PAWTDAWNA THU 3:21 - PATHIAN LEKHABU THIANGTHO (BSI)

²¹ Aigupta mite mit mu ah chun zia tak ah mipite hi doisak ing ka tin, la pawt daw tak uh leh khutngawn in chia lo hial ding la hiu.

PAWTDAWNA THU 3:21 ပူးပေါင်းရင်းမြစ်များ

THILSIAM THU 15:14

Himaleh, a nau a sep piak uh namte chu keima’n hun vaihawm ing ka tin; ziazaw chuleh, nei leh lam tam tak tawh hung pawtdok in au.

THILSIAM THU 39:21

Himaleh, Lalpa chu Joseph kiang in a um pek ah, a chung in a ngilnei ah; suangkul vêngpa hepina a donsak hi.

1 LENGTE 8:50

nangma kãl ah gilo ta la mite ngaidam inla, nangma kãl ah a sukkhialnau zosia tawh; chun, sal ah puite mit mu in lainatna pia’n; amau in a chung ua lainatna a neitheina ding un.

NEHEMIAH 1:11

Aw Lalpa, la suakpa pauchapna leh, la min kija’na taphot ah kipak sek la suakte pauchapna hi a la ngaitha’n la; tu’ni ma ma hin la suakpa hi lawtinsak in; zia mipa mit mu ngei ah hin la ja’ngaina chansak ngâl ta’n!” ti’n ka pauchap tai. Zia hun ah chun lengpa dawn ding pia ka pan lai tak ahi.

SAM 105:37

Tichun, Israel chu dangka leh, sana tawh a puidok khawm in, a lak un a hisêl lo khat chale a um puau hi.

SAM 106:46

Sal ah puite zosia chu amau a hepisak a.

PAWTDAWNA THU 11:2

Mipite het dingin gen inla, pawsal zosia’n a Invêngpa, numei zosia’n a Invêngnu dangka leh sana ah kibawlte dotsak chiat in,” a tia.

PAWTDAWNA THU 11:3

Lalpa’n mipite zosia chu Aiguptate mit in doisakna a neisak ah. Aigupta gam pumpi chun, Pharaoh leh a miliante leh mi zosia mit mu in Mosi chu mi minthang ahi ta’ngal a.

PAWTDAWNA THU 12:35

Israelte chun Mosi hil gual in a bawl tau a: Aigupta mite sana leh dangka kicheina vante leh puante chu a la don ua;

PAWTDAWNA THU 12:36

tichun, Lalpa’n mipite chu Aigupta mite mit mu in doisakna a nei sak ah; chutichun, a dot taphot uh chu a phal piaksak tai. Zia gual ah chun Aiguptate chu a suam gam tau a.

THUPILTE 16:7

Mipite umchan in Lalpa a hi’lungdam chun, a mêlmateu tawh a kichamsak thei hi.

NASEPTE 7:10

a haksatna zosia lak ah kipat in a hukdok ah, Aigupta ah Lengpa Pharaoh mit tung thei ding in doisakna leh pilna a pia; ama chun Aigupta leh a Insung zosia chung ah lal in a hun pansak tai.

DAN LEKHABU 15:13

Chuleh, la suak pawsal chu la pawt dawsak phat leh, khutngawn in la chiasak lo ding ahi.