PAWTDAWNA THU 3:22 - PATHIAN LEKHABU THIANGTHO (BSI)

²² Numei zosia’n a Invêngteu leh a Invêngteu In ah numei um taphotte bilba leh khutsebi, dangka leh sana ah kisiamte leh nîk leh puante chu don intiu in, ziate haw chun la chapateu leh la chanuteu zosia thuam in la tiu in; tichun, Aigupta gam ah van pha zosia chu lâkpiak ding la hiu,” a tia.

PAWTDAWNA THU 3:22 ပူးပေါင်းရင်းမြစ်များ

THILSIAM THU 15:14

Himaleh, a nau a sep piak uh namte chu keima’n hun vaihawm ing ka tin; ziazaw chuleh, nei leh lam tam tak tawh hung pawtdok in au.

THILSIAM THU 24:53

Chuleh, suakpa chun dangka leh sana kicheinate, puante a hun ladok ah, Rebekah a pia ngal ah; a suapipa leh a nu kiang inle kicheina manpha tak takte chu a pia’n.

SAM 105:37

Tichun, Israel chu dangka leh, sana tawh a puidok khawm in, a lak un a hisêl lo khat chale a um puau hi.

PAWTDAWNA THU 11:2

Mipite het dingin gen inla, pawsal zosia’n a Invêngpa, numei zosia’n a Invêngnu dangka leh sana ah kibawlte dotsak chiat in,” a tia.

THUPILTE 13:22

Mipha chun a tute â ding tiang in go a nutsia piak sek in; mi nunsiate go chu vang midikte lua ding bep ahi.

ISAI 33:1

Nangma’n siatna tuak lo ah, midangte susepa leh kuama’n lepchia tak ah a bawl lo uh, nang in lepchia tak ah la bawl ziakin, la chung a gik hi! Nang in midangte hisiat la haisan phat leh, nangma chu hisiat ah um ding la hi; midangte lepchia tak ah la bawl lo phat leh, nangma chu lepchia tak in hun bawl in au.

EZEKIEL 39:10

tichun, gamlak ah thing a puak uh ngai ta pua’n tin, gammâng thing a phûk uh le ngai diak pua’n a; gâlvante chu thing ah tik ta ding a hiziak un; amau sim ah hungte chu amau in sim zaw ta’n tiu in; chuleh, amau suam ah hung kuante chu amau in a la suam zaw ta’n au, Lalpa Pathian in a tii.