PAWTDAWNA THU 3:4 - PATHIAN LEKHABU THIANGTHO (BSI)

⁴ A en dingin a kihei tai ti Lalpa’n a mu phât in, Pathian in hambuk lak ah kipat chun, “Mosi, Mosi,” ti’n a hun ko ta’n. Ama’nle, “Zia tak hin ka um hi,” a hun tia.

PAWTDAWNA THU 3:4 ပူးပေါင်းရင်းမြစ်များ

THILSIAM THU 22:1

Zia nung ah chun, Pathian in Abraham chu a patep ta’n, a kiang in, “Abraham,” a ti’n. Ama’nle, “Zia hin ka um hi,” ti’n a dawnhu a.

THILSIAM THU 22:11

Himaleh, van ah kipat in Lalpa vansawlchâk chun a hun ko ta’n: “Abraham, Abraham,” a hun ti’n. Ama’nle, “Zia hin ka um hi,” ti’n a dawnhu a.

THILSIAM THU 28:16

Chun, Jakob ipmu chu a hung khanglo ah, “Zia mun ah hin Lalpa chu a um ngei hi ti, ka la he pua ahi!” a ti’n.

THILSIAM THU 46:2

Pathian in jan ah a mang lam in Israel a hun ho ah: “Jakob, Jakob,” a ti’n. Ama chun, “Zia’ hin ka um hi,” a ti’n.

SAM 62:11

Pathian in khatvei a gen ah; zia chu nivei ka he ta’n: thuneina chu Pathian â ahi’n,

PAWTDAWNA THU 19:3

Ziaphatchun, Mosi chu Pathian kiang in a chia to ah; Lalpa’n ama chu tâng ah kipat chun a hun ko in, a kiang in, “Jakob Inkuante kiang in zia gual hin gen inla, Israelte chu hil in:

PAWTDAWNA THU 3:2

Zia tak ah chun, Lalpa vansawlchâk pakhat a kiang ah hampa buk lak ah meikuang in a hung kilâk ah; ama chunle a vak en ah; ngaitia, hampa buk chu a kuang ah, himaleh bangma a kâng diak puai.

PAWTDAWNA THU 33:12

Ziaphatchun, Mosi chun Lalpa kiang in, “Ngaitia, nang in ka kiang in: Zia mite hi vapui to in lei tingal ah; himaleh, ka kithuapi ding ah kua hun sawl ding la hem ti lei hetsak pua hen. Nang in la, ‘La min ka hun hechian hen, ka mittung ah um la hi ti le ka henai,’ la ti ngal in.

PAWTDAWNA THU 4:5

“Tichun, Lalpa, a pu a pateu Pathian, Abraham Pathian, Isak Pathian leh Jakob Pathian kha la kiang ah kilâk ngei ahi ti a taksan theina ding un,” a tia.

THIAMPUTE LEKHABU 1:1

Lalpa‘n kikhopna biakbûk ah kipat Mosi kodok in a kiang in:

NASEPTE 10:13

Aw khat a het chun, “Peter, kipan inla, that inla, ne’n,” a hun tia.

NASEPTE 10:3

Ni khat chu nitâk lam dak thum ding vêl ah hin, Pathian vansawlchâk pakhat a kiang in a hung kilâk ah, “Kornelia,” ti’n a hun ko a.

NASEPTE 9:4

leitual in a kipuk ta’n; zia lai tak ah chun aw khat in a kiang in, “Saul, Saul, bangatia ei sugenthei la hem?” a hun tia.

DAN LEKHABU 33:16

lei leh a chung ah hausakna zosia tawh, Sinai ah chêngpa doisakna tawh chang ta hen. Zia zosiate hi Joseph luchung ah tung hen la; a suapite chung ah vaihawmpa chalpâng ah chun um ta hen.

1 SAMUEL 3:10

Ziaphatchun, Lalpa a hung ah, zia tak ah chun a hung ding ta’n; tu’ma lam ah a hun ko gual khan, “Samuel, Samuel!” ti’n a hun ko kit a. Samuel in a dawnhu ngâlah, a kiang in, “Gen in, la suak hin ka la ngai thai,” a tia.

1 SAMUEL 3:4

Ziaphatchun, Lalpa chun, “Samuel, Samuel,” ti’n a hun koah; ama’nle, “Zia hin ka um hi,” ti kawm in Eli kiang lam chu a del a;

1 SAMUEL 3:6

Lalpa‘n a hun ko kit ah, “Samuel, Samuel!” a hun tia. Samuel le thodok in, Eli kiang in a chia kit ah, “Zia hin ka um hi, bang ding ah lei ko a hem?” a tia. Himaleh, Eli chun, “Ka chapa, ka hun ko puai, valum kit in,” ti’n a la dawnhu a.

1 SAMUEL 3:8

Lalpa‘n a thumveina’n Samuel a hun ko kit ah. Ama le thodok in Eli kiang in a chiaah, “Lei ko’na gual in zia hin ka um hi,” ti’n a hung gen kit a. Ziaphatchun, Eli in naupang chu Lalpa‘n a hun ko a hi ti a he tai.