PAWTDAWNA THU 3:2 - PATHIAN LEKHABU THIANGTHO (BSI)

² Zia tak ah chun, Lalpa vansawlchâk pakhat a kiang ah hampa buk lak ah meikuang in a hung kilâk ah; ama chunle a vak en ah; ngaitia, hampa buk chu a kuang ah, himaleh bangma a kâng diak puai.

PAWTDAWNA THU 3:2 ပူးပေါင်းရင်းမြစ်များ

THILSIAM THU 21:17

Chun, Pathian in naupang aw chu a he ta’n: Van ah kipat in Pathian vansawlchâk in Hagar chu a hun ko ah, a kiang in, “Hagar, bang a hem la lunggimna? Lau kin, naupang kâ thawm kha Pathian in a henai.

THILSIAM THU 22:11

Himaleh, van ah kipat in Lalpa vansawlchâk chun a hun ko ta’n: “Abraham, Abraham,” a hun ti’n. Ama’nle, “Zia hin ka um hi,” ti’n a dawnhu a.

THILSIAM THU 48:16

siat theina zosia lak ah ei humbitpa vansawlchâk chun, naupangte hi maljawl ta hen; keima min tawh, ei suante Abraham tawh, Isak min chu amau ah kipat in het zing in um ta hen; lei chung ah hin nasa tak ah hung khang in, hung pung tau hen,” a tia.

SAM 66:12

ka luchang uh ka mêlmateu lei chotden sak a; mei leh tui lak in ka chia theng un; hilehle, mun thawveng ah um dingin lei puidok tai.

PAWTDAWNA THU 19:18

Lalpa chu meikuang ah a hung kum ziakin Sinai tâng chu a pum in meikhu’n a tuam a: Hâltuina meikhu gual in meikhu chu a kitung to ziang a: Chuleh, a tâng pumpi chu nasa tak in a kithing tai.

PAWTDAWNA THU 23:20

Ngai in, la ma-âng ah vansawlchâk pakhat, la lampi nangma hun vêng ding leh nang â ding ah ka tiamna gam ah hun pui lût dingin ka hun sawl hi.

PAWTDAWNA THU 24:17

Lalpa lopi’na kilang chu Israelte mit mu in tângvûm ah haltuina mei gual mai ahi.

PAWTDAWNA THU 3:16

Chia inla, Israel upate ko khawm inla, a kiang un, ‘Lalpa, la pu la pateu Pathian, Abraham Pathian, Isak Pathian leh Jakob Pathian chu ka kiang in a hung kilâk hen, zia gual hin a gen hi: Aigupta gam ah, bang bang la chung ua tung a hem ti ka he’n, ka hun ngaisak zing la hiu;

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

DANIAL 3:27

Gambung awpte leh a kithuapiteu, thudot mite, sumkolte, thutante leh vaihawmte zosia a hung khawm un, zia mite chung ah chun mei in bangma thilhitheina a nei puai; a luchang ua samzang le a kângkin pua’n, a puanâk chual uh le bangma a tipua, mei gimle a nam puau ti a mu chiat tau a.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

MARKA 12:26

Mithi thawkitna thu Mosi lekhabu chun, chîmbuk ah Pathian in, ‘Kei Abraham Pathian, Isak Pathian, Jakob Pathian ka hi,’ tia a gente kha sim kha’lo la hiu em?

LUKA 20:37

Lalpa, Abraham Pathian, Isak Pathian leh Jakob Pathian chun Mosi kha a ko ah, hampa buk lak ah kipat a kiang ah khan mithi thawkitna a um ngei ahi ti a la taklang hi.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

ROMTE 8:3

Chutichun, Dan in a mamaw chu, ei uh taksa dan ah chawn lo ah, Thagau dan ah chawnte ah hin sukbukim ahitheina dingin,

DAN LEKHABU 33:16

lei leh a chung ah hausakna zosia tawh, Sinai ah chêngpa doisakna tawh chang ta hen. Zia zosiate hi Joseph luchung ah tung hen la; a suapite chung ah vaihawmpa chalpâng ah chun um ta hen.

DAN LEKHABU 4:20

Himaleh, tu’ni hun ah Lalpa golua mite la hi gual ua la hung um theina ding un, ama’n thîk haltuina lak ah kipat, Aiguptate khut ah kipat ngei khan a hun hukdok la hiu kha.

2 THESSALONITE 1:7

Lalpa Jesu van ah kipat vansawlchâk hat takte tawh meikuang ah a hung kilâk phat leh, nang uh gimthuak ah umte chu kei uh tawh chawldamna ei piak ah,

VAIHAWMTE 13:13

Lalpa vansawlchâk chun Manoah kiang in, “Numei in a kiang ah ka gen zosia kha pilvâng tak in zui hen.