin; Zion chanu kotkhakte ah chun, lei hukdawna ziak ah ka lim theina dingin.

PAWTDAWNA THU 1:11

Chutichun, puakgik tak tak puaksak ah, amau haw tawden theina dingin a chung un a nasepnau enkoltu ding a guat piak chiat tau a. Amau chun Pharaoh van koikhawmna ding khawpi Pithom tawh Rameses a bawl piak tau a.

PAWTDAWNA THU 1:8

Zia hun ah chun, Aigupta gam ah chun Joseph he’phalo Leng thak pakhat a hung um ta’n.

PAWTDAWNA THU 22:23

Amau la sukgenthei khak ua, ka kiang ah a hung thûm ua leh, a thûmnau chu ngaithâk piak ngei ngei ding ka hi’ngal a.

PAWTDAWNA THU 33:13

Tu’hin, la mittungna ka hi chun, nangma ka hun hetchian theina ding leh la mittung ah ka um zing theina dingin, tu’ ma ma hin la lampite hi lungsiat tak in ei hetsak ta’n la; chuleh, zia mipite hile nangma mi ngei a hiu ti ngaitua ta’n la,” a tia.

PAWTDAWNA THU 5:10

Tichun, nasêm enkolte leh mipi lak ah hotute chu a chia dok un, mipite kiang ah chun, “Zia gual hin Pharaoh in a gen hi: Bupawl hun peta lo ding ka hi,

PAWTDAWNA THU 5:6

Zia ni ma ma chun Pharaoh in mipite nasêmte enkol leh a hotuteu chu thu a pia’n:

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

KISIMNA LEKHABU 20:16

Lalpa kiang ah kap pum ah ka kiko phat un, ka aw git uh a hia’n, a vansawlchâk hun sawl in Aigupta gam ah kipat in ei hung puidok ah; tu’hin la gamgi bul, Kadesh mun ah khua pakhat ka hung tung tau hi.

NASEPTE 7:34

Aigupta gam ah ka mite chu, sukgenthei ah a umdan uh ka mu ta’n, a maunateu le ka he ta’n, amau hukdok ding ah hung suk ka hi. Tu’hin hung in, Aigupta gam ah hun sawl ding ka hi,” a tia.

HEBRAITE 4:15

Thiampu lianpen, I hatlonateu ei hetpi phâk lo nei I hipuau ah, eihaw gual ah patepna tincheng a la tuak ta maleh, gitlona a la neilo chu nei I hizawu hi.

1 SAMUEL 9:16

“Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.