PAWTDAWNA THU 3:6 - PATHIAN LEKHABU THIANGTHO (BSI)

⁶ Ama chun a gen zom pek ah, “Keima hi la pa Abraham Pathian, Isak Pathian leh Jakob Pathian chu ka hi,” a tia. Mosi’n Pathian a et ngam lo ziakin a mai chu a sêl tai.

PAWTDAWNA THU 3:6 ပူးပေါင်းရင်းမြစ်များ

THILSIAM THU 12:1

Zia lai ah chun, Lalpa’n Abram kiang in, “La khua leh la gam ua kipat leh la chanaute lak ah kipat leh la pa In ah kipat hin pawtdok inla, gam ka hun etsakna ding lam ah chun chia in.

THILSIAM THU 12:7

Chun, Abram kiang in Lalpa a hung kilâk ah, a kiang in, “Zia gam hi la suante kiang in pia ding ka hi,” a tia. Tichun, zia mun ah chun, a kiang ah kilâk Lalpa â dingin mâichâm a siam tai.

THILSIAM THU 17:3

Abram in a mai ah lei si hial in a bokkhup ah, ziaphatchun, Pathian in a kiang in thu a gen a:

THILSIAM THU 24:12

“Aw Lalpa, ka pu Abraham Pathian, lungsiat in tu’ni hin ei lawtinsak in, ka pu Abraham chung ah la hepina latsak in.

THILSIAM THU 26:24

Zia jan ah chun Lalpa a kiang in a hung kilâk ah, “Kei, la pa Abraham Pathian chu ka hi: Lau kin, la kiang in ka um zing hi, hun maljawl ing ka tin, ka suak Abraham ziakin la suante chu hi’pung ding ka hi,” a ti’n.

THILSIAM THU 28:13

Chuleh, a kiang in Lalpa a hung ding ah: “Kei hi Lalpa, la pu Abraham Pathian, Isak Pathian chu ka hi: la lupna lei kha nangma leh la suante kiang in hun pia’ng ka;

THILSIAM THU 28:17

Tichun, a lau ta’n, “Zia mun hi a lau um na e! Zia hi mun dang ahi puai, Pathian In a la hi hilam, zia hi van kotkhak chu ahi,” a ti tai.

THILSIAM THU 31:42

Ka pa Pathian, Abraham Pathian, Isak in a Lau-pa chu ka kiang ah umlo hivang leh, tu’hin le ngawnchang ah ei chiasak ngei ngei ding la hi hilam. Pathian in ka genthei dan leh ka sepgim dan a mu’n, zia jan ah chun a hun vau ahi chulam!” ti’n a dawnhu a.

THILSIAM THU 32:9

Jakob chun, “Aw Pathian, ka pu Abraham Pathian, ka pa Isak Pathian, Aw Lalpa, ‘La gam, la chipite kiang ah chia kit ta’n, pha tak in hun bawl na’ng ka ei tipa;

1 LENGTE 18:36

Kithoina chi khat lat hun ah chun jawlnei Elijah in a hun nai ah, “Aw Lalpa, Abraham, Isak leh Jakob Pathian, nangma hi Israel ah Pathian la hi’n, kei hi la suak ka hi ti leh, lei sawl ah zia thilte hi ka bawl ahi ti tu’ni hin hun tâklang in.

1 LENGTE 19:13

Elijah chun zia aw chu a het phat in, a puanâk chual mong in a mai a tuam ah, a pawtdok ah kawlhawm kot ah chun a vading tai. Ziaphat chun, a kiang in aw chun, “Elijah, zia hi bang bawl la hem?” ti’n a hun hoah.

NEHEMIAH 9:9

Aigupta gam ah ka pu leh pateu genthei dan kha la mu’n; chuleh, Tuipi San pang ah a pauchapnau khale la hia’i.

ESTHER 3:4

(Zia gual chun ni si’n leh a gen zing uh himaleh, a ngai diak lo phatin, Mordekai in, kei Juda mi ka hi ziak ahi, a ti chu Haman in bangti’n a ngai him him em ti’n a dong tau a.)

SAM 132:2

Lalpa kiang ah sia sam ah, Jakob Pathian hât kiang ah thu a tiam dan kha:

PAWTDAWNA THU 15:2

Lalpa chu ka hatna leh ka thâ ahi, ama chu ka hukdamna a hung hi tai: Zia hi ka Pathian ahi, ama pakcha’ng ka, ka pa Pathian, ama chu chawisâng ing ka.

PAWTDAWNA THU 29:45

Tichun, Israel suante lak ah chun chêng zing ing ka tin, a Pathian uh hi’ng ka.

PAWTDAWNA THU 3:16

Chia inla, Israel upate ko khawm inla, a kiang un, ‘Lalpa, la pu la pateu Pathian, Abraham Pathian, Isak Pathian leh Jakob Pathian chu ka kiang in a hung kilâk hen, zia gual hin a gen hi: Aigupta gam ah, bang bang la chung ua tung a hem ti ka he’n, ka hun ngaisak zing la hiu;

PAWTDAWNA THU 33:20

Himaleh, ka mêl vang mu thei pua’n la: kuama ka mêl mu ngal ah, dam zing um ngai him him lo ahi ngal in,” a tia.

PAWTDAWNA THU 4:5

“Tichun, Lalpa, a pu a pateu Pathian, Abraham Pathian, Isak Pathian leh Jakob Pathian kha la kiang ah kilâk ngei ahi ti a taksan theina ding un,” a tia.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 32:38

Amau chu ka mite hung hi’n, keile a Pathian uh hung hita’ng ka.

EZEKIEL 11:20

tichun, ka dan thuguatte leh ka thuthungte chu zui in mang ta’n au. Ziaphat chuleh, ka mite hita’n tiu in, keile a Pathian uh hita’ng ka.

ZEKARIAH 8:8

Jerusalem ah chêng dingin hun pui khawm ing ka. Ginumna leh dikna ziakin amau chu ka mite hita’n tin uh, keima le a Pathian uh hi ta’ng ka.

MATTHAI 17:6

Nungzuite chun zia chu a het un a lau ma mau ah, a mai ua leitual si’n a bokkhup tau hi.

MATTHAI 22:32

“Keima hi Abraham Pathian, Isak Pathian leh Jakob Pathian chu ka hi. Pathian chu mithi Pathian a hipua’n, a hingte Pathian a hizawi, ti thu kha,” a tia.

MARKA 12:26

Mithi thawkitna thu Mosi lekhabu chun, chîmbuk ah Pathian in, ‘Kei Abraham Pathian, Isak Pathian, Jakob Pathian ka hi,’ tia a gente kha sim kha’lo la hiu em?

LUKA 20:37

Lalpa, Abraham Pathian, Isak Pathian leh Jakob Pathian chun Mosi kha a ko ah, hampa buk lak ah kipat a kiang ah khan mithi thawkitna a um ngei ahi ti a la taklang hi.

LUKA 5:8

Himaleh, Simon Peter in zia chu a mu phât in, Jesu kengbul in a hung bokkhup ah, “Lalpa, ei nusia ta’n, migilo ka hi!” a tia.

NASEPTE 7:32

“Keima hi la suanpateu Pathian, Abraham Pathian, Isak Pathian leh Jakob Pathian chu ka hi,” a hun tia. Mosi chu a kithing ah, a en ngam ta puai.

NASEPTE 7:34

Aigupta gam ah ka mite chu, sukgenthei ah a umdan uh ka mu ta’n, a maunateu le ka he ta’n, amau hukdok ding ah hung suk ka hi. Tu’hin hung in, Aigupta gam ah hun sawl ding ka hi,” a tia.

DAN LEKHABU 6:3

Ziaziakchun, aw Israelte haw, ngai tiam un; la suantuteu Lalpa, Pathian in a kiang ua a la kitiamna dungzui a, bawngnawi leh khuaizu luanna, gampha ah nasa tak ah la hung pun ua, la lamzan theina ding un chingthei tak in zui tau in.

HEBRAITE 11:16

Himaleh, gam phazaw a thangai un, zia chu van-gam ahi. Ziaziakchun, Pathian in a Pathian uh kiti ding chu a zakcha puai; amau â ding ah khawpi khat a siam piak tak ziakin.

HEBRAITE 12:21

A thil mu diu tizat a um bêk ziakin Mosi’n le, “Ka lau talua hen, ka kithing jak ziang hi,” a ti ahi. Zia mun ah chun nanghaw vang la ding puau a.

THUPUAN 1:17

Zia gual ah ama ka mu phât chun a kengbul ah mithi gual in ka kipûk ta’n. Chuleh, ama chun a khut changlam ka chung ah koi in, “Lau kin, a masa pen leh a nunung pen chu ka hi.

VAIHAWMTE 13:22

Chun, Manoah in a ji kiang in, “Pathian I mu tâk ziakin, thi ngei ngei ding I hi,” a tia.