PAWTDAWNA THU 3:19 - PATHIAN LEKHABU THIANGTHO (BSI)

¹⁹ Ka khut thahat in a cham lo ah a phalsak lo ngal leh Aigupta lengpa chun hun pawt dawsak phal pua’n ah ti ka henai.

PAWTDAWNA THU 3:19 ပူးပေါင်းရင်းမြစ်များ

PAWTDAWNA THU 10:20

Himaleh, Lalpa chun Pharaoh lungthim chu a hikhau ah; tichun, Israel chate chu a chiasak nuam nai diak puai.

PAWTDAWNA THU 11:10

Mosi tawh Aron in zia thilmak zosia chu Pharaoh ma-âng in a bawl tau a; himaleh, Lalpa chun Pharaoh lungthim a hikhau ah, a gam ah kipat in Israelte chu a pawt dawsak nuam diak puai.

PAWTDAWNA THU 11:9

Lalpa’n Mosi kiang in, “Aigupta gam ah thilmak tam tak ka bawl theina dingin Pharaoh chun la thugen ngaisak pua’n a,” a tia.

PAWTDAWNA THU 13:15

Pharaoh in ei pawt dawsak nop lo lai ah, Lalpa chun Aigupta gam ah cha lutîl zosia, mihing cha masa pen leh, gancha no masa pen chu a that hen: Ziaziakchun, sulhong masa pen, a chal taphot chu Lalpa kiang ah ka lat ahi; ahi’n la, ka chate lakah a piang masa pen chu ka tat ahi,” ti’n la dawnhu sek diu ahi.

PAWTDAWNA THU 4:21

Lalpa chun Mosi kiang in, “Aigupta gam lam ah la chia kit phat leh thilmak la bawlthei ding ah ka hun piak zosia kha Pharaoh ma-âng in la bawl suak na em ti enpha’n la; ahi’n, a lungthim hi’tâk ding ka hi; tichun, mipite chu pawtsak nuam pua’n a.

PAWTDAWNA THU 5:2

Himaleh, Pharaoh chun, “Israelte ka chiasak ah, a thu ka ngai ding Lalpa chu kua a hem? Zia Lalpa chu ka hepua’n, Israelte chu le pawt daw sak lo ding ka hi,” a tia.

PAWTDAWNA THU 6:1

Ziaphatchun, Lalpa chun Mosi kiang in, “Tu’hin Pharaoh chung ah bang bang hun bawl ding ka hem ti hun mu’n la: Keima khut thahât tak ziakin amau chu hun pawt dawsak ding ahi ngal ah; ama chun keima khut thahâtna ziakin a gam sung ah kipat in hun nawdok ding ahi,” a tia.

PAWTDAWNA THU 8:28

Tichun, Pharaoh chun, “Gamthip ah Lalpa la Pathian kiang ua kithawi dingin hun pawtsak ing ka; gamla la chia lo ding uh hi’ntin. Tichun, kei â dinginle ei dot piak un,” a tia.

PAWTDAWNA THU 9:35

Chutichun, Lalpa’n Mosi kiang ah a la gen taksa gual ah khan Pharaoh lungchang chu suktâk in a um ta’n, Israel chate chu a pawtsak nuam diak ta puai.

PAWTDAWNA THU 9:7

Pharaoh chun a kan zui leh Israelte gancha khat le a thi puai ti a hechian tai. Himaleh, Pharaoh chun a lungthim a sukhak ah; tichun, mipite chu a pawtsak phal diak puai.